Mika 3:8 - AHYERƐLƐ KRONGRON

⁸ Nakoso me de, AWURADE Sunzum ama me tumi, wama ndɛenbualɛ turoloo ne anwoserɛ ayi me tɛkyɛ, kyɛ mva Yakob ye mmeraatolɛ ndo ye nyunu, ná mva Yisrael koso ye bɔne ndo ye nyunu.

Mika 3:8 Iomraidhean Croise

YOB NWOMAA NE 32:18

Ofikyɛ edwirɛ bɔ mebaaha ne, ɔsone paa, na sunzum bɔ ɔwɔ me nu ne yeɛ ɔtwe me sa ɔ.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Yesaya 61:2

kyɛ mmɔ AWURADE anwumvoinnwunɛ afoɛ ne nwo dawure, ɔne yɛ Nyameɛ wereɛtɔlɛ kyẽa ne nwo dawure, kyɛ ngyekye ebiala bɔ ye wora abɔ ɔ wora;

Yeremia 1:18

Tie, ɛnɛ kyẽa ye, mafa wɔ mayɛ kuro bɔ babɔ ye nwo waen ɔ, buralɛ bonima ne kɔɔbere fasue matia maen ne amukoraa: Yuda ahemvo, ye atitire mɔ, ye asɔfo mɔ ne aseɛ ne aso ama.

Yeremia 20:9

Sɛ mekã kyɛ, “Mengɔkaye ye ko, anaa mengodwudwo wɔ ye dumaa nu ko” a, né ye dwirɛ ne ayɛ m’ahone nu kyɛ see bɔ ogye wɔ me mmowue nu ɔ. Mahyɛ me nwo so mafɛ, nakoso mengora.

Yeremia 6:11

Yiti AWURADE ahonehulɛ ne wawura me nu tɛkyɛ bɔ mengora me nwo so hyɛ ɔ. “Ngɔfa me yaa piri ne ngɔhɔ ngwadaa so wɔ mmorɔnoɛ nemɔ aso, yeɛ mmerandeɛ kure ne aso; ofikyɛ bɛkɔhye biaa ne ɔye po, yeɛ nworowaa ne mmenia bɔ banyi paa ɔ koso.

Awuye 2:14

Nningyein mbaen mbaen ne nnakannaka yeɛ wɔ ngɔmhyɛlɛfoɛ banwu bama wɔ ɔ; na banna w’amumuyɛɛ ali bɔ ɔnate so kɔmaa bɛkɔye wɔ bekofi nnurehyelɛ nu ɔ. Na mmom ngondombo ne nnakannaka nyekyire yeɛ banwu ye bama wɔ ɔ.

Hesekiel 16:2

“Sona awa, ma Yerusalem onwu ye akyiwadeɛ bra bɔ wabɔ ɔ,

Hesekiel 20:4

Ekobua bɛ ndɛen anaa, Sona awa? Ekobua bɛ ndɛen anaa? Nzaade maa benwu bɛ nana mɔ b’akyiwadeɛ bra bɔ bɛbɔle ɔ;

Hesekiel 22:2

Wɔ, Sona awa, ekobua ndɛen anaa, ekobua awuelilɛ kuro ne ndɛen anaa? Nzaade maa onwu ye akyiwadeɛ bra bɔ wabɔ amukoraa.

Hesekiel 23:36

Yeɛ AWURADE sele me kyɛ, “Sona awa, aso ekobua Ohola ne Oholiba ndɛen anaa? Nzaade fa b’akyiwadeɛ yɔleɛ ne si bɛ nyunu,

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Hesekiel 43:10

“Na wɔ, Sona awa, kã kyɛbɔ awuro ne osi te ɔ kyire Yisrael awuro ama ma bɛ nyunu gua ase wɔ b’amumuyɛɛ nwo. Maa besusu kyɛbɔ osi te ɔ.

Mateo 7:29

ofikyɛ ohyirehyirele bɛ kyɛ ebie bɔ ole tumi ɔ, na mmom nna kyɛ b’ahyerɛlɛfoɛ nemɔ.

Marko 3:17

Yakobo ne oliɛma Yohane bɔ bɛte Sebedeo mma ne, ɔtole bɛ dumaa Boanege, bɔ ye bo kyire agralaa mma;

1 Korintofoɛ 2:4

Mamva sona nworɛ ne tetateta yeɛ ngane me dwirɛ ná nyɔle me ngyerɛkyerɛ ɔ; na mmom mvale Sunzum ne ɔne tumi yeɛ nyɔle adwuma ɔ,