Mika 3:7 - AHYERƐLƐ KRONGRON

⁷ Bɛ bɔ bɛse ase ne, bɛ nyunu kogua ase, na ngonyaayelɛfoɛ kɔfɛre; amba, bɛ mukoraa bekomua bɛ noa, ofikyɛ mmuayɛɛ biala mvi Nyameɛ berɛ ɔmma.

Mika 3:7 Iomraidhean Croise

Edwein 74:9

Yɛnnwu yɛ frangaa nemɔ; ngɔmhyɛlɛniɛ biala nne berɛ ko; na yɛ nu biala nze kyẽa bɔ ɛhe bo kɔpɛ ɔ.

Ɛksadɔso 9:11

Ɔnate mbɔmbɔ ne ati, ngonyaayelɛfoɛ nemɔ angora Mose nyunu gyina, ofikyɛ né mbɔmbɔ abobɔ ngonyaayelɛfoɛ nemɔ ne Misraimfoɛ amukoraa.

Yesaya 44:25

Kyẽa bie dwirɛ nwo musue bɔ ahɔmeɛ bɛye ne, me yeɛ memaa ɔyɛ mbaen ɔ, mema ngonyaayelɛfoɛ bɛyɛ ngwaseaa, mema nworɛfoɛ bɛ nworɛ ka nziɛ, na mekakyi bɛ nimdeɛ ngwaseasɛm.

Yeremia 18:18

Yeɛ besele kyɛ, “Ɛmɔbra maa yɛbɔ Yeremia nwo porɛ, ofikyɛ mmeraa ne ngotu ngomini ngofi ɔsɔfo berɛ, foɛtulɛ ngotu ngomini ngofi nworɛniɛ berɛ, yeɛ edwirɛ ne koso, ongotu ngomini ngofi ngɔmhyɛlɛniɛ berɛ. Ɛmɔbra maa yɛpɛ dwirɛ yɛto ye so, na nnɛmɔmaa yɛtie ye dwirɛ biala.”

Hesekiel 24:17

Gua anwongokoɔ konn, yeɛ nnɛsũ sona bɔ wawu ne. Bɔ w’abotire, ná fa wɔ mbaboa wura. Nnɛfa nikyee kata wɔ noa, yeɛ nnɛdi ɛsɛenvoɛ aleɛ.”

Hesekiel 24:22

Na ɛmɔkɔyɔ bɔ mayɔ ne bie, ɛmɔngɔfa nikyee bɛngɔkata ɛmɔ noa, yeɛ ɛmɔngoli ɛsɛenvoɛ aleɛ.

Lewitikɔso 13:45

“Sona bɔ kwata anwonyerɛ kɔyɛ ye ne, odi kyɛ owura ndaadeɛ teterewaa ná ɔma ye ti nwiaa gua so basaa. Odi kyɛ ɔkata ye noa tuin anwuro ne aso ná ɔtea nu kyɛ, ‘Me nwo nde o, me nwo nde o!

Amose 8:11

“Tie, mmerɛ bie ɔ́ba, bɔ ngɔma ɛhɔen kandinga bie kɔwa aseɛ ne aso, bɔ nna aleɛ hɔen ɔ, yeɛ nna nzuhɔen ɔ, na mmom AWURADE dwirɛ tiele nwo hɔen ɔ”, AWURADE noa dwirɛ ɛne.

Mika 3:4

Afei bekosu bɛkɔfrɛ AWURADE, nakoso ɔngɔtɛ bɛ so. Sɔ mmerɛ ne, ɔkɔye ye nye kɔfea bɛ, ofikyɛ bɛ yɔleɛ te bɔne.

Mika 7:16

Maen maen mɔ konwu ye, na bɛ nyunu kogua ase, b’anwoserɛ amukoraa si ne. Bɛkɔfa bɛ sa bɛkɔto bɛ noa, na bɛ so koti.

Sakaria 13:4

Sɔ kyẽa ne, ngɔmhyɛlɛniɛ biala hyɛ ngɔm a, ye nyunu kogua ase wɔ ye nyekyire nwo, yeɛ bengowura enwiaa ataadeɛ aguasoɛ ngɔfa ngɔlakalaka mmenia.

1 Samuel 14:37

Yiti Sɔɔlo bisale Nyameɛ kyɛ, “Yiti mva koɛ ngɔndoa Filistifoɛ anaa? Aso ɛkɔfa bɛ kowura Yisrael sa anaa?” Nakoso Nyameɛ andɛ ye so sɔ kyẽa ne.

1 Samuel 28:15

Afei Samuel bisale Sɔɔlo kyɛ, “Nzu ati yeɛ agyegye me amaa mafi ɛborɔ dɔ mawa ɔ”? Na Sɔɔlo buale kyɛ, “Edwirɛ piri paa ato me, ofikyɛ Filistifoɛ afa koɛ batoa me. Nakoso Nyameɛ ayakyi me nu, na ɔmva ngɔmhyɛlɛfoɛ so anaa laleɛ nu mmua me ko. Yiti yeɛ mafrɛ wɔ kyɛ eehyire me bɔ nyɔ ɔ.”

1 Samuel 28:6

Sɔɔlo bisale AWURADE, nakoso laleɛ nu oo, Yurim so oo, anaa ngɔmhyɛlɛfoɛ so oo, AWURADE andɛ ye so.

1 Samuel 9:9

(Daa ne, wɔ Yisrael, né sɛ ebie ɔkwaabisa Nyameɛ berɛ dwirɛ a, ɔka kyɛ, “Ɛmɔbra ma yɛhɔ Nyameɛ sona bɔ ɔse ase ne berɛ”, ofikyɛ sona bɔ ɛnɛ ye bɛfrɛ ye ngɔmhyɛlɛniɛ ne, daa ne de, né bɛfrɛ ye Nyameɛ sona bɔ ɔse ase ɔ).