Mika 3:5 - AHYERƐLƐ KRONGRON

⁵ Ngɔmhyɛlɛfoɛ bɔ bɛma me maen di makyebu, bɔ ɛma bɛ aleɛ maa bedi a bɛkekã kyɛ, “Asomdwee oo, asomdwee oo”, nakoso sɛ ebie amma bɛ aleɛ maa banni a, bɛfa koɛ bɛtoa ye ne, bɔ AWURADE kã fa bɛ nwo ɛne.

Mika 3:5 Iomraidhean Croise

Anyandera 28:21

Mmenia nu nyeyemuɛ ɔtte mayee, nakoso aleɛ kaaba bie po ɔkora ma sona yɔ bɔne.

Yesaya 3:12

Ngwadaa yeɛ bɛhyɛ me maen so ɔ, na mmrasua yeɛ bedi bɛ so panyi ɔ. O me maen, wɔ mbanyi mɔ lakalaka wɔ maa edi makyebu fi w’atimbire so.

Yeremia 23:27

Bɛ laleɛ mɔ bɔ bɛkekã bekyire bɛ nwo bɛ nwo nemɔ, bɛdwene kyɛ bɛkɔfa so bɛkɔma me maen ye wora kofi me dumaa, kyɛbɔ bɛ nana mɔ mane bɛ wora fili me dumaa bɛɛsole Baal ne.

Yeremia 23:32

Tie, me nye sa bɛ bɔ begyina ngondombo laleɛ so bɛhyɛ ngɔm bɛkekã bekyire mmenia ɔ, AWURADE noa dwirɛ ɛne; na bɛfa bɛ ngondombo ne bɛ suban tɛɛ so bɛma me maen di makyebu, wɔ aberɛ bɔ nnzomane bɛ, anaa mmvale ahyɛdeɛ mmmane bɛ ɔ. Yiti bɛ nwo ngɔwa mvasoɛ biala ngɔma maen he, AWURADE noa dwirɛ ɛne.

Yeremia 6:14

Bande bɛ nye bammia me maen ye ngena mɔ. Na bɛnwa, ‘Asomdwee oo, asomdwee oo,’ wɔ aberɛ bɔ asomdwee nne berɛ ɔ.

Yeremia 6:4

“Ɛ́mɔfa koɛ bɛɛteta ye; ɛ́mɔdwɔso maa yɛfa koɛ yɛɛtoa ye eyiagyina!” “Yawu oo, aleɛ pena sa, nɔsoa wawoɛ mɔ bayɛ ndendenn!”

Awuye 2:14

Nningyein mbaen mbaen ne nnakannaka yeɛ wɔ ngɔmhyɛlɛfoɛ banwu bama wɔ ɔ; na banna w’amumuyɛɛ ali bɔ ɔnate so kɔmaa bɛkɔye wɔ bekofi nnurehyelɛ nu ɔ. Na mmom ngondombo ne nnakannaka nyekyire yeɛ banwu ye bama wɔ ɔ.

Hesekiel 13:9

Me tumi kɔho kotia ngɔmhyɛlɛfoɛ bɔ bɛbɔ bɛ sɔ nu benwu nyekyire, ná bɛhyɛ ngondombo ngɔm ɔ. Bɛngɔboka me maen badwa ne aso, bɛngɔha bɛ ngɔfra Yisrael awuro ama so, yeɛ bɛ gya baa ngotia Yisrael aseɛ so, amaa ɔnate so ɛmɔanwu kyɛ me ole AWURADE Nyameɛ.

Hosea 4:5

Yiti ekosoti eyia, na ngɔmhyɛlɛniɛ ne koso ɔne wɔ bekosoti kɔngɔen, na ngonua wɔ maame boso.

Yoel 3:9

“Ɛ́mɔbɔ ɛhe dawure wɔ Amaenmaensofoɛ mɔ nu kyɛ, Ɛ́mɔhyehyɛ koɛ, ɛ́mɔkanyane koɛhonɛfoɛ nemɔ. Ɛ́mɔma koɛhonɛfoɛ nemɔ amukoraa bɛbɔ bepingye; ɛ́mɔma bɛfo bɛbra.

Mika 2:11

Sɛ ebie nate ɔkekã edwirɛ mbaen mbaen ne ngondombo dwirɛ kyɛ, “Ngɔhyɛ nzaa ne nzaa serɛ nwo ngɔm ngohyire wɔ” a, ye yeɛ bekobu ye kyɛ ɔte maen ngɔmhyɛlɛniɛ ɔ.

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Malaki 2:8

Nakoso ɛmɔali makyebu bafi atee ne aso; ɛmɔafa ɛmɔ noa dwirɛ bama mmeni pee basoti bafi mmeraa ne anwo; ɛmɔagua Lewi apam ne anwo fiɛ, Asafo AWURADE noa dwirɛ ɛne.

Mateo 15:14

Nnɛma ɛmɔtɛ bɛ so! Bɛte anyesiniwaafoɛ bɔ bekyire anyesiniwaafoɛ atee ɔ. Na sɛ anyesiniwaaniɛ kyire anyesiniwaaniɛ atee a, bɛ munyɔ bɛkɔtɔ kumaa nu.”

Mateo 7:15

“Ɛ́mɔnea ɛmɔ nwo yé wɔ ngondombo ngɔmhyɛlɛfoɛ nwo; bɛfa boaen nwomaa bedwira bɛ nwo bɛba ɛmɔ berɛ, nakoso bɛ nu de, bɛte pataku adifuufoɛ.

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.