Mika 3:2 - AHYERƐLƐ KRONGRON

² Nakoso ɛmɔ yeɛ ɛmɔkyi paa, ná ɛmɔkuro bɔne ɔ, ɛmɔwɔngye me maen bɛ nwo wereɛ, ɔne bɛ nwonaen fi bɛ mmowue nwo ɔ;

Mika 3:2 Iomraidhean Croise

1 Ahemvo 21:20

Ahabo bisale Elia kyɛ, “Eh me pɔfoɛ, bɔ mayɔ ye, ama me bo ala so?” Na Elia buale kyɛ, “Yoo, mama wɔ bo ala so. Atu wɔ nwo asie berɛ kyɛ ɛkɔyɔ bɔ ɔte bɔne wɔ AWURADE nyunu ɔ. Ye sɔ ti,

2 Aberɛso Dwirɛ 19:2

Na Hanani awa Yehu bɔ ɔte sona bɔ ɔse ase ne, ɔhɔ ooyiale Nana Yehosafate, na Yehu bisale ye kyɛ, “Aso odi kyɛ ɛboka amumuyɛɛniɛ, ná bɛ bɔ bekyi AWURADE ne, ɛne bɛ tu nu anaa? Ɔnate ye sɔ ti, AWURADE yaafɛlɛ piri awa wɔ so.

Edwein 15:4

Sɔ sona ne, amumuyɛɛfoɛ bɛla ye nye so mbaen, na ɔfa anidie ma bɛ bɔ besuro AWURADE ɔ. Sɛ ɔta ndaen ma ye nwo kyere ye po a, ommu so;

Edwein 53:4

Aso nimdeɛ abɔ amumuyɛɛfoɛ anaa? Bɛ yeɛ bedi me maen aminɛ kyɛ bedi aleɛ ne ala, ná bɛmbena Nyameɛ si atee ɔ.

Anyandera 28:4

Bɛ bɔ bɛmva mmeraa bɛnyɛ huu ne, bɛbɔ bɔnefoɛ aba so, nakoso bɛ bɔ bedi mmeraa so ne de, bɛko betia bɔnefoɛ.

Yesaya 3:15

Ɔwale ye sɛ bɔ ɛmɔadufudufu me mmenia sɔa, bɔ ɛmɔadwiridwiri ehiafoɛ bɛ nyunu sɔa e?” AWURADE, Asafo NYAMEƐ ne, ye noa dwirɛ ɛne.

Yesaya 5:20

Bɛ yaakɔ! Bɛ bɔ bɛkã kyɛ bɔne te paa, ɔne kyɛ paa te bɔne ɔ; bɛ bɔ bɛfa awosii bɛyɛ kanea, ná bafa kanea bayɛ awosii ɔ; bɛ bɔ bɛnwa nikyee weewee te menemene, ná nikyee menemene koso yɛ wee ɔ!

Yesaya 57:12

Wɔ tenenee ne wɔ yɔleɛ nemɔ, ngɔye bɛ ali ngohyire, na so ngɔwa mvasoɛ biala ngɔma wɔ.

Hesekiel 11:7

Yiti AWURADE Nyameɛ nwa nyoo: Mmenia bɔ ɛmɔahũhũ bɛ bagua nu ne, bɛ ole naen ne, yeɛ kuro he ole turonzemaa ne; nakoso ɛmɔ de, ngotu ɛmɔ ngofi nu.

Hesekiel 22:27

Ye mbanyi bɔ bɛwɔ ye nu ne, bɛte kyɛ mbataku bɔ bɛtete naen bɔ bahye ye ɔ nu ɔ. Bɛkã mogya begua, na beku mmenia maa ɔnate so benya anwonyadeɛ fiɛ.

Hesekiel 24:4

fa naen porɛ porɛ ne gua nu, porɛ porɛ paa ne amukoraa, ye sɔ ne ye awaen ne, ná fa mmowue paa nemɔ gua so ma oyi.

Hesekiel 34:3

Ɛloe ne yeɛ ɛmɔdi ɔ, mmoaen ne nwo nwiaa yeɛ ɛmɔfa bɛyɛ ɛtena bɛkera ɔ, ɛmɔku bɔ walɔ ne, nakoso mmoaen nemɔ de, ɛmɔnnea bɛ so.

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Amose 5:15

Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.

Mika 2:8

Na ɛlɛsa ye, ɛmɔadwɔso batia me maen kyɛ pɔfoɛ, na bɛ bɔ bɛpɛ nu konn, bɔ bɛte mmenia bɔ benguro koɛ ne, ɛmɔpuro bɛ ndaadeɛ aguasoɛ.

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.

Sefania 3:3

Nu mbanyi mɔ bɛte gyata mɔ bɔ bɛbobɔ nu ɔ; ye maenbulɛfoɛ bɛte nɔsoa mbataku bɔ bɛnyakyi bowue po mma aleɛ ngye so ɔ.

Luka 19:14

Nakoso ye maen ne anu ama de, né bɛpɔ ye, yiti betuli ɛbɔfoɛ mɔ maa bɛpole ye so bɛɛhane kyɛ, ‘Yɛmbena kyɛ sɔ biaa he odi yɛ so hene.’

Yohane 18:40

Na bɛteateane nu bieku kyɛ, “Nna akoaa he ɔ, na mmom Baraba!” (Né Baraba te awerɔm awueniɛ.)

Yohane 7:7

Wiase ngora mbɔ ɛmɔ, nakoso me yeɛ ɔpɔ me ɔ, ofikyɛ medi adanzeɛ kyɛ ye yɔleɛ te bɔne.

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

2 Timoteo 3:3

bengonya sona nwo dɔ, amvamvirifoɛ, ɛsoentolɛfoɛ, bɛ bɔ bɛnhyɛ b’akɔnnɔ so ɔ, bɛ bɔ bɛ ti anu te awosii, bɛ bɔ bɛpo nikye paa biala,