Mika 3:12 - AHYERƐLƐ KRONGRON

¹² Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Mika 3:12 Iomraidhean Croise

Edwein 107:34

ɔkakyi aseɛ bɔ ɔkye aleɛ ɔ maa ɔyɛ ɛgyɛhyerɛ, ɔnate aseɛ ne aso ama bɛ bɔne ti.

Edwein 79:1

Ao Nyameɛ, maen maen mɔ bafa koɛ baateta w’agyapadeɛ, bafa efiɛ bahã w’asɔneyɛɛ sua krongron ne, babɔ Yerusalem kuro ne.

Yesaya 32:14

Ofikyɛ ahemvie ne kɔkakyi dandue, kuro bɔ nu mmenia worawora ne, bekotu bekofi so; na ye pambaa ne ye abandenden kɔkakyi ngaka atenaleɛ daa, ɔkɔyɛ anika atenaleɛ kɔma eburo afunum mɔ, ɔne nekaa bɔ nyɛmmoa bedidi ɔ,

Yeremia 17:3

Ao, me bokaa bɔ ɛwɔ eburo ɔ, ɔnate wɔ bɔne asɔneyɛɛ mɔ bɔ bɛwɔ w’aseɛ ne amukoraa so ne ati, ngɔfa wɔ nningyein ne w’agyapadeɛ amukoraa ngɔmaa bɛkɔfẽ bɛkɔfa.

Yeremia 22:5

Nakoso sɛ ɛmɔandie edwirɛ hemɔ a, ye de meta me bɔbɔ me nwo ndaen kyɛ awuro he kɔkakyi dandue, AWURADE noa dwirɛ ɛne.

Yeremia 22:6

Ofikyɛ bɔ AWURADE ɔkã fa Yuda hene awuro ama nwo ɛhe, “ ‘Ɛte kyɛ Gileade ma me, ɔne Lebanon ti afia; nakoso amba ngɔmaa ɛkɔkakyi aseɛ pralaa ne nguro bɔ sona nne so ɔ.

Yeremia 26:18

“Moreseteniɛ Mika hyɛle ngɔm wɔ Yuda hene Hesekia aberɛ so, na osele Yudafoɛ amukoraa kyɛ, ‘Bɔ Asafo AWURADE kã ɛhe: Bekofundam Sion kyɛ eboo, Yerusalem kɔkakyi esire esire, na bokaa bɔ awuro ne gyi so ne, ɔkakyi ɛhɔayeɛ.’

Yeremia 35:17

Yiti AWURADE, Asafo Nyameɛ, Yisrael Nyameɛ nwa nyoo: Ɛ́mɔtie, musue amukoraa bɔ ngane kyɛ ngɔmaa ɔkɔwa Yuda ne Yerusalemfoɛ amukoraa bɛ so ne, ngɔprapra ngogua bɛ so; ofikyɛ madwudwo mahyire bɛ, nakoso bandie; mafrɛ bɛ, nakoso bandɛ me so.”

Yeremia 44:2

“Bɔ Asafo AWURADE, Yisrael Nyameɛ kã ɛhe: Ɛmɔanwu musue amukoraa bɔ maprapra magua Yerusalem ne Yuda nguro amukoraa so ne. Na ɛ́mɔnea, ɛnɛ bayɛ kurofoen bɔ ebiala nne berɛ bɔ ɔte so ɔ,

Yeremia 52:13

Ɔyerale AWURADE awuro ne, ahemvie ne, ɔne Yerusalem sua amukoraa, na atitire nemɔ sua ne koso, ɔtole bɛ nu see yerale bɛ.

Yeremia 9:10

Mmokaa nemɔ ati, ngosu ngɔbɔ abubue, yeɛ ɛserɛ so nekaa bɔ ngaka didi ne ati, ngɔbɔ awuye, ofikyɛ bayera bɛ bɔ ebiala ngora mbɛ nu berɛ ɔ, na bɛnde nyɛmmoa suɛ; ewienu nnomaa yeɛ eburo ngaka koso, banwati bahɔ.

Yeremia 9:11

Ngɔma Yerusalem kɔkakyi esire sire, ɛserɛ so ngyea atenaleɛ; ngɔma Yuda nguro kɔkakyi kurofoen, bɔ sona biala nne so ɔ.”

Awuye 5:18

Sion bokaa ne ayɛ kurofoen, yiti eburo ngyea natenate so.

Mika 1:6

Yiti ngɔma Samaria kɔkakyi kurofoen wɔ eburo, ɔne aseɛ bɔ bɛyɛ so bobe boo ɔ. Ngodwiri ye nyɔboɛ mɔ ngogua bɔnza ne anu, ná mama ye fapem mɔ nwo alela berɛ.

Mateo 24:2

Na obuale bɛ kyɛ, “Yeɛ ɛmɔnwu ɛhemɔ amukoraa? Nahorɛ nu, mekã mekyire ɛmɔ kyɛ, bɛngɔyakyi nyɔboɛ bɔ ogyi nyɔboɛ so ɔ wɔ wa bɔ bengodwiri bengogua ase ɔ.”