Mika 3:11 - AHYERƐLƐ KRONGRON

¹¹ Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Mika 3:11 Iomraidhean Croise

Anyandera 17:23

Bɔnefoɛ ɔfea ye nwo ode fea-ase-ma, kyɛ ogyina so obua ndɛengyea.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 48:2

Ofikyɛ bɛfrɛ bɛ nwo kyɛ bɛte kuro krongron ne anu ama, bɔ bɛfa bɛ nwo bɛto Yisrael Nyameɛ so ɔ; ye dumaa ole Asafo AWURADE.

Yesaya 5:23

Bɛ yaakɔ! Bɛ bɔ bede fea-ase-ma bebua sona bɔ odi fɔ be ɔ, ɔne bɛ bɔ bebua sona bɔ odi be ndɛengyea ɔ!

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Yeremia 23:17

Bɛkɔ so bɛkã bekyire bɛ bɔ bebu me animtia ne kyɛ AWURADE nwa nyoo, ‘Ɛmɔkonya asomdwee’; na bɛkã bekyire ebiala bɔ odi ye ti piri ɔyɛ asoserɛ ne kyɛ, ‘Musue biala ngɔto ɛmɔ.’ ”

Yeremia 26:7

Yiti asɔfo nemɔ ne ngɔmhyɛlɛfoɛ nemɔ ne maen ne amukoraa bɛtele kyɛ Yeremia ɔkã sɔ dwirɛ ne wɔ AWURADE awuro berɛ ɔ.

Yeremia 5:12

Bapɛ AWURADE nwo ngondombo, na bahã kyɛ, ‘Ɔngɔyɔ huu, edwirɛ tɛɛ biala ngɔto yɛ, koɛ ngɔto yɛ, yeɛ ɛhɔen koso ngɔwa.

Yeremia 6:13

Ofikyɛ ofi bɛ nu kwahweabaa mɔ so bɔ ɔkwaadwu bɛ nu titire paa mɔ so ɔ, apoobɔlɛ ali ebiala ti; ofi ngɔmhyɛlɛniɛ so bɔ ɔkwaadwu ɔsɔfo so po, ebiala nga nahorɛ.

Yeremia 7:4

Nnɛma ɛ́mɔfa ɛmɔ wora bewura ngondombo dwirɛ hemɔ anu: ‘AWURADE asɔneyɛɛ sua ne, AWURADE asɔneyɛɛ sua ne, AWURADE asɔneyɛɛ sua ne ɛhe.’

Yeremia 8:10

Yiti ngɔfa bɛ ye mɔ ngɔma mmenia foforɛ, ná mafa bɛ boo mɔ mama bɛ pɔfoɛ mɔ, ofikyɛ ofi kwahweabaa so bɔ ɔkwaadwu atitire paa so, bɛ mukoraa bedi aminɛ; ofi ngɔmhyɛlɛniɛ so bɔ ɔkwaadwu ɔsɔfo so, ebiala nate ngondombo atee so.

Hesekiel 22:12

Mmenia wɔ wɔ nu bɔ bede fea-ase-ma beku mmenia ɔ. Ede nzihoɛ mbemanim, na esisi ebiɛngo enya wɔ nwo; nakoso me de, wɔ wora afi me, AWURADE Nyameɛ noa dwirɛ ɛne.

Hesekiel 22:27

Ye mbanyi bɔ bɛwɔ ye nu ne, bɛte kyɛ mbataku bɔ bɛtete naen bɔ bahye ye ɔ nu ɔ. Bɛkã mogya begua, na beku mmenia maa ɔnate so benya anwonyadeɛ fiɛ.

Hesekiel 34:2

Sona awa, hyɛ ngɔm tia Yisrael mmoaenneafoɛ nemɔ. Hyɛ ngɔm ná se mmoaenneafoɛ nemɔ kyɛ, ‘AWURADE Nyameɛ nwa nyoo: Ɛmɔ yaakɔ! Yisraelfoɛ mmoaenneafoɛ bɔ ɛmɔ bɔbɔ ɛmɔ nwo yeɛ ɛmɔnea so ɔ! Aso nna mmoaen nemɔ so yeɛ odi kyɛ mmoaenneafoɛ bɛnea ɔ?

Hosea 4:18

Bɛno bɛ nzaa ngapealaa ne a, gyandera alaa yeɛ bɛbɔ ɔ; animguaseɛ yeɛ bɛ mbanyi mɔ bekuro ɔ.

Hosea 4:8

Me maen, bɔne yeɛ ɔte b’aleɛ ɔ, na b’amumuyɛɛ yeɛ wali bɛ ti ɔ.

Amose 5:14

Bɔ ɔte paa mmom yeɛ odi kyɛ ɛmɔpena ye si atee ɔ, na nna bɔ ɔte bɔne ɔ, amaa ɔnate so ɛmɔanya ngoa, na AWURADE Asafo Nyameɛ kogyina ɛmɔ si, kyɛbɔ ɛmɔahã ne.

Amose 9:10

Me maen nu bɔnefoɛ amukoraa bɛkɔtotɔ ngrandɛ noa; bɛ yeɛ bɛkekã kyɛ, ‘Musue biala ngɔto yɛ anaa ɔngɔhora yɛ’ ne.

Mika 3:5

Ngɔmhyɛlɛfoɛ bɔ bɛma me maen di makyebu, bɔ ɛma bɛ aleɛ maa bedi a bɛkekã kyɛ, “Asomdwee oo, asomdwee oo”, nakoso sɛ ebie amma bɛ aleɛ maa banni a, bɛfa koɛ bɛtoa ye ne, bɔ AWURADE kã fa bɛ nwo ɛne.

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.

Sefania 3:3

Nu mbanyi mɔ bɛte gyata mɔ bɔ bɛbobɔ nu ɔ; ye maenbulɛfoɛ bɛte nɔsoa mbataku bɔ bɛnyakyi bowue po mma aleɛ ngye so ɔ.

Sefania 3:4

Ye ngɔmhyɛlɛfoɛ bɛte anwohoahoafoɛ, nnakannaka mmenia, ye asɔfo mɔ begua nekaa krongron berɛ nwo fiɛ, na bɛmva mmeraa ne bɛnyɛ huu.

Malaki 1:10

O, ɛmɔ nu nwa yeɛ ɔkɔɔtoto anoa nemɔ anu ɔ, amaa ɔnate so ɛmɔangɔ anzɔ m’afɔleɛ bokyea ne aso see mbaen. Me kunu ndwo wɔ ɛmɔ nwo, yeɛ mengole ɛmɔ sa nu afɔleɛ ne, Asafo AWURADE noa dwirɛ ɛne.

Malaki 2:9

Yiti, me koso, maprapra animguaseɛ magua ɛmɔ so, yeɛ mabrɛ ɛmɔ ase wɔ maen maen amukoraa bɛ nyunu, kyɛbɔ ɛmɔmva m’atee so, ná mmom ɛmɔbua ndɛengyea ne ala.”

Numeri 16:15

Mose fɛle yaa paa, na osele AWURADE kyɛ, “Nnɛde b’afɔleɛ ne to nu. Nnnele afunum ko po mmvili bɛ berɛ, yeɛ nnyɔle bɛ nu biala tɛɛ.”

Numeri 22:7

Yiti Moabo mbanyi ne Midian mbanyi fale abisa aboadeɛ ne, na besili nu bɛhɔle Balaam berɛ bɛɛfale Balake dwirɛ ne bɛɛbɔle ye amaneɛ.

Mateo 3:9

Na nnɛma ɛmɔlakalaka ɛmɔ nwo bɛka kyɛ, ‘Abraham bosofoɛ ole yɛ’; na mekã mekyire ɛmɔ kyɛ, Nyameɛ kɔhora kɔkakyi nyɔboɛ hemɔ maa bɛkɔyɛ Abraham bosofoɛ.

1 Timoteo 3:3

ɔnzɛ kyɛ ɔyɛ akɔnomnzaniɛ, ahupoo, na mmom ɔsɛ kyɛ odwo; ɔnzɛ kyɛ okuro ngondii, anaa ɔma ye nye boro sikaa.

Tito 1:11

bɔ ɔsɛ kyɛ bɛmaa bemua bɛ noa ɔ. Bɛ yeɛ mvasoɛ fiɛ ti bekyirekyire bɔ ɔnzɛ kyɛ bekyire ɔ, na bɛfa bɛsɛkye abusuafoɛ mukoraa b’adwene.

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.

1 Samuel 8:3

Nakoso ye mma nemɔ de, bamva ye suban, na mmom bɛmane bɛ nye borole nikye, belele fea-ase-ma, na bebuale ndɛengyea.