Mika 3:1 - AHYERƐLƐ KRONGRON

¹ Na ngane kyɛ, Ao, mesrɛ ɛmɔ, ɛ́mɔtie oo, Yakob atitire ne Yisrael awuro ama mbanyi. Aso nna ɛmɔ yeɛ odi kyɛ ɛmɔnea kyɛ ndɛen turoloo kɔyɛ adwuma ɔ?

Mika 3:1 Iomraidhean Croise

Nehemia 13:17

Yiti ngane Yuda atitire nemɔ nyunu kyɛ, “Nzikyɛ musue yeɛ ɛmɔbɔ ye? Ɛmɔgua afofikyẽa ne anwo fiɛ?

Edwein 14:4

Bɔnefoɛ amukoraa, aso nimdeɛ abɔ bɛ anaa; bɛ yeɛ bedi me mmenia aminɛ kyɛbɔ bedi aleɛ, ná bɛnzɔne AWURADE ɔ?

Yesaya 1:10

Mbanyi bɔ bedi Sodom so ɔ, ɛ́mɔtie AWURADE noa dwirɛ! Ɛmɔ Gomorafoɛ, ɛ́mɔyɛ asoɛ bétie yɛ Nyameɛ ngyerɛkyerɛ!

Yesaya 10:2

kyɛ bɛfa bebua ehiafoɛ ndɛengyea, kyɛ bɛfa bedi me mmenia bɔ bɛyɛ anwumvo ɔ aminɛ, bɔ ɔnate so bɛfa akunafoɛ mmrasua bɛkakyi bɛ koɛ nu nzesadeɛ, ɔne kyɛ bedi nyisiaa aminɛ ɔ.

Hesekiel 22:6

“ ‘Tie, Yisrael mbanyi bɔ bɛwɔ wɔ nu ne, bɛ nu biala gyina ye tumi so yeɛ ɔkã mogya gua ɔ.

Hesekiel 34:2

Sona awa, hyɛ ngɔm tia Yisrael mmoaenneafoɛ nemɔ. Hyɛ ngɔm ná se mmoaenneafoɛ nemɔ kyɛ, ‘AWURADE Nyameɛ nwa nyoo: Ɛmɔ yaakɔ! Yisraelfoɛ mmoaenneafoɛ bɔ ɛmɔ bɔbɔ ɛmɔ nwo yeɛ ɛmɔnea so ɔ! Aso nna mmoaen nemɔ so yeɛ odi kyɛ mmoaenneafoɛ bɛnea ɔ?

Hesekiel 34:3

Ɛloe ne yeɛ ɛmɔdi ɔ, mmoaen ne nwo nwiaa yeɛ ɛmɔfa bɛyɛ ɛtena bɛkera ɔ, ɛmɔku bɔ walɔ ne, nakoso mmoaen nemɔ de, ɛmɔnnea bɛ so.

Hesekiel 9:9

Yeɛ obuale me kyɛ, “Yisrael awuro ama ne Yuda awuro ama b’amumuyɛɛ ne ɔte piri paa; mogya ayi aseɛ ne aso to, yeɛ ndɛengyea ayi kuro ne anu to; ofikyɛ bɛnwa: ‘AWURADE apo aseɛ ne, yeɛ AWURADE nnwu huu.’

Hosea 5:1

Ao asɔfo, ɛ́mɔtie edwirɛ he, ɛmɔ, Yisrael awuro ama, ɛ́mɔyɛ asoɛ betie. Ao, ɛhene awuro ama, ɛ́mɔtie, ofikyɛ ndɛenbualɛ ne, ɔ́ba ɛmɔ so; ofikyɛ ɛmɔakakyi ngaen wɔ Misepa, ɔne ɛtɛen bɔ batrɛtrɛ nu wɔ Tabɔ so ɔ.

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Amose 6:1

“Bɛ bɔ bɛ nwo atɔ bɛ wɔ Sion, yeɛ bɛ bɔ bɛfa bɛ wora bewura Samaria bokaa nu ɔ, maen maen mbanyi mɔ nu atitire mɔ bɔ Yisrael awuro ama bɛbapena mmokalɛ befi ɛmɔ berɛ ɔ, ɛmɔ yaakɔ!

Mika 2:13

Bɔ odwiri ɛwaen gua ne, ɔkɔfo koli bɛ nyunu moa; bele amirika yiridididi bɛkɔfa pambim ne anu, bɛkɔfa nu bekofite bɛkɔhɔ. Bɛ hene ne, ɔkɔsẽ koli bɛ nyunu, na AWURADE yeɛ okotua bɛ noa ɔ.

1 Korintofoɛ 6:5

Meka ɛhe ma ɛmɔfɛre. Aso nworɛniɛ komapɛ po nne ɛmɔ nu bɔ ɔkɔhora kosiesie aliɛmaa ne aliɛmaa b’afia dwirɛ ɔ,

Deuteronomi 16:18

“Wɔ nguro amukoraati bɔ AWURADE wɔ Nyameɛ ɔ́fa ma wɔ ne, neanea nu ná yeye ndɛenbualɛfoɛ ne mbanyi fi w’abusua kure nemɔ anu, na bɛ yeɛ bɛkɔfa ndɛen bɔ ɔtengyɛ bekobu maen ne ɔ.