Mika 2:8 - AHYERƐLƐ KRONGRON

⁸ Na ɛlɛsa ye, ɛmɔadwɔso batia me maen kyɛ pɔfoɛ, na bɛ bɔ bɛpɛ nu konn, bɔ bɛte mmenia bɔ benguro koɛ ne, ɛmɔpuro bɛ ndaadeɛ aguasoɛ.

Mika 2:8 Iomraidhean Croise

2 Samuel 20:19

Asomdwee mmenia ne mmenia bɔ bedi nahorɛ wɔ Yisrael ne, bɛ nu ko ole me. Kuro bɔ ye nwo hia paa wɔ Yisrael yeɛ ɛpena kyɛ ɛbɔ ye ɔ. Nzu ati yeɛ ɛpena kyɛ enua AWURADE agyapadeɛ boso ɔ.”

Edwein 55:20

Mmiɛngo ne, odwɔso tiale ye mmango nemɔ, na obuli ye apam ne aso,

Yesaya 9:21

Manase keka Efraim di, yeɛ Efraim koso keka Manase di, na bɛ munyɔ bɛko betia Yuda, Na ɛhemɔ amukoraa nu ne, wanyakyi bɛ so yaa fɛlɛ, na ɔtɛ dwɔso tia bɛ.

Yeremia 12:8

M’agyapadeɛ ne, wakakyi kyɛ ɛhɔayeɛ nu gyata wama me; wama ye komvi so wabobɔ nu wagua me so, yiti mepɔ ye.

Mika 3:2

Nakoso ɛmɔ yeɛ ɛmɔkyi paa, ná ɛmɔkuro bɔne ɔ, ɛmɔwɔngye me maen bɛ nwo wereɛ, ɔne bɛ nwonaen fi bɛ mmowue nwo ɔ;

Mika 3:3

ɛmɔdi me mmenia nwonaen, na ɛmɔpuro bɛ nwonaen befi bɛ nwo, ɛmɔbubu bɛ mmowue nu, ɛmɔpepɛ nu ahuronzi ahuronzi, kyɛ bɛfa begua kukue nu ɔ, kyɛ naen bɔ ogua turonzemaa nu ɔ.

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.