Mika 2:7 - AHYERƐLƐ KRONGRON

⁷ Ao Yakob boso ama, aso odi kyɛ bɛkã kyɛ, AWURADE Sunzum ne, aso olle aboterɛ anaa? Aso ye sa noa adwuma ɛhe? Aso me dwirɛ onziezie sona bɔ ye bra tengyɛ ɔ?

Mika 2:7 Iomraidhean Croise

Edwein 119:65

Ao AWURADE, alo wɔ somvoɛ kyɛbɔ wɔ dwirɛ te ɔ.

Edwein 119:68

Ɛte paa, na ɛyɔ bɔ ɔte paa ɔ, kyirekyire me w’ahyɛdeɛ ne.

Edwein 15:2

Sana bɔ ye bra te sannwuu, bɔ ɔyɔ bɔ ɔtengyɛ, bɔ ofi ye ahone nu ɔkã nahorɛ,

Edwein 18:26

Bɔ ye nwo te ne, wɔ wora ɛmaa onwu kyɛ wɔ nwo te, nakoso sona bɔ ɔte kanda de, ɛmaa onwu kyɛ ɛse nworɛ tra ye.

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Anyandera 10:29

AWURADE atee te anwoserɛ afealeɛ ma bɛ bɔ bɛ bra te sannwuu ɔ, nakoso bɔnefoɛ de, bɛkɔ sɛkyelɛ nu.

Anyandera 10:9

Sona bɔ odi nahorɛ ne, ɔnate a ye nwo sonn, nakoso ebiala bɔ ɔnate atee tɛɛ so ne de, ye nwo dwirɛ kofite.

Anyandera 14:2

Sona bɔ ɔnate nahorɛlilɛ atee so ne, osuro AWURADE, nakoso bɔ ɔnate atee tɛɛ so ne de, obu ye animtia.

Anyandera 2:7

Ɔfa nworɛ bɔ nu pi ɔ osie ma teneneefoɛ, ɔte akokyɛm ma bɛ bɔ bɛ bra te sannwuu ɔ;

Anyandera 28:18

Sona bɔ odi nahorɛ ne, okonya ngoa, nakoso bɔ ɔnate atee tɛɛ so ne de, ye ayieleɛ koyie ye mvum nu.

Yesaya 50:2

Mmale ne, nzu ati yeɛ né sona biala nne berɛ ɔ? Mvrɛle ne, aso né sona biala nne berɛ bɔ okosuro ɔ? Aso me sa te tikaape bɔ ɔngɔhora ngɔpepɛ ngole ɛmɔ ɔ? Anaakyɛ, nnne tumi bɔ mefa mepepɛ mede ɛmɔ anaa? Ɛ́mɔtie, metwi ɛpo nyunu maa ɔwewe, mema asue mɔ bɛkakyi aseɛ pralaa, na ɔnate kyɛ bɛ nu naen bennya nzue ti, nzuhɔen ku bɛ maa bewu bɛporɔ.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Yeremia 2:4

Ao, Yakob boso ama ne Yisrael mmusua mukoraa, ɛ́mɔtie AWURADE dwirɛ.

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Mika 3:9

Ɛmɔ, ɛ́mɔtie, Yakob awuro atitire, yeɛ Yisrael awuro ama mbanyi bɔ ɛmɔkyi ndɛenbualɛ turoloo, ná ɛmɔkyea pɛpɛɛpɛyɛlɛ amukoraa ɔ,

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Numeri 11:23

Na AWURADE sele Mose kyɛ, “AWURADE tumi ne, aso nikyee bie wɔ berɛ bɔ ɔngora ye yɔ ɔ? Afei ekonwu ye, sɛ me dwirɛ ne kɔwa nu kɔma wɔ anaakyɛ ɔngɔwa nu a.”

Mateo 3:8

Odi kyɛ ɛmɔyɔ bɔ okyire kyɛ ɛmɔasakyera ɛmɔ adwene amba ɔ.

Yohane 8:39

Bebuale ye kyɛ, “Yɛ nana ole Abraham.” Na Yesu sele bɛ kyɛ, “Sɛ ɛmɔte Abraham nnomaa a, ahaa ɛmɔkɔyɔ bɔ Abraham yɔle ɔ;

Romanfoɛ 7:13

Aso ɛhe kyire kyɛ nikyee bɔ ɔte paa ne ɔmaa nyane ewue anaa? Dabida! Nakoso kyɛbɔ ɔkɔyɛ na bekonwu bɔne pefee kyɛ ɔte bɔne ne ati, bɔne nate bɔ ɔte paa so maa nwuli, amaa ɔnate ahyɛdeɛ ne aso banwu ye kyɛ bɔne te nikyee bie bɔ ɔtte mayee koraa ɔ.

2 Korintofoɛ 6:12

Yahyire kyɛ ɛmɔbata y’ahone nwo, nakoso ɛmɔ de ɛmɔngyire kyɛ yɛbata ɛmɔ ahone nwo.

2 Timoteo 3:5

bɛkɔyɛ bɛ nwo kyɛ basɔ nyamesom paa ne anu, nakoso bɛpo tumi bɔ ɔwɔ nu ne. Twe wɔ nwo fi sɔ mmenia nemɔ nwo.