Mika 2:6 - AHYERƐLƐ KRONGRON

⁶ Bese bɛ bɔ bɛhyɛ ngɔm nemɔ kyɛ, “Nnɛma ɛmɔhyehyɛ ngɔm, nnɛma ebiala hyɛ ɛhemɔ nwo ngɔm kyire bɛ, amaa ɔnate so animguaseɛ anga yɛ.”

Mika 2:6 Iomraidhean Croise

Edwein 74:9

Yɛnnwu yɛ frangaa nemɔ; ngɔmhyɛlɛniɛ biala nne berɛ ko; na yɛ nu biala nze kyẽa bɔ ɛhe bo kɔpɛ ɔ.

Yesaya 29:10

Ofikyɛ AWURADE afa nnafelɛ hatee sunzum wato ɛmɔ so, ɛmɔ nye bɔ yeɛ ɔte ngɔmhyɛlɛfoɛ ne, wamuamua ye, ɛmɔ ti bɔ yeɛ ɔte mmenia bɔ bɛse ase ne, wamundu so.

Yesaya 30:10

Na bese mmenia bɔ bɛse ase ne kyɛ, “Nnɛma ɛmɔnwu nikye”; yeɛ bese ngɔmhyɛlɛfoɛ koso kyɛ, “Nnɛma ɛmɔhyɛ edwirɛ nahorɛ nwo ngɔm bekyire yɛ; na mmom ɛmɔhã edwirɛ bɔ ɔyɛ yɛ so anu fɛ ɔ behyire yɛ, ɛ́mɔli ngɔndorɔ,

Hesekiel 20:46

“Sona awa, fa wɔ nye kyire ngwaen dɔ, kã dwirɛ fa ngwaen dɔ nwo, hyɛ ngɔm tia ngwaen dɔ ɛhɔayeɛ aseɛ ne,

Hesekiel 21:2

“Sona awa, fa wɔ nye kyire Yerusalem, ná kã dwirɛ fa nekaa krongron nemɔ anwo; hyɛ ngɔm tia Yisrael aseɛ ne,

Hesekiel 3:26

Ngɔma wɔ temverema kɔmata wɔ nnaalɔ, na ɛkɔtɔ mumu bɔ ɛngɔhora bɛ nyunu twi ɔ, ofikyɛ bɛte abusua bɔ bayɛ lɔen ɔ.

Amose 2:12

“Nakoso ɛmɔmane nasiritefoɛ nemɔ nzaa maa bɛnone, na ɛmɔhyɛle ngɔmhyɛlɛfoɛ nemɔ kyɛ, ‘Nnɛma ɛmɔhyɛ ngɔm!’

Amose 7:13

na mmom nnɛhyɛ ngɔm wɔ Betel ko. Ofikyɛ berɛ te Nana nekaa krongron, na osa te ahemvie.”

Amose 7:16

“Na afei tie AWURADE noa dwirɛ. Ɛnwa, ‘Nnɛhyɛ ngɔm tia Yisrael, yeɛ Yisake boso ama nwo dwirɛ bɔ ɔte mayee ne, nnɛbɔ ye dawure.’

Mika 3:6

Yiti aleɛ kɔsã ɛmɔ, bɔ ɛmɔngonwu nyekyire biala ɔ, awosii kɔto ɛmɔ, bɔ ɛmɔngɔhyɛ ngɔm biala ɔ. Eyia bɔ ɔta ma ngɔmhyɛlɛfoɛ nemɔ ne ɔkɔɔtɔ, na alehyeleɛ kɔkakyi bɛ so awosii tunn.

Mika 6:16

Ofikyɛ edi Omri ahyɛdeɛ so, ɔne Ahabo boso ama yɔleɛ amukoraa so, yeɛ ɛmɔdi bɛ foɛtulɛ so. Ɔnate so ngɔmaa ɛkɔyɛ pasapasa, na ngɔma wɔ nu ama bɛkɔkakyi ngorohoɛ nikye. Yiti ɛmɔkɔsoa me maen animguaseɛ.

Asomafoɛ 4:17

Na kyɛ ɔkɔyɛ ná edwirɛ ne ngotene maen ne anu ne, ɛ́mɔma yɛbɔ bɛ kɔkɔ kyɛ nnɛmaa bɛbɔ Yesu dumaa bɛka edwirɛ bekyire ebiala ko.”

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”

Asomafoɛ 5:40

Yiti bɛfale ye foɛtulɛ ne. Na bɛfale asomafoɛ nemɔ besa bɛwale badwa nu berɛ nen, befini bɛ mbire, na bɛkanzole bɛ kitii kyɛ nnɛma bedwudwo wɔ Yesu dumaa nu, na bɛyakyili bɛ maa bɛhɔle.

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!