Mika 2:4 - AHYERƐLƐ KRONGRON

⁴ Sɔ kyẽa ne, bekobu anyandera bɛkɔfa ɛmɔ nwo, ná basu babɔ awuye yeayea bahã kyɛ, “Edwirɛ piri ato yɛ oo! Wafa me maen agyapadeɛ ne bie oo! Nea kyɛbɔ wale wafi me sa nu ɔ! Wahyɛ yɛ boo mɔ wama bɛ bɔ bahye yɛ nnure ne.

Mika 2:4 Iomraidhean Croise

2 Samuel 1:17

Na Dawide tole aworabɔlɛ dwein he fa suni Sɔɔlo ne ɔwa Yonatan.

2 Aberɛso Dwirɛ 35:25

Yeremia koso tole Yosia nwo awuye dwein. Na edweintolɛfoɛ mmienzua ne mmrasua amukoraa bɛbɔ Yosia dumaa wɔ b’awuye dwein mɔ nu maa waadwu ɛnɛ. Bɛmaa ɔyɛle amammerɛ wɔ Yisrael, na bahyerɛ ye wɔ Awuye dwein nwomaa ne anu.

YOB NWOMAA NE 27:1

Yob toale so dwudwole kyɛ,

Yesaya 14:4

kã ngorohoɛ dwirɛ he fa Babilɔn hene nwo: “Anyandimlilɛniɛ ne, ɔwale ye sɛ bɔ ye ayieleɛ ayie ye ɔ! Ye ahandaen ne, ɔwale ye sɛ bɔ ye bo apɛ ɔ!

Yesaya 24:3

Aseɛ kɔsɛkye pasapasa, bɛkɔfẽ so nningyein bɔkɔɔ, ofikyɛ AWURADE noa dwirɛ ɛne.

Yesaya 6:11

Yeɛ mmisale kyɛ, “O AWURADE, ɛhe kɔhɔ so alaa maa okoodwu kyinzu?” Na obuale kyɛ, “Kɔpem kyɛ nguro kɔkakyi kurofoen bɔ sona nne so ɔ, ɔne kyɛ awuro mɔ kɔkakyi dandue bɔ sona nne nu ɔ, ɔne kyɛ aseɛ ne kɔsɛkye bɔkɔɔ kɔla berɛ mbaen ɔ,

Yeremia 14:18

Sɛ mekɔ buro a, yieee, bɛ bɔ batotɔ ngrandɛ noa ɛhe! Yeɛ sɛ mewura kuro ne anu a, yieee, bɛ bɔ ɛhɔen ama babɔ anwonyerɛ ɛhe! Ofikyɛ ngɔmhyɛlɛniɛ ne ɔsɔfo po, bekyinikyini wɔ aseɛ bɔ bɛnze so ɔ so.’ ”

Yeremia 4:13

Nea! Ɔfo ba kyɛ munungum, ye teaseɛnam mɔ te kyɛ mvrama bɔ ɔpɛ ye nwo ɔ; ye mbɔngɔ mɔ nwo yɛ nyera tra kɔleɛ mɔ; edwirɛ ato yɛ oo, ofikyɛ yɛ maen ne abɔ oo!

Yeremia 6:12

Na b’awuro mɔ kɔɔyɛ mmeni foforɛ deɛ, bɔ bɛ boo mɔ ne bɛ ye mɔ boka so ɔ; ofikyɛ ngɔtengyɛ me sa wɔ aseɛ ne aso ama bɛ so,” AWURADE noa dwirɛ ɛne.

Yeremia 8:10

Yiti ngɔfa bɛ ye mɔ ngɔma mmenia foforɛ, ná mafa bɛ boo mɔ mama bɛ pɔfoɛ mɔ, ofikyɛ ofi kwahweabaa so bɔ ɔkwaadwu atitire paa so, bɛ mukoraa bedi aminɛ; ofi ngɔmhyɛlɛniɛ so bɔ ɔkwaadwu ɔsɔfo so, ebiala nate ngondombo atee so.

Yeremia 9:10

Mmokaa nemɔ ati, ngosu ngɔbɔ abubue, yeɛ ɛserɛ so nekaa bɔ ngaka didi ne ati, ngɔbɔ awuye, ofikyɛ bayera bɛ bɔ ebiala ngora mbɛ nu berɛ ɔ, na bɛnde nyɛmmoa suɛ; ewienu nnomaa yeɛ eburo ngaka koso, banwati bahɔ.

Yeremia 9:16

Maen maen bɔ bɛ ne bɛ nana mɔ bɛttele bɛ nga le ne, so yeɛ ngɔbɔ bɛ ngɔsande ngɔhɔ ɔ; na ngɔsoma ngrandɛ maa okoli bɛ si kɔpem kyɛ ngonua bɛ boso ɔ.”

Hesekiel 16:44

“Tie, ebiala bɔ obu anyandera ne, okobu sɔ anyandera he kɔfa wɔ nwo: ‘Kyɛbɔ niɛ ne te ne, sɔ ala yeɛ ɔwa brasua ne koso ɔte ɔ.’

Hesekiel 2:10

Ɔtrɛle nu wɔ me nyunu berɛ. Né bahyerɛ ye nyunu ne ye si, na né nu ahyerɛlɛ ne ɔte awuyebɔlɛ, esuɛ ne yealɛlilɛ.

Yoel 1:13

Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.

Yoel 1:8

Bɔ awuye kyɛ ababunu bɔ wahera ɛsɛen tena, bɔ odi ye ndaluwa nu biaa nwo kuna ɔ.

Amose 5:1

Ao Yisrael awuro ama, ɛ́mɔtie edwirɛ he bɔ mékã mefa ɛmɔ nwo, bɔ ɔte awuyebɔlɛ ye.

Amose 5:17

Na bɛkɔbɔ awuye wɔ bobe boo nemɔ amukoraa nu, ofikyɛ ngɔɔpɛ nu ngɔfa wɔ nu,” AWURADE noa dwirɛ ɛne.

Mika 1:15

Na ɛmɔ, Maresafoɛ, ngosa ngɔfa koliagyaa ngɔbrɛ ɛmɔ; na Yisrael animnyam ne kɔwa Adulam.

Mika 1:8

Na ɛhe ati, ngosu ngɔbɔ awuye; ngɔye me gya ngogua ase ngɔye me nwo ngɔto so; ngɔbɔ awuye kyɛ ɛserɛ so ngyea, ná mali aworabɔlɛ kyɛ patue.

Mika 2:10

Ɛ́mɔdwɔso, ná ɛmɔhɔ, ofikyɛ nna ɛwa yeɛ odi kyɛ ɛmɔde bɛ nwome ɔ; ofikyɛ ɛwa nwo agua fiɛ, na okohũ ɛmɔ ewue yealɛ paa.

Habakuku 2:6

Aso sɔ maen nemɔ amukoraa bɛngɔhã ye anyinga, aso bɛngɔhã ngorohoɛ dwirɛ bɛngɔfa ye nwo kyɛ, “Bɔ ɔsesa nningyein bɔ nna ye deɛ ahɔ ɔ ɔbɔ so ne, ye yaakɔ! Apoobɔlɛ nningyein bɔ ode ye, ɔkɔhɔ so koodwu kyinzu?”

Sefania 1:2

“Ngɔpra nikyee biala boso bɔkɔɔ ngofi aseɛ so,” AWURADE noa dwirɛ ɛne.

Numeri 23:18

Yeɛ Balaam hyɛle ngɔm kyɛ, “Dwɔso, Balake, ná tie; Sipore awa, tie bɔ meka ye.

Numeri 23:7

Yeɛ Balaam hyɛle ngɔm kyɛ, “Balake waafa me wafi Aram wawa, Moabo hene waafa me wafi eyia afiteleɛ mmokaa so. Ɔnwa: ‘Bra ná baanoma Yakob ma me; Bra baawa Yisrael amoen!’

Numeri 24:15

Afei Balaam hyɛle ngɔm kyɛ, Beɔ awa Balaam ye ngɔmhyɛlɛ, sona bɔ ɔse ase ne, ye ngɔmhyɛlɛ,

Numeri 24:3

na ɔhyɛle ngɔm kyɛ, “Beɔ awa Balaam ye ngɔmhyɛlɛ ɛhe, sona bɔ ɔse ase ne, ye ngɔmhyɛlɛ,

Marko 12:12

Na ahaa bɛpena kyɛ bɛkye Yesu ɔ, ofikyɛ benwuni kyɛ anyandera bɔ obuli ne, ɔne bɛ. Nakoso né besuro ɛlɔen ne, yiti bɛyakyili ye berɛ bɛhɔle.

Deuteronomi 28:29

Ekofuafua eyia ketee kyɛbɔ anyesiniwaaniɛ fuafua kɔngɔen ɔ, nakoso engonwu atee. Bekoli wɔ aminɛ, ná bafe wɔ nningyein bafa daa, nakoso ebiala ngoole wɔ.