Mika 2:3 - AHYERƐLƐ KRONGRON

³ Yiti AWURADE nwa nyoo: Tie, medwene kyɛ ngɔprapra musue ngogua abusua he aso, bɔ ɛmɔngɔhora bɛngɔye ye nyamaa bengofi ɛmɔ kɔme ɔ; yeɛ ɛmɔngɔhora bɛngɔnate bɛngɔmoma bɛ bati so, ofikyɛ sɔ mmerɛ ne te mmerɛ tɛɛ.

Mika 2:3 Iomraidhean Croise

Yesaya 29:20

Ofikyɛ atianuserɛfoɛ bɛ boso konua, ngorohoɛfoɛ bekowuwu bɔkɔɔ, na bekohu bɛ bɔ bɛbɔ porɛ tɛɛ amukoraa:

Yesaya 3:16

Asa koso, AWURADE hane kyɛ, Ɔnate kyɛ Sion mma mmrasua te ahandaen, bɛ kɔme la bɛ nwo, bɛtwetwe bɛ nye asi bɛnate, bɛyeye bɛ gya ngoko ngoko, ná bɛma ngaa bɔ ogua bɛ gya wosowoso ne ati,

Yesaya 5:19

bɛ bɔ bɛnwa, “Ma ye nwo yɛ nyera e, maa ɔyɔ ye adwuma ne ndɛndɛ ma yɛnea e; Yisrael Krongronniɛ ne, ma ye botaeɛ ne opingye ma yɛnea e!”

Yeremia 18:11

Yiti afei, kɔ Yuda mmienzua ne Yerusalemfoɛ berɛ kose bɛ kyɛ, ‘Bɔ AWURADE kã ɛhe: Tie, medwene ɛmɔ nwo adwene tɛɛ, yeɛ mesusu tɛɛ mefa ɛmɔ nwo. Yiti odi kyɛ ɛmɔ amukoraa ɛmɔsakyera befi ɛmɔ bɔne atee ne anwo, ná ɛmɔsesã ɛmɔ atee ne ɛmɔ yɔleɛ maa ɔyɛ paa.

Yeremia 27:12

Sɔ dwirɛ ne amukoraa yeɛ nga ngyirele Yuda hene Sedekia ɔ. Ngane kyɛ, “Ɛ́mɔfa ɛmɔ kɔme bewura Babilɔn hene ye kɔnnua ne anu, ná ɛ́mɔso ye ne ye maen, amaa ɛmɔanya ɛmɔ ti badidi nu.

Yeremia 34:17

Yiti AWURADE nwa nyoo: Ɛmɔandie me dwirɛ, na ebiala wamma oliɛma ne obiɛngo bannya bɛ fawɔnwodi. Nzaade AWURADE noa dwirɛ ɛhe: Ɛ́mɔtie, me koso fawɔnwodi he yeɛ mefa mema ɛmɔ ɔ, kyɛ ngɔma ngrandɛ, ewue anwonyerɛ ne ɛhɔen kɔwa ɛmɔ so ɔ. Na ngɔmaa ɛmɔkɔyɛ anwodwiri nikyee wɔ aseɛ so ahennie amukoraa nu.

Yeremia 36:23

Na sɛ Yehudi kenga edwirɛ ne porɛ nza anaa nna biala a, né ɛhene ne wafa dadeɛba wapɛ berɛ ne wagyi wato nyangaa ne anu see ne anu, kɔpem kyɛ nwomaa ne amukoraa yerale wɔ nyangaa ne anu see ne anu ɔ.

Yeremia 43:2

Hosaya awa Asaria ne Karea awa Yohanan ne mmienzua anwomasoɛfoɛ nemɔ amukoraa besele Yeremia kyɛ, “Ɛlaka, AWURADE yɛ Nyameɛ wanzoma wɔ kyɛ ɛɛhã kyɛ, ‘Nnɛma ɛmɔkɔ Misraim bɛkɔtena dɔ.’

Yeremia 8:3

Sɔ amumuyɛɛ abusua bɔ bɛkɔha ne amukoraa, nekaa biala bɔ mafoa bɛ maagua ne, bekohuro kyɛ bekowu tra kyɛ bɛkɔtena ngoa nu ɔ, Asafo AWURADE noa dwirɛ ɛne.

Awuye 1:14

“Wafa ye sa wakyekye me mmeraatolɛ ne maa wakakyi kɔnnua. Basina baya me kɔme anu, wama m’anwoserɛ ayie. Bɛ bɔ mengora bɛ nyunu gyina ne, AWURADE afa me wawura bɛ sa.

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Awuye 5:5

Yɛ kɔme wura ndaneanyeɛ bo; yɛyɔ adwuma bɔ bɛmma yɛnne yɛ nwome ɔ.

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Amose 2:14

Yiti ɛnwatilɛ kɔbɔ anwonyeralɛniɛ, anwoserɛniɛ ye anwoserɛ kotu komini, yeɛ katakyie ngɔhora ngɔpepɛ ngole ye nwo.

Amose 3:1

Ao Yisraelfoɛ, ɛ́mɔtie edwirɛ he bɔ AWURADE wahã wafa ɛmɔ nwo ɔ: bɔ mahã mafa abusua amukoraa bɔ nyele ɛmɔ mvili Misraim aseɛ so mmale ne nwo ɔ, kyɛ,

Amose 3:2

“Aseɛ ye aso mmusua amukoraa, ɛmɔ angome yeɛ mese ɛmɔ ɔ; yiti ɔnate ɛmɔ amumuyɛɛ amukoraa ne ati, ngɔhwe ɛmɔ so.

Amose 5:13

Ɔnate sɔ ati, nworɛfoɛ komua bɛ noa wɔ sɔ mmerɛ ne anu, ofikyɛ ɔte mmerɛ tɛɛ.

Mika 2:1

Bɛ bɔ besusu amumuyɛɛ nwo, ná bɛdwene bɔne nwo wɔ bɛ bɛen so ne, bɛ yaakɔ! Aleɛ kye a, bɛyɔ sɔ, ofikyɛ ye nwo tumi wura bɛ sa.

Romanfoɛ 16:4

bɛ yeɛ bɛfale bɛ ngoa bɛtole serewa bɛmane me ɔ. Nna me ngome yeɛ meda bɛ ase ɔ, na mmom Amaenmaensofoɛ asɔre ne amukoraa koso bɛda bɛ ase.

Ɛfesofoɛ 5:16

Ɛ́mɔnea ɛmɔ mmerɛ so yé, ofikyɛ ngyẽa ne te ngyẽa tɛɛ.

Deuteronomi 28:48

yiti wɔ pɔfoɛ mɔ bɔ AWURADE kɔsoma bɛ maa bɛkɔwa wɔ so ne, ɛkɔfa ɛhɔen ne nzuhɔen nu, wɔ nwo bɔ ɔla so nu, ɔne nningyein mukoraa bɔ okohia wɔ ɔ nu yeɛ ɛkɔso bɛ ɔ. Na AWURADE kɔfa buralɛ kɔnnua kɔto wɔ kɔme kɔpem kyɛ okohu wɔ ɔ.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.