Mika 2:2 - AHYERƐLƐ KRONGRON

² Bɛ nye boro eboo mɔ, na bɛfa bɛ tumi bedide, yeɛ bɛ nye boro awuro mɔ, na bede bɛfa, yiti bɛhyɛ ebie ne ye awuro ama so, yeɛ ebie ne ye agyapadeɛ koso so.

Mika 2:2 Iomraidhean Croise

1 Ahemvo 21:1

Né biaa bie li Nabɔto bɔ ofi Yesreel. Né ole bobe boo wɔ Yesreel. Eboo ne wɔ Samaria hene Ahabo ye ahemvie ne anwo berɛ.

2 Ahemvo 9:26

‘AWURADE nwa: Nabɔto mogya ne ye mma mɔ mogya bɔ nwuni ye anoma nen, meta ndaen kyɛ sɔ aseɛ ne aso ala yeɛ ngotua wɔ so kerɛ ɔ.’ Yiti pagya ye findi ye to aseɛ ye aso, kyɛbɔ AWURADE ahã ne ala.”

YOB NWOMAA NE 31:38

“Sɛ m’aseɛ asu agua me so, yeɛ sɛ ye ngofie babɔ nu basu;

Ɛksadɔso 20:17

“Nnɛma wɔ nye yɛ eliɛngo awuro nwo koakoa. Nnɛma wɔ nye yɛ eliɛngo aye nwo koakoa, anaa ye akoaa, ye afaneɛ, ye nandwie, ye afunum, anaa nikyee biala bɔ eliɛngo deɛ ahɔ ɔ.”

Yesaya 3:14

AWURADE baabua ye maen mbanyi ne ahemvo ndɛen, kyɛ, “Ɛmɔ, ɛmɔ yeɛ ɛmɔali bobe boo ne ɔ, ehiafoɛ nningyein bɔ ɛmɔasisi bɛ bale ne, ogua ɛmɔ awuro.

Yesaya 5:8

Bɛ yaakɔ! Bɛ bɔ basesa sua mɔ babɔ so, bɔ basesa eboo mɔ babɔ so, kɔpem kyɛ bɛkɔkandam ye mukoraa so, kɔpem kyɛ bɛ ngome bɛkɔha wɔ aseɛ ne aso ɔ.

Yeremia 22:17

Nakoso w’apoobɔlɛ anwonyadeɛ angome yeɛ wɔ nye ne w’ahone li ye si ɔ; ɔne kyɛ ɛkɔhã mogya bɔ odi be ɔ kogua, ɛkɔhyɛ mmenia so ná ekosisi bɛ ɔ.”

Hesekiel 18:12

ɔhyɛ ehiafoɛ ne bɛ bɔ bɛyɛ anwumvo ɔ so, ɔfa ebie nningyein patapaa so, ebie fa nikyee si ye berɛ awowaa a onza mva ye nikyee mma ye, ɔma ye ti so ɔfa ye nye kyire mmosoen mɔ, ɔbɔ akyiwadeɛ bra,

Hesekiel 22:12

Mmenia wɔ wɔ nu bɔ bede fea-ase-ma beku mmenia ɔ. Ede nzihoɛ mbemanim, na esisi ebiɛngo enya wɔ nwo; nakoso me de, wɔ wora afi me, AWURADE Nyameɛ noa dwirɛ ɛne.

Hesekiel 22:13

“Yiti tie, mebɔ me sa nu metia mvasoɛ fiɛ bɔ anya ye ne, ɔne mogya bɔ ahã agua wɔ wɔ nu ne.

Hesekiel 33:26

Ɛmɔngyɛ ye nwo né ɛmɔali awue, ɛmɔbɔ akyiwadeɛ bra, yeɛ ɛmɔ nu biala fa obiɛngo aye; na ɔkɔyɛ sɛɛ né ɛmɔanya aseɛ ne bafa bayɛ ɛmɔ deɛ?

Hesekiel 45:9

“AWURADE Nyameɛ nwa nyoo: O Yisrael ahemvo mɔ, wayɛ yee! Ɛ́mɔyakyi asisie ne nhyɛsoɛ ne, ná mmom ɛ́mɔyɔ bɔ ɔte pɛpɛɛpɛ ne bɔ ɔtengyɛ ɔ. Nhyɛsoɛ so bɔ ɛmɔfa bede aseɛ befi me mmenia sa nu ne, ɛ́mɔyakyi, AWURADE Nyameɛ noa dwirɛ ɛne.

Hesekiel 46:18

Asa koso, ɛhene ne, onni kyɛ ɔfa nhyɛsoɛ so ode maen mmaa b’agyapadeɛ ne bie, amaa ɔnate so wamma b’agyapadeɛ wamvi bɛ sa. Ye bɔbɔ ye agyapadeɛ ne bie yeɛ odi kyɛ ɔfa ma ye mma maa ɔyɛ bɛ deɛ ɔ, amaa ɔnate so me maen mmaa ne anu biala wammɔ aya wamvi ye agyapadeɛ so.”

Hesekiel 8:17

Na obisale me kyɛ, “Sona awa, yeɛ anwu he? Aso ɔte edwirɛ baa kyɛ Yuda awuro ama bɛkɔbɔ akyiwadeɛ bra bɔ bɛbɔ ye wɔ ɛwa ye ɔ, bɔ bafa nzɛmmɔne bapete aseɛ ne aso amukoraa, bɔ besa behu m’ahone ɔ? Nea, kyɛ bɛ́nwaha bakaa nyaa ne wɔ bɛ bonyi noa ɔ.

Amose 2:7

Bɛ yeɛ betiatia ehiafoɛ ti so bɛkã bɛ ti bewura nnɛterɛ nu, ná besisi mmenia bɔ bɛyɛ anwumvo ɔ; ebie ne ɔse bɛ ne afaneɛ ko bɛda bɛfa begua me dumaa krongron ne anwo fiɛ.

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Amose 8:4

Ɛ́mɔtie ɛhe, ɛmɔ bɔ ɛmɔsisi mmenia bɔ bɛyɛ anwumvo ɔ, kyɛ ɛmɔfa so ma aseɛ ne aso ehiafoɛ bedi amia,

Mika 3:9

Ɛmɔ, ɛ́mɔtie, Yakob awuro atitire, yeɛ Yisrael awuro ama mbanyi bɔ ɛmɔkyi ndɛenbualɛ turoloo, ná ɛmɔkyea pɛpɛɛpɛyɛlɛ amukoraa ɔ,

Mika 6:12

Ofikyɛ basabasayɔlɛ wali sikafoɛ nemɔ bɛ ti, kuro ne anu ama bɛpɛ ngondombo, na bɛ noa nu dwirɛ te nnakannaka.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

1 Timoteo 6:10

Ofikyɛ bɔne amukoraa ndii ole sikanyeboro, bɔ ebiemɔ ali ye si bali makyebu bafi gyidie ne anwo, bɔ yiti bahwehwe aworabɔlɛ pee babrɛ bɛ nwo ɔ.