Mika 2:10 - AHYERƐLƐ KRONGRON

¹⁰ Ɛ́mɔdwɔso, ná ɛmɔhɔ, ofikyɛ nna ɛwa yeɛ odi kyɛ ɛmɔde bɛ nwome ɔ; ofikyɛ ɛwa nwo agua fiɛ, na okohũ ɛmɔ ewue yealɛ paa.

Mika 2:10 Iomraidhean Croise

1 Ahemvo 9:7

ye de ngɔpɛ Yisraelfoɛ asue ngofi aseɛ bɔ mafa mama bɛ ne aso, na sua bɔ mate ye nwo mafa me dumaa mato so ne, ngɔye me nye ngofi so. Na Yisrael kɔkakyi maen amukoraa bɛ noa nu anyandera ne ngorohoɛ dwirɛ.

2 Ahemvo 15:29

Yisrael hene Peka aberɛ so, Asiria hene Tiglate Pilese ɔɔho fale Yisrael nguro hemɔ: Yiyon, Abel Bete Maaka, Yanoa, Kedese, Hasɔ, Gileade, Galilea, ɔne Nafetali aseɛ amukoraa; na ɔhyele mmenia nemɔ nnure fale bɛ hɔle Asiria.

2 Ahemvo 17:6

Hosea lili hene ne, afoɛ bɔ ɔtɔ so ngona ne anu, Asiria hene ho fale Samaria. Ɔsesale Yisraelfoɛ hɔle Asiria. Ɔfale bɛ ooguale Hala, asue Habo bɔ ɔla Gosan ne anoa, ɔne Medese nguro nemɔ aso.

2 Aberɛso Dwirɛ 7:20

ye de ngɔpɛ ɛmɔ asue ngofi aseɛ bɔ mafa mama ɛmɔ ne aso, na awuro he bɔ mate ye nwo mafa me dumaa mato so ne, ngɔye me nye ngofi so, na mamaa wakakyi mmenia amukoraati bɛ noa nu anyandera ne ngorohoɛ dwirɛ.

Edwein 106:38

Bɛhane mogya bɔ onni fɔ ɔ beguale, bɔ ɔte bɛ mma mmienzua ne mmrasua bɛ mogya, bɔ bɛfa bɛbɔle afɔleɛ bɛmane Kanaan mmosoen mɔ ɔ; na mogya ne mane efiɛ hane aseɛ ne.

Edwein 95:11

Yiti mvɛle yaa ndale ndaen kyɛ, “Bengowura me nwomelelɛ ne anu bie.”

Yeremia 10:18

Ofikyɛ bɔ AWURADE kã ɛhe: “Tie, ngofindi aseɛ ne aso ama ngofi aseɛ ne aso ngogua wɔ mmerɛ ye anu, na ngɔma amaneɛ kɔwa bɛ so maa bɛkɔte ye yealɛ.

Yeremia 3:2

To wɔ nye nea mmokaa pralaa nemɔ aso! Nisua yeɛ bɛ ne wɔ ammɔ adwaman ɔ? Ɛte atee mɔ noa yeɛ ɛnwondɛ wɔ kurofoɛ mɔ, kyɛ Araboniɛ bɔ ɔwɔ ɛserɛ so ɔ. Afa w’adwaman ne wɔ bɔne yɔleɛ agua aseɛ ne anwo fiɛ.

Yeremia 9:19

Ofikyɛ bɛte awuye nga befi Sion kyɛ, ‘Ah! Kyɛbɔ edwirɛ asi ato yɛ hɔ ɛne oo! Yɛ nyunu agua ase bɔkɔɔ, ofikyɛ yatu yafi aseɛ ne aso, badwiri y’atenaleɛ mɔ bagua.’ ”

Hesekiel 36:17

“Sona awa, mmerɛ bɔ né Yisrael awuro ama bɛte b’aseɛ so ne, bɛfale bɛ suban ne bɛ yɔleɛ beguale aseɛ ne anwo fiɛ. Na me nye so de, bɛ bra ne yɛle kyɛ brasua bɔ wabu ye sa ɔ ye nwo bɔ ɔnde ɔ.

Hesekiel 36:19

Mmɔle bɛ nzandele ngonguale maen maen mɔ nu, na ndole bɛ mbetene aseɛ mɔ so, na mmuale bɛ ndɛen kyɛbɔ bɛ bra ne bɛ yɔleɛ si te ɔ.

Deuteronomi 12:9

ofikyɛ nekaa bɔ ɛmɔkole bɛ nwome, ɔne agyapadeɛ bɔ AWURADE wɔ Nyameɛ ɔ́fa ma wɔ ne, ɛmɔnnya beddwuli berɛ.

Deuteronomi 30:18

ye de mekã mekyire ɛmɔ ɛnɛ kyɛ, ewue yeɛ ɛmɔkowu ɔ; na aseɛ bɔ ɛ́mɔpɛ asue Yɔɔdan bɛkɔɔfa bɛtena so ne, ɛmɔngɔtena so ngɔhyɛ.

Deuteronomi 4:26

ye de méfrɛ anwuro ne aseɛ maa bedi adanzeɛ betia ɛmɔ ɛnɛ kyẽa ye, kyɛ ɔngɔhyɛ biala ɛmɔ boso konua bɔkɔɔ wɔ aseɛ bɔ ɛmɔkwaapɛ asue Yɔɔdan bɛkɔfa ne aso. Ɛmɔngɔtena so bɛngɔhyɛ, na ɛmɔ boso konua bɔkɔɔ.