Mika 1:5 - AHYERƐLƐ KRONGRON

⁵ Ɛhe amukoraa ɔnate Yakob mmeraatolɛ ti ɔ, yeɛ Yisrael awuro ama bɛ bɔne ti ɔ. Yakob mmeraatolɛ ole beni? Aso nna Samaria ɔ? Yeɛ Yuda asɔneyɛɛ mɔ ole beni? Aso nna bɛ ole Yerusalem?

Mika 1:5 Iomraidhean Croise

1 Ahemvo 11:7

Afei Solomon sili asɔneyɛɛ mane Moabofoɛ bosoen Kemose bɔ ɔte akyiwadeɛ ne, ɔne Amonfoɛ bosoen Moleke bɔ ɔte akyiwadeɛ ne wɔ bokaa bɔ ɔwɔ Yerusalem eyia afiteleɛ ne aso.

1 Ahemvo 13:32

Ofikyɛ edwirɛ bɔ ɔnate AWURADE dwirɛ so hã tiale afɔleɛ bokyea bɔ ɔwɔ Betel ne, ɔne Samaria nguro nu asɔneyɛɛ so amukoraati ne, ɔkɔwa nu amba.”

1 Ahemvo 16:24

Omri tɔle Samaria bokaa ne ɛdwetɛ kilo aburasoo fili Semere berɛ. Ɔkyekyele kuro wɔ bokaa ne aso. Na kuro bɔ ɔkyekyele ne, ɔtole ye dumaa Samaria. Ɔfa tole Semere bɔ né ɔte bokaa ne mene ne.

2 Aberɛso Dwirɛ 34:3

Nana Yosia lili hene ne, ye afoɛ mmɔtwɛ ne anu bɔ né ɔtɛte abɛɛmaa ne, ɔhyɛle ye bo kyɛ ɔso ye nana Dawide Nyameɛ ne. Ye afoɛ buru ne nyɔ ne anu, ɔhyɛle ye bo tutuli ɛhemɔ bo fili Yuda ne Yerusalem: asɔneyɛɛ mɔ, bosoen Asera dosii mɔ, yeɛ amoen bɔ base ne amoen bɔ bahuro nikyee bafa bayɔ ɔ.

2 Aberɛso Dwirɛ 34:4

Ye bɔbɔ ɔneane maa bebubuli Baal afɔleɛ mmokyea nemɔ, na ɛyɛɛ afɔleɛ mmokyea bɔ bɛwɔ asɔneyɛɛ nemɔ anwo ne, obubuli bɛ. Obubuli bosoen Asera dosii mɔ ne amoen bɔ base ne amoen bɔ bahuro nikyee bafa bayɔ ɔ pasapasa. Otini bɛ muhumuhu, na ɔto petene mmenia bɔ bɛbɔle afɔleɛ wɔ so nemɔ b’asieleɛ so.

Yesaya 7:9

Efraim ahenguro ole Samaria, yeɛ Remalia awa ne yeɛ ɔla Samaria noa ɔ. Na sɛ ɛmɔanne banni a, nahorɛ nu, ɛmɔngɔhora ɛmɔ gya nu gyina.”

Yeremia 2:17

Aso nna wɔ bɔbɔ deinn yeɛ ɔnate kyɛ apo AWURADE wɔ Nyameɛ ne ati, afrɛfrɛ ɛhe ama wɔ nwo, wɔ mmerɛ bɔ olili wɔ nyunu fale wɔ pɛle atee ne?

Yeremia 2:19

Wɔ bɔbɔ wɔ bɔne kɔbɔ wɔ ti so, na Nyameɛ si lilɛ bɔ ayakyi ne, sɔ suban ne kobua wɔ foɛ. Nwu ye ná kaye kyɛ ɔte aworabɔlɛ dwirɛ kyɛ ɛkɔpo AWURADE wɔ Nyameɛ ɔ; na me nwo suronyi ɔnne wɔ nu. AWURADE, Asafo Nyameɛ noa dwirɛ ɛne.

Yeremia 23:13

Nwuni nikyee bie bɔ ɔte ngwaseasɛm ɔ wɔ Samaria ngɔmhyɛlɛfoɛ nemɔ anwo. Bɛfale Baal bɛhyɛle ngɔm, na bɛmane me maen Yisrael lili makyebu.

Yeremia 23:14

Yeɛ Yerusalem ngɔmhyɛlɛfoɛ nwo koso, manwu nikyee bie bɔ ɔte anwodwiri ɔ: bɛsɛkye agyaa, yeɛ bɛpɛ ngondombo; bɛhyɛ bɔnefoɛ nguraen, maa ɔnate so ebiala ɔnzakyera mvi ye bɔne nwo; bɛ mukoraa bayɛ me nye so kyɛ Sodom; na nu ama koso bayɛ kyɛ Gomora.

Yeremia 4:18

W’atee bɔ ɛnate so, ɔne wɔ yɔleɛ yeɛ wama edwirɛ he ato wɔ ye. W’asefinɛ ɛne! Nea ye yealɛ! Ye yealɛ ne wahã w’ahone.”

Yeremia 5:25

Ɛmɔ amumuyɛɛ ama sɔ nhyehyɛleɛ nemɔ asesã, na ɛmɔ bɔne ama nningyein paa abɔ ɛmɔ.

Yeremia 6:19

Ao aseɛ, tie! Nea, mebaaprapra musue megua maen he aso; bɛ yɔleɛ ne, mmaa bɔ wasu hɔ ɛne, ofikyɛ bandie me noa dwirɛ, na me mmeraa koso, bapo.

Awuye 5:16

Y’ahennie abotire ne, watu wafi yɛ ti so. Edwirɛ ato yɛ oo, ɔnate kyɛ yayɔ bɔne!

Hesekiel 16:46

Eliɛma brasua panyi ole Samaria, bɔ ɔne ye mma mmrasua bɛte wɔ sa bɛen so dɔ ne. Yeɛ eliɛma brasua kãa ole Sodom, bɔ ɔne ye mma mmrasua bɛte wɔ sa famaa so dɔ ne.

Hosea 7:1

Mésa Yisrael anwonyerɛ a, né Efraim amumuyɛɛ ne Samaria bɔne yɔleɛ ɔ́da ali, ofikyɛ benni nahorɛ. Awueniɛ abɔ awura nu, na awerɔm awuefoɛ bɛbɔ apaa wɔ dwaaso.

Amose 6:1

“Bɛ bɔ bɛ nwo atɔ bɛ wɔ Sion, yeɛ bɛ bɔ bɛfa bɛ wora bewura Samaria bokaa nu ɔ, maen maen mbanyi mɔ nu atitire mɔ bɔ Yisrael awuro ama bɛbapena mmokalɛ befi ɛmɔ berɛ ɔ, ɛmɔ yaakɔ!

Amose 7:9

Yisake asɔneyɛɛ nemɔ kɔkakyi kurofoen, Yisrael nekaa krongron nemɔ kɔkakyi aseɛ pralaa, na ngɔfa ngrandɛ ngɔho ngotia Yeroboam awuro ama.”

Amose 8:14

Bɛ bɔ bɛfa Samaria mmosoen bɛteta ndaen bɛkã kyɛ, ‘Ao Dan, kyɛ wɔ nyameɛ te ase ye e’, yeɛ ‘Kyɛ Beɛ Seba atee te ase ye’ ne, bekofifi ase bɔ bengodwɔso ko ɔ.”

Mika 1:13

Lakisefoɛ, ɛ́mɔfa teaseɛnam bɛsosɔ kaka anwonyeralɛ ne: ye yeɛ ɔte bɔne bohyɛlɛ ma Sion awa brasua ne ɔ, ofikyɛ wɔ nu yeɛ benwuni Yisrael mmeraatolɛ ɔ.