Mika 1:12 - AHYERƐLƐ KRONGRON

¹² Ofikyɛ Marotefoɛ bɛtole bɛ bo ase bɛnwondɛle mmerɛ paa; nakoso amaneɛnwunɛ yeɛ ofili AWURADE berɛ wale Yerusalem pambim ne anwo berɛ ɔ.

Mika 1:12 Iomraidhean Croise

YOB NWOMAA NE 30:26

Ahaa né mepena asetena paa, nakoso bɔ ɔtte mayee yeɛ wato me ɔ; ahaa né me nye la kanea ate, nakoso awosii yeɛ wato me ɔ.

Yesaya 45:7

Me yeɛ mebɔ kanea, ná mesa mebɔ awosii ɔ, me yeɛ mefa asomdwee meba, ná mesa mema amaneɛ ba ɔ. Me, AWURADE, me yeɛ meyɔ ɛhemɔ amukoraa ɔ.

Yeremia 14:19

Aso apo Yuda koraa? Sion nwo ayɛ wɔ kra tɛ anaa? Nzu ati yeɛ abobɔ yɛ agua berɛ maa yɛnnya ye noa ayire ye? Yɛ nye lale asomdwee ate, nakoso nikye paa biala wamvi nu wamma. Yɛ nye lale anwonyerɛsalɛ mmerɛ ate, nakoso, yieee, ahunundetelɛ mmom yeɛ watɔ yɛ so ɔ!

Yeremia 8:15

Yɛ nye lale asomdwee ate, nakoso nikye paa biala wamvi nu wamma, yɛ nye lale anwonyerɛsalɛ mmerɛ ate, nakoso ahunundetelɛ mmom yeɛ watɔ yɛ so ɔ.

Amose 3:6

Aso behu totorobɛndo wɔ kuro so, bɔ ɛserɛ nga berɛ ama ɔ? Aso amaneɛ to kuro, bɔ nna AWURADE yeɛ wamaa wawa ɔ?

Mika 1:9

Ofikyɛ ye ngena nemɔ te kenangɔ; waadwu Yuda, waadwu me maen bɛ pambim ne anoa, waadwu Yerusalem.

Rutu 1:20

Na Naomi sele bɛ kyɛ, “Nnɛma ɛmɔfrɛ me Naomi ko, ɛ́mɔfrɛ me Mara, ofikyɛ Ɛdangama ama me bra ayɛ weewee.

1 Samuel 4:13

Mmerɛ bɔ oodwuli ne, né Eli te ye bia nu wɔ atee noa ɔnea ate, ofikyɛ né ye kunu tete ye ma Nyameɛ apam alaka ne. Biaa ne wale kuro ne anu ɔɔbɔle amaneɛ, na kurotue ne amu sɔle awuyebɔlɛ nu.