Mika 1:11 - AHYERƐLƐ KRONGRON

¹¹ Ɛmɔ, Safirefoɛ, ɛ́mɔpɛ nu bɛhɔ bɔ ɛmɔ nwo so ná animguaseɛ ahã ɛmɔ ɔ; Saananfoɛ de, bamvite bamma; Bete Esel bɔ awuye, na ɔkɔye ye sa kofi ɛmɔ bo.

Mika 1:11 Iomraidhean Croise

Yesaya 16:2

Kyɛbɔ nnomaa mmaa bɔ bafoa bɛ bafi bɛ saen nu bɔ bekyinikyini ne bɛte ne, sɔ yeɛ Moabo mma mmrasua nemɔ bɛkɔyɛ wɔ Anɔn apɛleɛ ɔ.

Yesaya 20:4

sɔ ala yeɛ Asiria hene kɔhye Misraimfoɛ nnure, ná wasa wahye Yitiopiafoɛ nnure wahɔ ɔ. Ɔkɔhye mmerandeɛ ne mbanyi, bɛ nwo kɔlela so, bɛ gya kogua ase, bɛ bo kɔlela so, na Misraim nyunu kogua ase.

Yeremia 13:22

Na sɛ ɛkã ye wɔ wɔ ti anu kyɛ, ‘Nzu ati yeɛ ɛhemɔ atoto me e?’ a, ɔnate w’amumuyɛɛ piri ne ati yeɛ wɔ nwo apa ma wɔ nziaseɛ nwo ala berɛ ɔ, ná baye wɔ gya bagua ase ye.

Yeremia 48:6

Ɛ́mɔnwati, ɛ́mɔpena ɛmɔ ti bédidi nu, ná ɛ́mɔyɛ kyɛ ɛserɛ so afunum.

Yeremia 48:9

“Ɛ́mɔma Moabo ndaa maa otu ɔnwati hɔ, ofikyɛ ye nguro nemɔ kɔyɛ kurofoen, bɔ sona fee ɔtte so ɔ.

Hesekiel 16:37

yiti tie, bɛ bɔ ekuro bɛ bɔ wɔ nye gye bɛ nwo ne, mebaaboaboa bɛ mukoraa bɛ noa, bɛ bɔ ekuro bɛ dwirɛ ɔne bɛ bɔ ekyi bɛ amukoraa. Ngɔboaboa bɛ noa ngofi nekaa biala maa bekodwɔso bekotia wɔ, na ngɔpa wɔ nwo ngohyire bɛ maa bekonwu wɔ nwo amukoraa.

Hesekiel 23:29

Bɛkɔfa ɛpɔen so yeɛ bɛ ne wɔ koli ɔ, bɔ afɛ anya ye ne, bɛkɔfa ye mukoraa bɛkɔhɔ, bɛkɔyakyi wɔ berɛ kwaterekwa bɔ wɔ nwo la so ɔ, na wɔ gyandera adagya ne nwo kɔla so, wɔ nyanzoen ne wɔ gyandera ne.

Mika 1:8

Na ɛhe ati, ngosu ngɔbɔ awuye; ngɔye me gya ngogua ase ngɔye me nwo ngɔto so; ngɔbɔ awuye kyɛ ɛserɛ so ngyea, ná mali aworabɔlɛ kyɛ patue.

Nahum 3:5

Tie, meko metia wɔ, Asafo AWURADE noa dwirɛ ɛne. Ngopuro w’ataadeɛ ngɔfa wɔ nyunu, ngɔma maen maen mɔ bekonwu w’adagya, na ahennie mɔ bekonwu w’animguaseɛ.

Sakaria 14:5

Ɛmɔkɔnwati bɛkɔhɔ me mmokaa nemɔ bɛ bɔnza ne anu, ofikyɛ mmokaa nemɔ bɔnza ne kɔtrɛ alaa koodwu Asal. Amba, ɛmɔkɔnwati, kyɛbɔ aseɛwosolɛ maa ɛmɔnwatili wɔ Yuda hene Yusia aberɛ so ne. Na afei AWURADE me Nyameɛ kɔwa, bɔ krongronfoɛ amukoraa bɛboka ye so ɔ.

Yosua 15:37

Senan, Hadasa, Migidal Gade,