Mika 1:1 - AHYERƐLƐ KRONGRON

¹ AWURADE dwirɛ bɔ ɔlale ye ali hyirele Moreseteniɛ Mika, wɔ Yuda ahemvo Yotam, Ahase ne Hesekia b’aberɛ so, bɔ onwuni ye fale Samaria ne Yerusalem nwo ne, ye ɛhe.

Mika 1:1 Iomraidhean Croise

2 Ahemvo 15:32

Remalia awa Peka lili Yisrael so hene ne, ye afoɛ bɔ ɔtɔ so nyɔ ne anu, Yotam bɔ ye baba ole Yusia ne, olili Yuda so hene.

2 Ahemvo 15:5

AWURADE hwene Nana Asaria so, maa kwata anwonyerɛ bɔle ye toonn kɔpem kyɛ owuli ɔ. Ɔnate anwonyerɛ ne ati, né ye ngome waatena awuro bie anu. Ɔwa bienzua Yotam yeɛ né ɔnea ahemvie berɛ ɔ, na ye yeɛ né ɔnea maen ne anu ama so ɔ.

2 Ahemvo 16:1

Remalia awa Peka lili hene ne, ye afoɛ bɔ ɔtɔ so buru ne nzoo ne anu, Ahase bɔ ye baba ole Yotam ne, olili Yuda so hene.

2 Ahemvo 18:1

Yisrael hene Ela ɔwa Hosea lili hene ne, ye afoɛ nza ne anu, Yuda hene Ahase ɔwa Hesekia lili hene.

2 Aberɛso Dwirɛ 28:1

Ahase lili hene ne, né wali afoɛ aburanyɔ, na olili hene afoɛ buru ne nzia wɔ Yerusalem. Wanyɔ bɔ ɔtengyɛ wɔ AWURADE nyunu ɔ. Ye nana Dawide de, ɔyɔle bɔ ɔtengyɛ wɔ AWURADE nyunu ɔ, nakoso ye de wanyɔ sɔ bie.

2 Aberɛso Dwirɛ 29:1

Hesekia lili hene ne, né wali afoɛ aburanyɔ ne nnu, na olili hene afoɛ aburanyɔ ne ngona wɔ Yerusalem. Oni ole Sakaria awa Abiya.

Yesaya 1:1

Nyekyire he yeɛ Amoso awa Yesaya onwuni ye fale Yuda ne Yerusalem nwo wɔ Yuda ahemvo Yusia, Yotam, Ahase ne Hesekia b’aberɛ so ɔ.

Yesaya 1:2

O nyameɛso, ɛ́mɔtie, O aseɛ, ma wɔ so bra wa! Ofikyɛ AWURADE nwa nyoo: “Matete ngwadaa manea bɛ so maa banyi, nakoso bayɛ me nwo lɔen.

Yesaya 7:1

Yusia awa Yotam ɔwa Ahase bɔ ɔte Yuda hene ne, ye aberɛ so, Siria hene Resin ne Yisrael hene Peka bɔ ɔse ole Remalia ne, bɛɛfale koɛ bɛtetale Yerusalem, nakoso bangora banni so ngonim.

Yesaya 7:9

Efraim ahenguro ole Samaria, yeɛ Remalia awa ne yeɛ ɔla Samaria noa ɔ. Na sɛ ɛmɔanne banni a, nahorɛ nu, ɛmɔngɔhora ɛmɔ gya nu gyina.”

Yeremia 26:18

“Moreseteniɛ Mika hyɛle ngɔm wɔ Yuda hene Hesekia aberɛ so, na osele Yudafoɛ amukoraa kyɛ, ‘Bɔ Asafo AWURADE kã ɛhe: Bekofundam Sion kyɛ eboo, Yerusalem kɔkakyi esire esire, na bokaa bɔ awuro ne gyi so ne, ɔkakyi ɛhɔayeɛ.’

Hosea 1:1

Yuda ahemvo Yusia, Yotam, Ahase ne Hesekia, yeɛ Yoase awa Yisrael hene Yeroboam, b’ahennie aberɛ so ne, AWURADE dwirɛ bɔ ɔlale ye ali hyirele Beeri awa Hosea ne, ye ɛhe.

Hosea 4:15

Wɔ, Yisrael, ɔwɔ nu kyɛ ɛbɔ gyandera de, nakoso Yuda de, onni kyɛ ɔyɔ sɔ bie. Nnɛma ɛmɔba Gilgal, nnɛma ɛmɔkɔ Bete Awen, yeɛ nnɛma ɛmɔta ndaen kyɛ, “Kyɛ AWURADE te ase ye.”

Hosea 8:14

Ofikyɛ Yisrael wora afi (Nyameɛ) bɔ ɔbɔle ye ɔ, wasisi asɔneyɛɛ sua mɔ; Yuda akyekye nguro pee bɔ bato bɛ nwo fasue ɔ, nakoso ngɔtɔ see ngogua ye nguro nemɔ aso, na ɔkɔyera ye anwoserɛ afealeɛ nemɔ.

Amose 1:1

Yuda hene Yusia aberɛ so, yeɛ Yisrael hene Yoase awa Yeroboam aberɛ so, afoɛ nyɔ koraka yeɛ aseɛ baawoso ne, Amose bɔ ɔboka Tekoa mmoaenneafoɛ nemɔ aso ne, edwirɛ bɔ onwuni ye fale Yisrael nwo ne, ye ɛhe.

Amose 6:1

“Bɛ bɔ bɛ nwo atɔ bɛ wɔ Sion, yeɛ bɛ bɔ bɛfa bɛ wora bewura Samaria bokaa nu ɔ, maen maen mbanyi mɔ nu atitire mɔ bɔ Yisrael awuro ama bɛbapena mmokalɛ befi ɛmɔ berɛ ɔ, ɛmɔ yaakɔ!

Mika 1:5

Ɛhe amukoraa ɔnate Yakob mmeraatolɛ ti ɔ, yeɛ Yisrael awuro ama bɛ bɔne ti ɔ. Yakob mmeraatolɛ ole beni? Aso nna Samaria ɔ? Yeɛ Yuda asɔneyɛɛ mɔ ole beni? Aso nna bɛ ole Yerusalem?

Mika 3:9

Ɛmɔ, ɛ́mɔtie, Yakob awuro atitire, yeɛ Yisrael awuro ama mbanyi bɔ ɛmɔkyi ndɛenbualɛ turoloo, ná ɛmɔkyea pɛpɛɛpɛyɛlɛ amukoraa ɔ,

Habakuku 1:1

Nyekyire bɔ ngɔmhyɛlɛniɛ Habakuku nyane ye ne, ye ɛhe.

2 Petro 1:21

ofikyɛ ngɔmhyɛlɛ biala wamva kuro sona pɛ so wamma le, na mmom Nyameɛ mmenia krongron bedwudwole, kyɛbɔ Sunzum Krongron ne ɔkanyane bɛ ɔ.