Mateo 9:8 - AHYERƐLƐ KRONGRON

⁸ Na ɛlɔen ne nwuni ye sɔ nen, ɔyɛle bɛ nwanwa, na bɛhyɛle Nyameɛ bɔ wafa sɔ tumi ne wama mmenia ne animnyam.

Mateo 9:8 Iomraidhean Croise

Mateo 12:23

Ɔyɛle mmenia ne amukoraa nwanwa, na besele kyɛ, “Aso nna Dawide Awa ne ɛhe?”

Mateo 15:31

Yiti ɔyɛle ɛlɔen ne nwanwa, mmerɛ bɔ benwuni kyɛ emumu dwudwo, ná mbakye nwo asa, ná mmubuafoɛ nate, ná anyesiniwaafoɛ benwu nikye ne; na bɛhyɛle Yisrael Nyameɛ animnyam.

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Mateo 5:16

Yiti ɛ́mɔma ɛmɔ kanea ɔta ma mmenia nwu ye, amaa ɔnate so banwu ɛmɔ yɔleɛ paa ne, ná bakamvo ɛmɔ Baba bɔ ɔwɔ nyameɛso ne.

Mateo 9:7

Na odwɔsole sili nu hɔle ye awuro.

Marko 2:12

Odwɔsole, na berɛ ne ala ɔfale ye bɛen ne, na ofili bɛ mukoraa bɛ nyunu berɛ hɔle. Yiti bɛ mukoraa bɛ nwo dwirili bɛ, na bɛhyɛle Nyameɛ animnyam bɛhane kyɛ, “Yɛnnwuni ɛhe bie le!”

Marko 7:37

Ɛhe yɛle bɛ nwanwa maa ɔbole so, na bɛhane kyɛ, “Wayɔ nikyee mukoraa yé; ɔma asotiniwaafoɛ po bɛte dwudwolɛ, na ɔma emumu mɔ bedwudwo.”

Luka 13:13

Na ɔfale ye sa guale ye so, na berɛ ne ala ye nu tengyɛle, na ɔyele Nyameɛ ayɛ.

Luka 17:15

Na bɛ nu ko nwuni kyɛ ye nwo asa nen, osale ye si teateane nu yele Nyameɛ ayɛ;

Luka 17:18

Bannwu bɛ nu biala kyɛ wasa ye si wawa kyɛ ɔbaafa animnyam ma Nyameɛ ɔ, sana amanvraniɛ he ngome?”

Luka 18:43

Na berɛ ne ala, onwuni nikye, na olili Yesu si hyɛle Nyameɛ animnyam. Na ɛlɔen ne amukoraa benwuni bɔ wasi nen, bɛ bɛyele Nyameɛ ayɛ.

Luka 2:20

Na mmoaenneafoɛ nemɔ besa bɛhɔle, na bɛhyɛle Nyameɛ animnyam bɛyele ye ayɛ wɔ bɔ benwuni ye ɔne bɔ bate ne amukoraa nwo, bɔ ɔte kyɛbɔ bɛhã behyirele bɛ ne pɛpɛɛpɛ ɔ.

Luka 23:47

Na asraafoɛ ɛyaa so panyi ne nwuni bɔ wasi nen, ɔyele Nyameɛ ayɛ, na ɔhane kyɛ, “Amba, biaa he te teneneeniɛ!”

Luka 7:16

Na ɛserɛ tɔle bɛ mukoraa bɛ so, na bɛyele Nyameɛ ayɛ kyɛ, “Ngɔmhyɛlɛniɛ piri adwɔso wɔ yɛ nu, na Nyameɛ waanea ye maen!”

Yohane 15:8

Na ɛhe anu yeɛ ɛmɔhyɛ me Baba animnyam ɔ, sɛ ɛmɔsu mmaa pee a, na ɛhe yeɛ ɔmaa ɛmɔyɛ m’asuafoɛ ɔ.

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 21:20

Na bɛtele sɔ ne, bɛyele Nyameɛ ayɛ; na besele ye kyɛ, “Aliɛmaa Pɔɔlo, tie yɛ e! Yudafoɛ pembepembe wɔ wa bɔ bayɛ agyidifoɛ ɔ, na bɛ mukoraa basɔ Mose mmeraa ne anu serɛserɛ.

Asomafoɛ 4:21

Yiti badwafoɛ ne nwunanwunane bɛ bieku, na bɛyakyili bɛ kyɛ bɛhɔ. Benwuni kyɛ bɛngɔhora ngogyina edwirɛ biala so ngɔhwe bɛ so, ofikyɛ né bɔ wasi ne ati ebiala ye Nyameɛ ayɛ.

2 Korintofoɛ 9:13

Sɔ mmokalɛ he di ɛmɔ nwo adanzeɛ, na ɔkɔmaa bɛkɔhyɛ Nyameɛ animnyam wɔ ɛmɔ sotie wɔ Kristo nzɛmba ne nwo, ɔne mmokalɛ bɔ ɛmɔfa boka bɛ ne mmenia mukoraa nwo,

Galatiafoɛ 1:24

Na ɔnate me ti bɛhyɛle Nyameɛ animnyam.

1 Petro 2:12

Ɔwɔ nu kyɛ Amaenmaensofoɛ nemɔ bɛkekã ɛmɔ nwo dwirɛ kyɛ ɛmɔte bɔnefoɛ de, nakoso ɛ́mɔma ɛmɔ bra yɛ sannwuu wɔ bɛ nu, amaa banwu ɛmɔ bra paa ne, ná bahyɛ Nyameɛ animnyam wɔ kyẽa bɔ ɔkɔwa ne.