Mateo 9:6 - AHYERƐLƐ KRONGRON

⁶ Na kyɛbɔ ɔkɔyɛ bɔ ɛmɔkonwu kyɛ Sona Awa ne ole tumi wɔ aseɛ so, kyɛ ɔfa bɔne kyɛ ti ɔ,” na afei osele bubuaniɛ ne kyɛ, “Dwɔso, fa wɔ bɛen ne ná kɔ awuro!”

Mateo 9:6 Iomraidhean Croise

Yesaya 43:25

“Me, me ole bɔ ɔnate me bɔbɔ me ti mekyikyi wɔ mmeraatolɛ ɔ, na mengɔkaye wɔ bɔne.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Mateo 8:20

Na Yesu buale ye kyɛ, “Safuboa mɔ bele bɔen mɔ, yeɛ ewienu nnomaa bele saen mɔ; nakoso Sona Awa ne de, olle nekaa bɔ ɔfa ye ti to ɔ.”

Mateo 9:2

Eh, bɛfale bubuaniɛ bie bɔ ɔla bɛen so ɔ bɛwale ye berɛ, na Yesu nwuni bɛ gyidie nen, osele bubuaniɛ ne kyɛ, “Mma, ma w’ahone tɔ wɔ kunu! Bafa wɔ bɔne bahyɛ wɔ.”

Mateo 9:5

Na beni yeɛ ɔyɛ mmerɛ ɔ, kyɛ ɛkɔhã kyɛ, ‘Bafa wɔ bɔne bahyɛ wɔ,’ anaa kyɛ ɛkɔhã kyɛ, ‘Dwɔso ná nate’?

Mateo 9:7

Na odwɔsole sili nu hɔle ye awuro.

Marko 2:10

Na kyɛbɔ ɔkɔyɛ bɔ ɛmɔkonwu kyɛ Sona Awa ne ole tumi wɔ aseɛ so, kyɛ ɔfa bɔne kyɛ ti ɔ,” na osele bubuaniɛ ne kyɛ,

Marko 2:7

“Nzu ati yeɛ biaa he ɔma edwirɛ sɔaa fite ye noa ɔ? Ɔkã musue dwirɛ! Nwa yeɛ ɔkora fa bɔne kyɛ ɔ? Sana Nyameɛ ngome!”

Luka 5:21

Na ahyerɛlɛfoɛ ne Farasiifoɛ nemɔ bɛhyɛle ye bo bɛdwenedwenene kyɛ, “Sona beni de ɛhe, bɔ ɔkã musue dwirɛ sɔaa ye? Nwa yeɛ ɔkora fa bɔne kyɛ ɔ, sana Nyameɛ ngome!”

Yohane 10:28

Mema bɛ daa ngoa, na bengomini le; na ebiala ngofoti bɛ ngofi me sa nu.

Yohane 17:2

kyɛbɔ ama ye tumi wɔ anwoɔnaen amukoraa so, kyɛ ɔma ebiala bɔ afa ama ye ne daa ngoa ne.

Yohane 5:27

na wama ye tumi kyɛ obua ndɛen, ɔnate kyɛ ye ole Sona Awa ne.

Yohane 5:8

Na Yesu sele ye kyɛ, “Dwɔso, fa wɔ bɛen ne, ná nate!”

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

Asomafoɛ 9:34

Na Petro sele ye kyɛ, “Yinea, Yesu Kristo ama wɔ nwo asa; dwɔso na bobɔ wɔ bɛen ne.” Na berɛ ne ala Yinea dwɔsole.

2 Korintofoɛ 2:10

Na sona bɔ ɛmɔkɔfa ye nwo bɛkɔhyɛ ye ne, me koso mefa mekyɛ ye. Na sɛ mafa edwirɛ bie mahyɛ a, sona bɔ mva ngyɛle ye ne, ɔnate ɛmɔ ti yeɛ mafa mahyɛ ye wɔ Kristo nyunu ɔ;

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

Ɛfesofoɛ 4:32

Ɛmɔhurohuro ɛmɔ nwo dwirɛ, ɛ́mɔnwu ɛmɔ nwo anwumvoin, ná ɛ́mɔfa bɛhyehyɛ ɛmɔ nwo, kyɛbɔ Nyameɛ nate Kristo so wafa wahyɛ ɛmɔ ne.

Kolosefoɛ 3:13

Ɛ́mɔnya aboterɛ bɛmoma ɛmɔ nwo; ɛ́mɔfa ɛmɔ abiɛngo mvomsoɛ bɛhyɛ ye. Na sɛ ebie ne obiɛngo benya edwudwolɛ a, ɛ́mɔfa bɛhyehyɛ bɛ nwo, kyɛbɔ Awurade afa ahyɛ ɛmɔ ne.