Mateo 9:38 - AHYERƐLƐ KRONGRON

³⁸ Yiti ɛ́mɔsrɛ nnɔbaeɛtelɛ Mene ne, ná ɔma adwumayɔlɛfoɛ bɛbra ye nnɔbaeɛtelɛ adwuma ne anu.”

Mateo 9:38 Iomraidhean Croise

Edwein 68:11

AWURADE fa ye noa dwirɛ ne ɔma, na bɛ bɔ bɛbɔ ye nwo dawure ne, bɛsone pee.

Edwein 68:18

Ɛfole bokaa tendenn ne, elili bɛ bɔ ahye bɛ nnure ne nyunu wɔ mmerɛ bɔ elele akyɛdeɛ bɔ ɔte mmenia ɔ, bɔ ɛlɔenyɛlɛfoɛ po bɛboka so ɔ amaa ɔnate so AWURADE Nyameɛ watena bɛ nu.

Yeremia 3:15

“ ‘Ngɔye neafoɛ mɔ bɔ bɛla m’ahone nwo ɔ ngɔma ɛmɔ, bɔ bɛkɔfa nimdeɛ ne nworɛ bɛkɔtete ɛmɔ ɔ.

Mika 5:7

Na Yakob boso ama ngaa ne, bɛkɔyɛ kyɛ bosue bɔ ofi AWURADE berɛ ɔ wɔ maen maen pee bɛ nu, kyɛ nyenyenzue bɔ ogua ndire so ɔ, bɔ ɔmva ye nwo ndo sona so, anaa ɔnnwondɛ adasa mmaa ɔ.

Mateo 9:37

Yeɛ osele ye asuafoɛ nemɔ kyɛ, “Nnɔbaeɛtelɛ adwuma ne sone, nakoso adwumayɔlɛfoɛ nemɔ bɛte kãa.

Yohane 20:21

Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.”

Yohane 4:35

Ɔyɛ a ɛmɔnga kyɛ, ‘Waha bosome nna né buberɛ adwu’? Ɛ́mɔtie, mekã mekyire ɛmɔ kyɛ, ɛ́mɔma ɛmɔ ti so, ná ɛ́mɔnea fieso, kyɛ nningyein nemɔ bati kyɛ bebu ɔ.

Asomafoɛ 13:2

Mmerɛ bɔ bɛwɔ so bɛsɔne Awurade na bɛyɔ akɔngyere ne, Sunzum Krongron ne sele bɛ kyɛ, “Ɛ́mɔye Banaba ne Sɔɔlo bɛma me ma bɛɛyɔ adwuma bɔ yiti yeɛ mmvrɛle bɛ ne.”

Asomafoɛ 8:4

Na agyidifoɛ bɔ bɛbɔle aya ne, behyinini bɛhane nzɛmba ne.

1 Korintofoɛ 12:28

Na Nyameɛ atu ebiemɔ asie berɛ wɔ asɔre ne anu. Bɔ oli moa ɔ: kyɛ asomafoɛ, bɔ ɔtoa berɛ ɔ, kyɛ ngɔmhyɛlɛfoɛ, bɔ ɔtɔ nza, kyɛ akyerɛkyerɛfoɛ; yeɛ afei bɛ bɔ bɛyɔ anwanwadeɛ, bɛ bɔ bele anwonyerɛsalɛ akyɛdeɛ, bokafoɛ, asɔre mbanyi, yeɛ bɛ bɔ bɛkã edwudwolɛ ahoroɔ.

Ɛfesofoɛ 4:11

Na ye akyɛdeɛ ne ama ebiemɔ ayɛ asomafoɛ, ebiemɔ ngɔmhyɛlɛfoɛ, ebiemɔ nzɛmbahanɛfoɛ, ebiemɔ neafoɛ mɔ, yeɛ ebiemɔ akyerɛkyerɛfoɛ,

2 Tɛsalonika 3:1

Bɔ ɔpɛ ye bo ɔ, aliɛmaa mɔ, ɛ́mɔbɔ mbaeɛ bɛ́ma yɛ, kyɛ Awurade nzɛmba ne onya atee trɛ ndɛndɛ ná onya animnyam, kyɛbɔ wanya ye wɔ ɛmɔ berɛ ne.