Mateo 9:35 - AHYERƐLƐ KRONGRON

³⁵ Yesu hɔle nguro ne nguraa ne amukoraa so aporɔ yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba, na ɔsale anwonyerɛ ne anwommerɛlɛ amukoraa.

Mateo 9:35 Iomraidhean Croise

Mateo 10:1

Ɔfrɛle ye asuafoɛ buru ne nyɔ ne maa beyiale, na ɔmane bɛ sunzummɔne mɔ so tumi bɔ bɛkɔfa bekotutu bɛ ɔ, ɔne tumi bɔ bɛkɔfa bɛkɔsa anwonyerɛ ne anwommerɛlɛ amukoraa ɔ.

Mateo 11:1

Mmerɛ bɔ Yesu dwudwo hyirele ye asuafoɛ buru ne nyɔ ne yiele nen, ofili berɛ hɔle kyɛ ɔkwaayɛ ngyerɛkyerɛ ná ɔkã nzɛmba wɔ bɛ nguro nemɔ aso.

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Marko 1:14

Na bɛhyele Yohane bɛtole kuku nu ne asi ne, Yesu wale Galilea ɔɔhane Nyameɛ ahennie ne nwo nzɛmba.

Marko 6:56

Na nekaa biala bɔ ɔhɔle ne, kyɛ nguraa nu oo, kuro nu oo, anaa namue nu oo, bɛfale ayarefoɛ bɛɛsamone dwaaso, na bɛsrɛle ye kyɛ ɔma bɛfa bɛ sa bɛhã ye ataadeɛ noa ala; na mmenia wora bɔ bɛfale bɛ sa bɛhane ye ne, bɛtele apɔ.

Marko 6:6

Na ɔyɛle ye nwanwa kyɛ banne banni ɔ. Na ohyinini nguraa nemɔ anu yɛle ngyerɛkyerɛ.

Luka 13:22

Yesu hyinini nguro ne nguraa mɔ nu yɛle ngyerɛkyerɛ, na ɔfale so kyɛ ɔkɔ Yerusalem.

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.