Mateo 9:23 - AHYERƐLƐ KRONGRON

²³ Na Yesu dwuli panyi n’awuro berɛ, ná onwuni awɛenhulɛfoɛ ne mmenia bɔ bɛteatea nu nen,

Mateo 9:23 Iomraidhean Croise

2 Aberɛso Dwirɛ 35:25

Yeremia koso tole Yosia nwo awuye dwein. Na edweintolɛfoɛ mmienzua ne mmrasua amukoraa bɛbɔ Yosia dumaa wɔ b’awuye dwein mɔ nu maa waadwu ɛnɛ. Bɛmaa ɔyɛle amammerɛ wɔ Yisrael, na bahyerɛ ye wɔ Awuye dwein nwomaa ne anu.

Yeremia 16:6

Atitire mɔ ne kwahweabaa mɔ, bekowuwu wɔ aseɛ ye aso. Bengosie bɛ, bengosu bɛ, yeɛ bengogyina bɛ wue ne aso bɛngɔtete bɛ nwonaen anaa bɛngɔbɔ tikwa.

Hesekiel 24:17

Gua anwongokoɔ konn, yeɛ nnɛsũ sona bɔ wawu ne. Bɔ w’abotire, ná fa wɔ mbaboa wura. Nnɛfa nikyee kata wɔ noa, yeɛ nnɛdi ɛsɛenvoɛ aleɛ.”

Mateo 11:17

‘Yɛhuli awɛen yɛhyirele ɛmɔ, na ɛmɔango; yɛbɔle awuye yɛhyirele ɛmɔ, na ɛmɔ wora ammɔ’

Luka 7:32

Bɛte kyɛ ngwadaa bɔ bɛtete dwaaso, bɔ bɛ́frɛfrɛ bɛ nwo bɛ nwo kyɛ, ‘Yɛhuli awɛen yɛhyirele ɛmɔ, na ɛmɔango; yɛbɔle awuye yɛhyire ɛmɔ, na ɛmɔanzu.’

Asomafoɛ 20:10

Na Pɔɔlo dwuli ase oobutuli ye so; ɔto brale ye, na ɔhane kyɛ, “Nnɛma ɛmɔ kunu tete ɛmɔ, na owwuli.”

Asomafoɛ 9:39

Yiti Petro dwɔsole, na ɔne bɛ hɔle. Oodwuli berɛ, na bɛne ye hɔle aborɔsaen ne aso. Yeɛ akunafoɛ mmrasua ne amukoraa beegyinagyinane ye nwo berɛ bɔ né besũ ɔ, na bɛfale ndaadeɛ ne ndena bɔ Dɔkase pombale wɔ mmerɛ bɔ né ɔne bɛ wɔ berɛ ne behyirele ye.

Nyekyire 18:22

Na bɛngɔte sangoobɔlɛfoɛ, edweintolɛfoɛ, aweɛnhulɛfoɛ ne totorobɛndohulɛfoɛ nga wɔ wɔ nu ko, bengonwu adwiililɛ nu dwumvoɛ biala wɔ wɔ nu ko, yeɛ bɛngɔte nyɔboɛ bɔ bɛfa beti aburoo ɔ nga wɔ wɔ nu ko;