Mateo 9:2 - AHYERƐLƐ KRONGRON

² Eh, bɛfale bubuaniɛ bie bɔ ɔla bɛen so ɔ bɛwale ye berɛ, na Yesu nwuni bɛ gyidie nen, osele bubuaniɛ ne kyɛ, “Mma, ma w’ahone tɔ wɔ kunu! Bafa wɔ bɔne bahyɛ wɔ.”

Mateo 9:2 Iomraidhean Croise

Nworɛ Dwirɛhanɛniɛ 9:7

Yiti kɔ so, di w’aleɛ wɔ anigye nu, ná fa anwosɛpɛ no wɔ nzaa, ofikyɛ bɔ ɛyɔ ne, Nyameɛ ale ato nu dadadada.

Yesaya 44:22

Makyikyi wɔ mmeraatolɛ ne mafi berɛ kyɛ munungum kabii, ɔne wɔ bɔne mafi berɛ kyɛ munungum. Sa bra me berɛ, ofikyɛ maapɔ wɔ male wɔ.

Mateo 14:27

Na berɛ ne ala, Yesu sele bɛ kyɛ, “Ɛ́mɔma ɛmɔ ahone tɔ ɛmɔ kunu, me ɔ; nnɛma ɛmɔsuro!”

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Mateo 6:12

Na fa yɛ mvomsoɛ kyɛ yɛ, kyɛbɔ yɛfa yɛkyɛ bɛ bɔ bɛfõ yɛ ne.

Mateo 8:10

Na Yesu tele bɔ ɔhane nen, ɔyɛle ye nwanwa, na osele mmenia bɔ beli ye si ne kyɛ, “Nahorɛ nu, mekã mekyire ɛmɔ kyɛ, Yisrael po, nnwuni gyidie piri bɔ ɔte sɔaa ɔ.

Mateo 8:16

Na odwuli nɔsoa nen, bɛfale mmenia pee bɔ sunzummɔne wɔ bɛ so ɔ bɛwale Yesu berɛ. Ɔfale ye noa dwirɛ tutuli sunzummɔne nemɔ, na ɔsale bɛ bɔ bɛnde apɔ ne amukoraa anwonyerɛ.

Mateo 9:22

Yeɛ Yesu kakyili ye nwo, na onwuni braa ne nen, osele kyɛ, “Mma brasua, ma w’ahone tɔ wɔ kunu! Wɔ gyidie ale wɔ.” Na berɛ ne ala braa ne tele apɔ.

Mateo 9:5

Na beni yeɛ ɔyɛ mmerɛ ɔ, kyɛ ɛkɔhã kyɛ, ‘Bafa wɔ bɔne bahyɛ wɔ,’ anaa kyɛ ɛkɔhã kyɛ, ‘Dwɔso ná nate’?

Mateo 9:6

Na kyɛbɔ ɔkɔyɛ bɔ ɛmɔkonwu kyɛ Sona Awa ne ole tumi wɔ aseɛ so, kyɛ ɔfa bɔne kyɛ ti ɔ,” na afei osele bubuaniɛ ne kyɛ, “Dwɔso, fa wɔ bɛen ne ná kɔ awuro!”

Marko 1:32

Odwuli nɔsoa bɔ eyia tɔle nen, bɛfale bɛ bɔ bɛnde apɔ ne bɛ bɔ bele sunzummɔne amukoraa bɛwale ye berɛ.

Marko 10:49

Yeɛ Yesu gyinane, na osele kyɛ, “Ɛ́mɔfrɛ ye bɛbra!” Yiti bɛfrɛle anyesiniwaaniɛ ne, na besele ye kyɛ, “Ma w’ahone tɔ wɔ kunu, dwɔso, na ɔfrɛ wɔ!”

Marko 5:34

Na Yesu sele ye kyɛ, “Mma brasua, wɔ gyidie ale wɔ; kɔ asomdwee nu, na w’anwonyerɛ ne ɔhɔ bɔkɔɔ.”

Marko 6:50

ofikyɛ bɛ mukoraa benwuni ye, na bɛ nwo dwirili bɛ. Na berɛ ne ala, ɔne bɛ dwudwole, na osele bɛ kyɛ, “Ɛ́mɔma ɛmɔ ahone tɔ ɛmɔ kunu, me ɔ; na nnɛma ɛmɔsuro!”

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Yohane 2:25

yiti onhia kyɛ ebiala koli sona nwo adanzeɛ kohyire ye ɔ, ɔnate kyɛ ye bɔbɔ ɔse mmenia mukoraa ahone nu dwirɛ.

Yohane 21:5

Na Yesu bisale bɛ kyɛ, “Biamɔ, ɛmɔanya naen anaa?” Na bebuale ye kyɛ, “Daabi oo!”

Asomafoɛ 14:9

Né otie edwirɛ bɔ Pɔɔlo ɔkã ne; na Pɔɔlo neane ye haa, na onwuni kyɛ biaa ne le gyidie kyɛ okonya ayaresa ɔ.

Asomafoɛ 19:12

na bɛfale ye nwo duku anaa ye ataadeɛ ngatanyunu po beguale ayarefoɛ so maa bɛtele apɔ, na sunzummɔne tutu fili bɛ nu.

Asomafoɛ 23:11

Sɔ kɔngɔen ne, Awurade wale oogyinane Pɔɔlo nwo berɛ sele ye kyɛ, “Nnɛsuro! Na kyɛbɔ ali me nwo adanzeɛ wɔ Yerusalem nen, sɔ ala koso yeɛ odi kyɛ edi me nwo adanzeɛ wɔ Rome ɔ.”

Romanfoɛ 5:11

Nna ɛhe angome, na mmom yɛnate y’Awurade Yesu Kristo bɔ wasiesie yɛ ne Nyameɛ afia ne so yanya anika wɔ Nyameɛ nu.

Yakobo 2:18

Amba, ebie kɔhã kyɛ, “Ele gyidie, yeɛ me wora nne nnwumaa.” “Kyire me wɔ gyidie bɔ nnwumaa nne nu ɔ, na me koso ngɔfa me nnwumaa ngohyire wɔ me gyidie.”