Mateo 9:15 - AHYERƐLƐ KRONGRON

¹⁵ Na Yesu buale bɛ kyɛ, “Ɔkɔyɛ sɛɛ né atɔmvorɛ bo ama bɛ wora abɔ, wɔ aberɛ bɔ atɔmvorɛ biaa ne ɔne bɛ wɔ berɛ ɔ? Mmerɛ bie kɔwa bɔ bɛkɔfa atɔmvorɛ biaa ne bekofi bɛ nwo bɛkɔhɔ ɔ, na afei bekoli abuadaa.

Mateo 9:15 Iomraidhean Croise

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Mateo 9:14

Yeɛ Yohane asuafoɛ nemɔ wale Yesu berɛ beebisale ye kyɛ, “Nzu ati yeɛ yɛne Farasiifoɛ yɛtaa yɛyɔ akɔngyere, ná w’asuafoɛ nemɔ de bɛnyɔ akɔngyere ɔ?”

Mateo 9:16

Na ebiala mva ɛtena monɛ sii nda ataadeɛ daa nu, ofikyɛ ndetamuɛ ne te fi ataadeɛ ne anu, na ye tetelɛ ne yɛ piri.

Marko 2:19

Yeɛ Yesu buale bɛ kyɛ, “Ɔkɔyɛ sɛɛ né atɔmvorɛ bo ama bali abuadaa, wɔ aberɛ bɔ atɔmvorɛ biaa ne ɔne bɛ wɔ berɛ ɔ? Bɛ ne atɔmvorɛ biaa ne wɔ berɛ angome ye de, bɛngɔhora ngoli abuadaa.

Marko 2:20

Mmerɛ bie kɔwa bɔ bɛkɔfa atɔmvorɛ biaa ne bekofi bɛ nwo bɛkɔhɔ ɔ, na afei bekoli abuadaa sɔ mmerɛ ne.

Luka 17:22

Na osele ye asuafoɛ nemɔ kyɛ, “Mmerɛ bie kɔwa bɔ Sona Awa ne, ɛmɔkohuro kyɛ ɛmɔkonwu ye ngyẽa nemɔ anu ko ɔ, nakoso ɛmɔngonwu ye.

Luka 5:34

Yeɛ Yesu buale bɛ kyɛ, “Aso ɛmɔkɔhora bɛkɔma atɔmvorɛ bo ama bekoli abuadaa, wɔ mmerɛ bɔ atɔmvorɛ biaa ne ɔne bɛ wɔ berɛ ɔ?

Luka 5:35

Mmerɛ bie kɔwa, bɔ bɛkɔfa atɔmvorɛ biaa ne bekofi bɛ nwo bɛkɔhɔ ɔ; na sɔ mmerɛ ne yeɛ bekoli abuadaa ɔ.”

Yohane 16:6

Na ɔnate kyɛ mahã ɛhemɔ mahyire ɛmɔ ne ati, aworabɔlɛ ayi ɛmɔ ahone nu tɛkyɛ.

Yohane 3:29

Bɔ atɔmvorɛ braa ne ɔte ye deɛ ne, ye ole atɔmvorɛ biaa ne. Na atɔmvorɛ biaa n’adamvo bɔ ogyina berɛ, ná otie ye ne de, ɔma ye nye gye paa wɔ atɔmvorɛ biaa ne komvi nwo; yiti afei de, m’anigye ne wali mu.

Asomafoɛ 14:23

Na besili asɔre biala nu mbanyi bɛmane bɛ, na bɛfale mbaeɛbɔlɛ ne akɔngyere betuli bɛ bewurale Awurade bɔ bale ye bali ne sa.

1 Korintofoɛ 7:5

Nnɛma ɛmɔtua ɛmɔ nwo nnaa, sana ɛmɔ munyɔ ɛmɔapene so kyɛ ɛmɔtu mmerɛ kãa bie besie berɛ ma mbaeɛbɔlɛ; na ɛhe asi ye, ɛmɔasa bayia nu bieku, ná abɔnzam amva ɛmɔ anwohyɛsoɛ nu mmerɛyɛlɛ so wanzo ɛmɔ wannea.

2 Korintofoɛ 11:27

Mayɔ adwuma mafɛ, mmerɛ pee mennya nnaa menna, ɛhɔen ne nzuhɔen ku me, metaa mekye hɔen, ɛyerɛ ku me, yeɛ ndaadeɛ bɔ ngowura abɔ me.

Nyekyire 19:9

Na osele me kyɛ. “Kyerɛ ɛhe: Bɛ bɔ bato bɛ sa bafrɛ bɛ kyɛ bɛbra Boaen Ba n’atɔmvorɛ poentolɛ bo ne, banya saleɛ.” Na osele me kyɛ, “Ɛhemɔ te Nyameɛ noa dwirɛ bɔ ɔte nahorɛ ɔ.”

Nyekyire 21:2

Na nwuni kuro krongron ne, Yerusalem foforɛ ne, kyɛ ofi Nyameɛ berɛ wɔ nyameɛso odwu ba ɔ, bɔ basiesie ye kyɛ atɔmvorɛ braa bɔ basiesie ye nwo bama ohu ɔ.