Mateo 9:13 - AHYERƐLƐ KRONGRON

¹³ Ɛmɔhɔ beesua kyɛbɔ edwirɛ he ye bo kyire ɔ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ.’ Ofikyɛ mamma kyɛ mebaafrɛ teneneefoɛ, na mmom bɔnefoɛ.”

Mateo 9:13 Iomraidhean Croise

Anyandera 21:3

Tenenee bra ne pɛpɛɛpɛyɛlɛ, ɔsɔ AWURADE nye tra afɔleɛbɔlɛ.

Hosea 6:6

Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.

Mateo 12:3

Na obuale bɛ kyɛ, “Aso ɛmɔkkenngale bɔ Dawide yɔle, mmerɛ bɔ ɛhɔen huni ye ne bɛ bɔ bɛboka ye so ne?

Mateo 12:5

Anaakyɛ ɛmɔkkenngale ye wɔ mmeraa ne anu, kyɛbɔ afofingyẽa nemɔ, asɔfo mɔ bɔ bɛwɔ asɔneyɛɛ sua ne anu bɛtõ afofikyẽa mmeraa ne, ná koso benni ye nwo fɔ ɔ?

Mateo 12:7

Na sɛ ɛmɔte edwirɛ he abo, kyɛ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ’ a, ahaa ɛmɔammua bɛ bɔ benni fɔ ne fɔ.

Mateo 19:4

Na obuale bɛ kyɛ, “Aso ɛmɔkkenngale kyɛ ahyɛaseɛ ne, Ɛdangama bɔ ɔbɔle sona nen, bienzua ne brasua yeɛ ɔbɔle bɛ ɔ?

Mateo 21:42

Yeɛ Yesu bisale bɛ kyɛ, “Aso ɛmɔkkenngale Ahyerɛlɛ ne le, kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ. Awurade yeɛ wayɔ ɛhe ɔ, na ɔyɛ nwanwa wɔ yɛ nye so?’

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 3:8

Odi kyɛ ɛmɔyɔ bɔ okyire kyɛ ɛmɔasakyera ɛmɔ adwene amba ɔ.

Mateo 4:17

Ofi mmerɛ sɔ ne yeɛ Yesu hyɛle ye bo hane nzɛmba ne kyɛ, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Marko 12:26

Bɔ ɔfa awufoɛ dwɔsolɛ nwo de, aso ɛmɔkkenngale ye wɔ Mose nwomaa ne anu, kyɛbɔ Nyameɛ dwudwo hyirele ye wɔ ngyɛkyerɛ ne anu kyɛ, ‘Me ole Abraham Nyameɛ, Yisake Nyameɛ ne Yakob Nyameɛ’ ne?

Marko 12:33

na sɛ ɛfa w’ahone amukoraa ne wɔ ndeaseɛ amukoraa ne wɔ kra amukoraa ne w’anwoserɛ amukoraa ekuro ye dwirɛ, ná ekuro ebiɛngo dwirɛ kyɛ wɔ bɔbɔ wɔ nwo a, ɔte paa tra ɛyeralɛ afɔleɛ ne afɔleɛ amukoraa.”

Marko 2:17

Na Yesu tele sɔ nen, osele bɛ kyɛ, “Bɛ bɔ bɛte apɔ ne, benhia safoɛ, na mmom bɛ bɔ bɛnde apɔ yeɛ behia ye ɔ. Mamma kyɛ mebaafrɛ teneneefoɛ, na mmom bɔnefoɛ.”

Luka 10:26

Na Yesu bisale ye kyɛ, “Nzikyɛ yeɛ bahyerɛ ye wɔ mmeraa ne anu ɔ? Sɛɛ yeɛ ɔyɛ a ɛkenga ye ɔ?”

Luka 19:10

Na Sona Awa ne wale kyɛ ɔbaapena ná ode bɛ bɔ bamini ɔ.”

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Luka 5:31

Yeɛ Yesu buale bɛ kyɛ, “Bɛ bɔ bɛte apɔ ne, benhia safoɛ, na mmom bɛ bɔ bɛnde apɔ yeɛ behia ye ɔ.

Luka 5:32

Mamma kyɛ mebaafrɛ teneneefoɛ, na mmom mmavrɛle bɔnefoɛ kyɛ bɛsakyera b’adwene.”

Yohane 10:34

Na Yesu buale bɛ kyɛ, “Aso nna ɛmɔ mmeraa ne anu yeɛ bahyerɛ ye kyɛ, ‘Ngane kyɛ, ɛmɔte nyameɛ mɔ?’

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

2 Petro 3:9

Awurade ndwetwe ye gya ase wɔ ye bɔhyɛ nwo, kyɛbɔ ebiemɔ bɛdwene kyɛ ɔkyɛ ne. Aboterɛ mmom yeɛ ole ye wɔ yɛ nwo ɔ, ɔmbena kyɛ sona biala mini, na mmom ɔpena kyɛ ebiala ba adwenesakyera nu.