Mateo 9:12 - AHYERƐLƐ KRONGRON

¹² Yesu tele sɔ dwirɛ ne nen, osele bɛ kyɛ, “Bɛ bɔ bɛte apɔ ne, benhia safoɛ, na mmom bɛ bɔ bɛnde apɔ yeɛ behia ye ɔ.

Mateo 9:12 Iomraidhean Croise

Edwein 147:3

Ɔkyekye bɛ bɔ bɛ wora abɔ ɔ wora, na ɔteta bɛ ngena nu.

Edwein 41:4

Ngane kyɛ, “Ao AWURADE, nwu me anwumvoin; sa me anwonyerɛ, ofikyɛ mayɔ bɔne matia wɔ.”

Edwein 6:2

Ao AWURADE, nwu me anwumvoin, ofikyɛ menwu amaneɛ. Ao AWURADE, sa me anwonyerɛ, ofikyɛ me mmowue nu tutu me.

Yeremia 17:14

Ao AWURADE, sa me anwonyerɛ, na ngɔte apɔ; pepɛ de me, na ngonya ngoa, ofikyɛ wɔ yeɛ ɛte m’ayɛyelɛ ɔ.

Yeremia 30:17

Ofikyɛ ngɔmaa ekosa kɔte apɔ, yeɛ ngɔma wɔ ngena nemɔ kɔhɔ, AWURADE noa dwirɛ ɛne. Ofikyɛ bɛfrɛle wɔ: Bɔ bapɛ ye asue ɔ. ‘Sion bɔ ebiala mbena ye si atee ɔ!’

Yeremia 33:6

Tie, ngɔma kuro he anwo kɔsande ye ná wate apɔ, na ngɔsa bɛ anwonyerɛ. Na ngɔla asomdwee ne nahorɛlilɛ mmorosoɛ ali ngohyire bɛ.

Yeremia 8:22

Aso ayire biala nne Gileade anaa? Aso safoɛ biala nne berɛ anaa? Nzu ati yeɛ me maen awa brasua bennya bɛssale ye anwonyerɛ ye?

Hosea 14:4

Ngɔsa bɛ nahorɛ bɔ benni ne anwonyerɛ, ngofia me kunu ngohuro bɛ dwirɛ, ofikyɛ me yaafɛlɛ ne, maye mafi bɛ so.

Mateo 18:11

[Ɔnate kyɛ, Sona Awa ne wale kyɛ ɔbaale bɛ bɔ bamini nemɔ ngoa.]

Marko 2:17

Na Yesu tele sɔ nen, osele bɛ kyɛ, “Bɛ bɔ bɛte apɔ ne, benhia safoɛ, na mmom bɛ bɔ bɛnde apɔ yeɛ behia ye ɔ. Mamma kyɛ mebaafrɛ teneneefoɛ, na mmom bɔnefoɛ.”

Luka 5:31

Yeɛ Yesu buale bɛ kyɛ, “Bɛ bɔ bɛte apɔ ne, benhia safoɛ, na mmom bɛ bɔ bɛnde apɔ yeɛ behia ye ɔ.

Luka 8:43

Né braa bie bɔ mogya atu ye afoɛ buru ne nyɔ ɔ ɔfora bɛ nu. [Né bɔ ole ye amukoraa wafi ye sa wɔ safoɛ mɔ sa nu], nakoso ebiala angora wanza ye anwonyerɛ.

Luka 9:11

Na ɛlɔen ne tele nen, bɛpole ye; ye koso olele bɛ nyemene so, ɔhane Nyameɛ ahennie ne nwo dwirɛ hyirele bɛ, na ɔsale bɛ bɔ né behia anwonyerɛsalɛ ne anwonyerɛ.

Kolosefoɛ 4:14

Yɛ dɔfo safoɛ Luka ɔne Dema bebisa ɛmɔ ahye.