Mateo 8:8 - AHYERƐLƐ KRONGRON

⁸ Na asraafoɛ ɛyaa so panyi ne buale ye kyɛ, “Awurade, memvata kyɛ ɛkɔwa m’awuro ɔ; wɔ de kã edwirɛ ne ala, na m’akoaa ne nwo kɔtɔ ye.

Mateo 8:8 Iomraidhean Croise

Gyenesise 32:10

memvata ɔdɔ kandinga ne nahorɛlilɛ pee bɔ afa alo w’akoaa ne anu kaala po, ofikyɛ mmerɛ bɔ né mépɛ asue Yɔɔdan ne, né nnne hwee kyɛ me pɔmaa ye angome; nakoso kekesaala ye de, me boso atrɛ maa manya mmeni kure nyɔ.

Edwein 10:17

Ao AWURADE, etie anwobrɛaseɛniɛ ye abisadeɛ; ɛhyɛ ye nguraen, etie ye sufrɛ,

Edwein 107:20

Ɔsomane ye dwirɛ ne, na ɔsale bɛ anwonyerɛ, na ɔpepɛ lele bɛ fili b’amaneɛnwunɛ nu.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Numeri 20:8

Fa pɔmaa ne, ná ɛne eliɛma Aarɔn bɛboaboa mmenia ne anoa. Bɛ nyunu berɛ ala, ɛ́mɔdwudwo béhyire nyɔbotaen ne maa opu ye nzue bra. Ɛhe kɔmaa ekonya nzue kofi nyɔbotaen ne anu kɔma bɛ; ɔnate so ɛkɔmaa mmenia nemɔ ne bɛ nyɛmmoa konya nzue bɛkɔno.

Mateo 3:11

Me de, mebɔ ɛmɔ asu wɔ nzue nu maa okyire kyɛ ɛmɔasakyera ɛmɔ adwene, nakoso bɔ oli me si ɔ́ba ne de, odi mu tra me; na memvata kyɛ ye mbaboa po ngotira ɔ. Ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

Mateo 3:14

Yohane yɛle kyɛ ahaa osi ye ate, Ɔnwa, “Wɔ yeɛ ɛfata kyɛ ɛbɔ me asu ɔ, na afei wɔ yeɛ ɛ́ba me berɛ ɔ?”

Mateo 8:3

Na Yesu tengyɛle ye sa fa hane ye, na ɔhane kyɛ, “Mekuro, wɔ nwo fi!” Na berɛ ne ala ye kwata ne hɔle.

Mateo 8:7

Yeɛ Yesu sele ye kyɛ, “Ngɔwa ngɔɔsa ye anwonyerɛ.”

Mateo 8:9

Ofikyɛ me koso nde sona bɔ nwura tumi bo, na asraafoɛ wura me bo, na mekã mekyire ɛhe kyɛ, ‘Kɔ!’ a, ɔkɔ; yeɛ mekã mekyire ko koso kyɛ, ‘Bra!’ a, ɔba; na mekã mekyire m’akoaa kyɛ, ‘Yɔ ɛhe!’ a, ɔyɔ.”

Luka 15:19

memvata kyɛ ɛkɔfrɛ me ɛwa ko ɔ, fa me yɛ kyɛ w’apaafoɛ nemɔ anu ko.’

Luka 15:21

Na ɔwa ne sele ye kyɛ, ‘Baba, mayɔ nyameɛso ne wɔ nyunu bɔne, na memvata kyɛ ɛkɔfrɛ me ɛwa ko ɔ.’

Luka 5:8

Na Simɔn nwuni ye sɔ nen, obuli ndwerɛ Yesu nyunu berɛ hane kyɛ, “O Awurade, fi me nwo wa kɔ, ofikyɛ nde sona bɔnefoɛ.”

Yohane 1:27

Ye ole bɔ oli me si ɔ́ba, bɔ memvata kyɛ mesangye ye mbaboa nyamaa po ɔ.”