Mateo 8:3 - AHYERƐLƐ KRONGRON

³ Na Yesu tengyɛle ye sa fa hane ye, na ɔhane kyɛ, “Mekuro, wɔ nwo fi!” Na berɛ ne ala ye kwata ne hɔle.

Mateo 8:3 Iomraidhean Croise

Gyenesise 1:3

Na Nyameɛ hane kyɛ, “Ɔ́ta hyireinn!” Na ɔtale hyireinn.

2 Ahemvo 5:11

Nakoso Naaman fɛle yaa, ofili berɛ hɔle, na osele kyɛ, “Me de menwa nzɛ okofite kɔwa, ná waagyina wa wabɔ AWURADE ye Nyameɛ ne dumaa, ná wanwaha ye sa wɔ nekaa bɔ anwonyerɛ ne wɔ ne aso, ná wasa kwata anwonyerɛ ne!

2 Ahemvo 5:14

Yiti osili nu hɔle asue Yɔɔdan nu ɔɔtɔle nu pɛen nzoo, kyɛbɔ Nyameɛ sona ne hane ne ala. Na ye nwonaen sa tɔle so kyɛ akwadaa kaaba deɛ, na ye nwo tele.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Ɛksadɔso 4:7

Na AWURADE sele ye kyɛ, “Fa wɔ sa wura wɔ hue so bieku.” Ɔfale ye sa wurale ye hue so bieku, na ɔyele ye sa ne fitele nen, né wasa wakakyi kyɛ ye nwonaen ngaa ne ala.

Mateo 12:13

Na osele biaa ne kyɛ, “Tengyɛ wɔ sa ne anu.” Ɔtengyɛle nu, na ɔyɛle paa kyɛ ko ne ala.

Marko 1:41

Na onwuni ye anwumvoin, ɔtengyɛle ye sa hane ye, na osele ye kyɛ, “Mekuro, wɔ nwo fi!”

Marko 4:39

Na odwɔsole teateane mvrama ne, na osele ɛpo ne kyɛ, “Yɛ konn, na da berɛ dinn!” Afei mvrama ne yakyili tulɛ, na ɔyɛle dinn paa.

Marko 5:41

Ɔsɔle akwadaa ne sa, na osele ye kyɛ, “Talita kumi!” bɔ ye bo kyire kyɛ, “Abaayaa, mekã mekyire wɔ kyɛ, dwɔso!”

Marko 7:34

ɔtole ye nye neane nyameɛso, oguale anwongokoɔ, na osele ye kyɛ, “Hefata!” Bɔ ye bo kyire “Bukye!”

Marko 9:25

Na mmerɛ bɔ Yesu nwuni kyɛ ɛlɔen ne betutu amirika bɛba nen, ɔteane sunzummɔne ne kyɛ, “Wɔ emumu ne asotiniwaa sunzum, mehyɛ wɔ kyɛ, fi ye nu fite, na nnɛkowura ye nu ko!”

Luka 4:27

Asa koso, né kwatafoɛ pee bɛwɔ Yisrael wɔ ngɔmhyɛlɛniɛ Elisa aberɛ so; nakoso wamma ebiala nwo amvi, sana Sirianiɛ Naaman ngome.”

Luka 5:13

Na Yesu tengyɛle ye sa hane ye, na ɔhane kyɛ, “Mekuro, wɔ nwo fi!” Na berɛ ne ala, kwata ne fili ye nwo.

Luka 7:14

Na ɔɔfale ye sa hane efui alaka ne, na bɛ bɔ bɛsõ alaka ne begyinane. Na ɔhane kyɛ, “Aberandeɛ, mekã mekyire wɔ kyɛ, dwɔso!”

Yohane 11:43

Na ɔhane sɔ nen, ɔteane nu serɛserɛ kyɛ, “Lasarɔso, fite bra!”

Yohane 15:24

Sɛ manyɔ nnwumaa bɔ ebiala ɔyyɔle bie le wɔ bɛ nu a, ahaa benni bɔne nwo foɛ; na afei de, banwu ye, nakoso bapɔ me ne me Baba.

Yohane 5:21

Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ.