Mateo 8:29 - AHYERƐLƐ KRONGRON

²⁹ Na yieee, bɛteateane nu kyɛ, “Nzikyɛ yeɛ yɛne wɔ le yɔ ɔ, wɔ, Nyameɛ Awa? Ɛwale wa kyɛ ɛbaateetee yɛ koraka ná mmerɛ ne adwu anaa?”

Mateo 8:29 Iomraidhean Croise

2 Samuel 16:10

Nakoso Nana Dawide buale ye kyɛ, “Ɛmɔ Seruya mma ye mɔ, me dwirɛ fa ɛmɔ nwo nzu? Amoen bɔ ɔ́boro ye, sɛ AWURADE yeɛ waha wahyire ye kyɛ, ‘Boro Dawide amoen,’ a, nwa yeɛ ɔkɔhora kobisa ye kyɛ, ‘Nzu ati yeɛ ɛ́yɔ sɔ ɔ?’ ”

2 Samuel 19:22

Nakoso Dawide buale kyɛ, “Ɛmɔ Seruya mma ye mɔ, me dwirɛ fa ɛmɔ nwo nzu, bɔ ɛnɛ ɛmɔayɛ me pɔfoɛ ye? Aso ɛnɛ ɔsɛ kyɛ beku sona wɔ Yisrael anaa? Aso menze kyɛ ɛnɛ me yeɛ nde Yisrael so hene ɔ.”

1 Ahemvo 17:18

Yeɛ braa ne sele Elia kyɛ, “Nyameɛ sona, nzikyɛ dwirɛ yeɛ afa ali me ye? Ɛwale wa kyɛ ɛbaakaye me me bɔne, ná ɛma mma ne wu anaa?”

2 Ahemvo 3:13

Elisa sele Yisrael hene kyɛ, “Ɛpena nzu me dɔ? Kɔ ɛse ngɔmhyɛlɛfoɛ ne eni ngɔmhyɛlɛfoɛ nemɔ dɔ.” Nakoso Yisrael hene buale ye kyɛ, “Daabi, ɔyɛ me kyɛ AWURADE yeɛ waboa yɛ ahemvo nza ye yɛ noa kyɛ ɔbaafa yɛ wura Moabo sa ɔ.”

2 Aberɛso Dwirɛ 35:21

Nakoso Neko tuli ɛbɔfoɛ mɔ maa bɛhɔle Yosia berɛ beesele ye kyɛ, “Yuda hene, nzikyɛ dwirɛ yeɛ ɔwɔ y’afia ɔ? Nna wɔ yeɛ mafa koɛ maatoa wɔ ɛnɛ ɔ, na mmom maen bɔ me ne ye yɛle koɛ yɛko ɔ. Na Nyameɛ ahyɛ me kyɛ nyɛ ye ndɛ. Nnɛko tia Nyameɛ bɔ ogyi me si ne, amaa ɔnate so wangu wɔ.”

Yoel 3:4

Ɛmɔ, Tiro ne Sidon ne Filistia mboanoa amukoraa, nzikyɛ dwirɛ yeɛ ɛmɔafa bali me e? Aso ɛmɔtua me nikyee bie so kerɛ anaa? Na sɛ ɛmɔtua me so kerɛ a, ye de ngɔma ɛmɔ yɔleɛ ne kɔbɔ ɛmɔ ti so ndɛndɛ so ne amirika so,

Mateo 4:3

Na bɔ oso mmenia nea ne wale ye berɛ oosele ye kyɛ, “Sɛ wɔ ole Nyameɛ Awa ne a, hyɛ nyɔboɛ hemɔ ma paanoo.”

Mateo 8:30

Né mbrako kure pee bie bedidi wɔ nziɛ nziɛ dɔ.

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Marko 3:11

Na sɛ né sunzummɔne mɔ benwu ye a, befifi ase wɔ ye nyunu, na bɛteatea nu kyɛ, “Wɔ ole Nyameɛ Awa ne.”

Marko 5:7

na ɔteane nu serɛserɛ kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Meta Nyameɛ ndaen kyɛ, nnɛteetee me.”

Luka 4:34

“Yesu bɔ efi Nasarɛte, nnɛba teetee yɛ! Nzikyɛ yeɛ yɛ ne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, wɔ ole Nyameɛ ye Krongronniɛ ne!”

Luka 4:41

Na sunzummɔne mɔ koso betutu befili mmeni pee nu, na bɛteateane nu kyɛ, “Wɔ ole Nyameɛ Awa ne!” Nakoso Yesu teateane bɛ, na wamma bɛ ate ma bandwudwo, ɔnate kyɛ né bɛse kyɛ ye ole Kristo ne.

Luka 8:28

Na mmerɛ bɔ onwuni Yesu nen, ɔteane nu serɛserɛ tole ye nwo yele ye gya bo, na ɔteane nu hane kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Mesrɛ wɔ, nnɛteetee me!”

Yohane 2:4

Na Yesu buale ye kyɛ, “Mmobraa, aso wɔ yeɛ ekyire me bɔ odi kyɛ meyɔ ɔ? Me mmerɛ ne onnya oddwuli.”

Asomafoɛ 16:17

Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.”

Yakobo 2:19

Yeɛ ede di kyɛ Nyameɛ te komapɛ? Ayɔ nikye, sunzummɔne mɔ po bede bedi, na bɛ nwo wosowoso bɛ.

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;

Yuda 1:6

Na abɔfo mɔ bɔ bannea bɛ dibea so yé, ná mmom bɛyakyili bɛ bɔbɔ b’atenaleɛ berɛ ne, wabɔ bɛ afebɔɔ panwu wafa bɛ wasie awosii kabii nu, na ɔfa nwondɛ kyẽa piri ndɛenbualɛ ne.

Maenbulɛfoɛ 11:12

Afei Yɛfeta tuli ɛbɔfoɛ maa bɛhɔle Amonfoɛ hene berɛ beesele ye kyɛ, “Nzikyɛ dwirɛ yeɛ ɔwɔ me ne wɔ yɛ afia bɔ ye ti yeɛ ɛbaafa koɛ ɛtoa me maen ye?”