Mateo 8:25 - AHYERƐLƐ KRONGRON

²⁵ Na bɛhɔle ye berɛ beetingyele ye besele kyɛ, “Awurade, de yɛ, na yawu yayie!”

Mateo 8:25 Iomraidhean Croise

2 Aberɛso Dwirɛ 14:11

Asa sũ frɛle AWURADE ye Nyameɛ kyɛ, “Ao AWURADE, ɛkora boka sona bɔ ye nwo yɛ se, yeɛ ɛkora boka bɔ ye nwo nyɛ se koso ɔ. Ao AWURADE yɛ Nyameɛ, boka yɛ, ofikyɛ yafa yɛ nwo yato wɔ so, na wɔ dumaa nu yeɛ yɛfa koɛ yɛkɔtoa ɛlɔen he ɔ. Ao AWURADE, wɔ yeɛ ɛte yɛ Nyameɛ ɔ. Nnɛma dasaniɛ biala di wɔ so ngonim.”

2 Aberɛso Dwirɛ 20:12

Ao yɛ Nyameɛ, aso engotua bɛ so kerɛ? Ofikyɛ ɛlɔen piri ye bɔ bɛbaafa koɛ bɛtoa yɛ ye, yɛngɔhora bɛ nyunu gyina. Yɛnnwu bɔ yɛyɔ ɔ, yiti wɔ yeɛ yɛ nye la wɔ so ɔ.”

Edwein 10:1

Ao AWURADE, nzu ati yeɛ aagyina dedeede sɔa ye? Nzu ati yeɛ amaneɛnwunɛ mmerɛ nu, afa wɔ nwo afea ye?

Yona 1:6

Yiti ɛlɛenhanɛfoɛ nemɔ so panyi ne wale ye berɛ oosele ye kyɛ, Hei! Wɔ bɔ alafe hatee ɔ, nzikyɛ yeɛ ɛpena kyire ye? Dwɔso, sũ frɛ wɔ nyameɛ, na ebiaa nyameɛ ne kɔdwene yɛ nwo ná yanwuwu.

Mateo 8:2

Na yieee, kwataniɛ bie wale ooguale ndwerɛ wɔ ye nyunu berɛ, na osele kyɛ, “Awurade, sɛ ekuro a, ɛkɔhora kɔma me nwo kofi.”

Mateo 8:24

Na yieee, mvrama piri bie hyɛle ye bo tuli ɛpo ne aso, maa ɔnate so asorɔkye bɔ katale ɛlɛen ne aso; nakoso ye de, né walafe.

Mateo 9:18

Yesu gu so bɔ ɔkã ɛhemɔ kyire bɛ nen, yieee, panyi bie wale ɔɔkotole ye nyunu berɛ, na ɔhane kyɛ, “Mma brasua awu kekesaala ye, nakoso bra baafa wɔ sa gua ye so, na okonya ngoa.”

Luka 8:24

Na bɛhɔle ye nwo berɛ beetingyele ye, na besele kyɛ, “Yɛ mene, Yɛ mene, yawu yayie!” Odwɔsole, na ɔteateane mvrama ne ne asorɔkye wuruwuru ne, na bɛyakyili bɛyɛle dinn.