Mateo 8:24 - AHYERƐLƐ KRONGRON

²⁴ Na yieee, mvrama piri bie hyɛle ye bo tuli ɛpo ne aso, maa ɔnate so asorɔkye bɔ katale ɛlɛen ne aso; nakoso ye de, né walafe.

Mateo 8:24 Iomraidhean Croise

Yesaya 54:11

“O wɔ bɔ edi yealɛ, bɔ mvrama atu afĩ wɔ, bɔ ebiala ngyekye wɔ wora ɔ, tie, ngɔfa nyɔboɛ nyemenenyemene yeɛ ngosisi wɔ sua mɔ ɔ, na ngɔfa nyɔboɛ bɔ oli safire ngɔto wɔ fapem ne.

Habakuku 3:10

Mmokaa mɔ nwuni wɔ, na bɛ nwo wosowosole bɛ. Asue bɔ ɔsẽ wuruwuru ɔ pɛle nu hɔle, buma mane ye komvi so teateane nu, na ɔmane ye sa so hɔle anwuro.

Mateo 8:23

Yesu tenane ɛlɛen nu nen, ye asuafoɛ nemɔ lili ye si.

Mateo 8:25

Na bɛhɔle ye berɛ beetingyele ye besele kyɛ, “Awurade, de yɛ, na yawu yayie!”

Luka 8:23

Na bɛ́pɛ asue ne nen, ɔlafele. Mvrama piri bie tu fale asue ne aso, na nzue bu fale bɛ so, bɔ né amaneɛ paa yeɛ wato bɛ ɔ.

Yohane 11:15

na ɛmɔ ti ɔyɛ me fɛ kyɛ né nne dɔ ɔ, amaa ɔnate so ɛmɔale bali. Nakoso ɛmɔma yɛhɔ ye dɔ!”