Mateo 8:16 - AHYERƐLƐ KRONGRON

¹⁶ Na odwuli nɔsoa nen, bɛfale mmenia pee bɔ sunzummɔne wɔ bɛ so ɔ bɛwale Yesu berɛ. Ɔfale ye noa dwirɛ tutuli sunzummɔne nemɔ, na ɔsale bɛ bɔ bɛnde apɔ ne amukoraa anwonyerɛ.

Mateo 8:16 Iomraidhean Croise

Ɛksadɔso 15:26

Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”

Mateo 12:22

Yeɛ mmenia biemɔ fale biaa bie bɔ sunzummɔne wɔ ye so ná osa te anyesiniwaaniɛ ne emumu ɔ bɛbrɛle Yesu. Na ɔsale biaa ne anwonyerɛ maa ɔhora dwudwole, na osa nwuni nikye.

Mateo 14:14

Ofili ɛlɛen ne anu dwuli ná onwuni mmenia wora nen, bɛyɛle ye anwumvo, na ɔsale bɛ nu ayarefoɛ nemɔ anwonyerɛ.

Mateo 8:15

Na ɔɔsɔle ye sa, na ebunu ne tu fili ye nwo, na odwɔsole sole ye.

Mateo 8:33

Mmenia bɔ bɛnea mbrako nemɔ so ne bɛnwatili, na bɛhɔle kuro ne anu bɛɛhane edwirɛ bɔ wasi ne amukoraa, ɔne bɔ ɔfa bɛ bɔ né sunzummɔne wɔ bɛ so ne anwo.

Mateo 9:2

Eh, bɛfale bubuaniɛ bie bɔ ɔla bɛen so ɔ bɛwale ye berɛ, na Yesu nwuni bɛ gyidie nen, osele bubuaniɛ ne kyɛ, “Mma, ma w’ahone tɔ wɔ kunu! Bafa wɔ bɔne bahyɛ wɔ.”

Marko 2:3

Na bɛfale bubuaniɛ bie bɔ mmenia nna bɛso ye ɔ bɛbrɛle ye.

Marko 5:8

Ofikyɛ né Yesu ahã ahyire ye kyɛ, “Wɔ, sunzum tɛɛ, fi biaa ne anu fite!”

Marko 9:25

Na mmerɛ bɔ Yesu nwuni kyɛ ɛlɔen ne betutu amirika bɛba nen, ɔteane sunzummɔne ne kyɛ, “Wɔ emumu ne asotiniwaa sunzum, mehyɛ wɔ kyɛ, fi ye nu fite, na nnɛkowura ye nu ko!”

Luka 13:12

Na Yesu nwuni ye ne, ɔfrɛle ye sele ye kyɛ, “Mmobraa, wɔ nwo asande wɔ afi w’anwonyerɛ ne anu!”

Luka 4:40

Na eyia kwaatɔ ne, bɛ bɔ bele ayarefoɛ bɔ anwonyerɛ ahoroɔ abɔ bɛ amukoraa, bɛfale bɛ brɛle ye; na ɔfale ye sa guale ebiala so sale bɛ anwonyerɛ.

Luka 4:41

Na sunzummɔne mɔ koso betutu befili mmeni pee nu, na bɛteateane nu kyɛ, “Wɔ ole Nyameɛ Awa ne!” Nakoso Yesu teateane bɛ, na wamma bɛ ate ma bandwudwo, ɔnate kyɛ né bɛse kyɛ ye ole Kristo ne.

Asomafoɛ 5:15

Na ɔnate bɔ né asomafoɛ nemɔ bɛyɔ ne ati, mmenia soale ayarefoɛ bɛwale dwaaso, na bɛfale bɛ beguale mba ne bɛen so, kyɛbɔ ɔkɔyɛ ná Petro pɛ nu a, ye wawoɛ kɔtɔ bɛ nu bie so ɔ.