Mateo 8:15 - AHYERƐLƐ KRONGRON

¹⁵ Na ɔɔsɔle ye sa, na ebunu ne tu fili ye nwo, na odwɔsole sole ye.

Mateo 8:15 Iomraidhean Croise

2 Ahemvo 13:21

Mmerɛ bɔ Yisraelfoɛ wɔ so bɔ besie biaa bie ne, benwuni Moabofoɛ koɛhonɛfoɛ bɔ bɛbɔ apaa ɔ. Yiti begyili fuin ne bɛtole Elisa asieleɛ ne anu. Biaa ne fuin ne hane Elisa mmowue pɛ, otingyele fili ewue nu, na odwɔsole gyinane ye gya so.

Yesaya 6:7

Ɔfa hane me noa, na osele kyɛ, “Tie, sɔ nikyee ye ahã wɔ noa; baye w’amumuyɛɛ ne bafi wɔ so, na bate wɔ nwo bafi wɔ bɔne nwo.”

Mateo 14:36

na bɛsrɛle ye kyɛ ɔma bɛfa bɛ sa bɛhã ye ataadeɛ noa ala; na mmenia wora bɔ bɛfale bɛ sa bɛhane ye ne, bɛtele apɔ.

Mateo 20:34

Yiti Yesu nwuni bɛ anwumvoin, ɔfale ye sa hane bɛ nye, na berɛ ne ala benwuni nikye, na belili ye si.

Mateo 8:14

Yesu wale Petro awuro, na onwuni kyɛ ebunu ahye ye sia brasua wato berɛ.

Mateo 8:16

Na odwuli nɔsoa nen, bɛfale mmenia pee bɔ sunzummɔne wɔ bɛ so ɔ bɛwale Yesu berɛ. Ɔfale ye noa dwirɛ tutuli sunzummɔne nemɔ, na ɔsale bɛ bɔ bɛnde apɔ ne amukoraa anwonyerɛ.

Mateo 8:3

Na Yesu tengyɛle ye sa fa hane ye, na ɔhane kyɛ, “Mekuro, wɔ nwo fi!” Na berɛ ne ala ye kwata ne hɔle.

Mateo 9:20

Na yieee, braa bie bɔ mogya atu ye afoɛ buru ne nyɔ ɔ fale Yesu si, na ɔfale ye sa hane ye ataadeɛ noa bɔ banwo ne.

Mateo 9:29

Yeɛ Yesu fale ye sa hane bɛ nye, na ɔhane kyɛ, “Kyɛbɔ ɛmɔ gyidie te ne, ɔ́yɛ sɔ ala ma ɛmɔ!”

Marko 1:29

Befili nyianu sua ne anu befitele pɛ, bɛ ne Yakobo ne Yohane bɛhɔle Simɔn ne Andrea awuro.

Marko 1:41

Na onwuni ye anwumvoin, ɔtengyɛle ye sa hane ye, na osele ye kyɛ, “Mekuro, wɔ nwo fi!”

Luka 8:54

Nakoso Yesu sɔle ye sa, na ɔfrɛle ye kyɛ, “Akwadaa, dwɔso!”