Mateo 8:14 - AHYERƐLƐ KRONGRON

¹⁴ Yesu wale Petro awuro, na onwuni kyɛ ebunu ahye ye sia brasua wato berɛ.

Mateo 8:14 Iomraidhean Croise

Mateo 17:25

Na obuale kyɛ, “Otua.” Na Petro wale awuro nen, Yesu lili moa bisale ye kyɛ; “Simɔn, ɛdwene ye nwo sɛ? Nwa mɔ dɔ yeɛ aseɛ so ahemvo mɔ bedide ndɔ anaa ɛtoɔ ɔ? Bɛ mma mɔ dɔ, anaa amanvrafoɛ mɔ dɔ?”

Mateo 8:15

Na ɔɔsɔle ye sa, na ebunu ne tu fili ye nwo, na odwɔsole sole ye.

Mateo 8:20

Na Yesu buale ye kyɛ, “Safuboa mɔ bele bɔen mɔ, yeɛ ewienu nnomaa bele saen mɔ; nakoso Sona Awa ne de, olle nekaa bɔ ɔfa ye ti to ɔ.”

1 Korintofoɛ 9:5

Aso yɛlle ye nwo ate kyɛ yɛne aliɛmaa brasua bɔ ɔte yɛ ye tu atee, kyɛbɔ asomafoɛ ngaa nemɔ ne Awurade aliɛma mɔ ne Kefa bɛyɔ ne?

1 Timoteo 3:2

Ɔsɛ kyɛ neafoɛ ne ɔyɛ sona bɔ ngekalewa biala nne ye bra nu ɔ, ɔye yɛ komapɛ, ye nye la berɛ, ye nye dwo ase, ye suban te paa, okuro ɛwɔfoɛsolɛ, ɔse ngyerɛkyerɛ yɛ,

1 Timoteo 4:3

Bɛ yeɛ bɛbera agyaa, ná bɛhyɛ kyɛ sona otua aleɛ bɔ Nyameɛ bɔle kyɛ bɛ bɔ bede bedi, ná banwu nahorɛ ne bɛfa asennaa beli ɔ.

Hebrifoɛ 13:4

Odi kyɛ ebiala di agyaa ni, na nnɛma ebiala gua agyaa mba nwo fiɛ, ofikyɛ Nyameɛ kobua adwamanbɔlɛfoɛ ne agyaasɛkyelɛfoɛ ndɛen.