Mateo 7:7 - AHYERƐLƐ KRONGRON

⁷ “Ɛ́mɔbisa, na ɛmɔ sa kɔha ye; ɛmɔpena, na ɛmɔkonwu ye; ɛ́mɔbɔ nu, na bekobukye ɛmɔ.

Mateo 7:7 Iomraidhean Croise

Gyenesise 26:32

Sɔ kyẽa ne ala, Yisake ngoaa mɔ wale bɛɛbɔle ye amaneɛ fa abura bɔ betuli ne nwo kyɛ, “Yaato nzue.”

1 Ahemvo 3:5

Gibeon berɛ, AWURADE yele ye nwo ali hyirele Solomon kɔngɔen wɔ laleɛ nu. Na Nyameɛ sele kyɛ, “Bisa bɔ ekuro ɔ maa nyɔ mma wɔ.”

Edwein 10:17

Ao AWURADE, etie anwobrɛaseɛniɛ ye abisadeɛ; ɛhyɛ ye nguraen, etie ye sufrɛ,

Edwein 10:4

Bɔnefoɛ ye anwomasoɛ maa ɔmbena Nyameɛ si atee; ye adwene amukoraa ole kyɛ, “Nyameɛ biala nne berɛ.”

Edwein 119:12

Ao AWURADE, yɛye wɔ ayɛ, kyirekyire me w’ahyɛdeɛ ne.

Edwein 27:8

Ahã ahyire me kyɛ, “Pena me si atee!” Na mmuale kyɛ, “AWURADE, wɔ si atee yeɛ mepena ɔ.”

Edwein 34:4

Mbenane AWURADE si atee, na obuale me, na ɔpepɛ lele me fili nikyee bɔ mesuro biala ɔ nu.

Edwein 37:4

Ma wɔ nye gye wɔ AWURADE nu, na ɔkɔma wɔ sa kɔhã bɔ w’ahone bu ɛpena ɔ.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 69:32

Anwobrɛaseɛfoɛ bekonwu ye na bɛ nye kɔgye; ɛmɔ bɔ ɛmɔpena Nyameɛ si atee ne, ɛ́mɔma ɛmɔ wora ɔ́kyekye.

Edwein 70:4

Bɛ bɔ bɛpena wɔ si atee ne amukoraa, maa beli ahurusi, ná bɛ nye gye wɔ wɔ nu. Bɛ bɔ bɛ nye gye wɔ ngoalelɛ nwo ne, maa bɛhã ye afebɔɔ kyɛ, “Nyameɛ te piri!”

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Anyandera 8:17

Bɛ bɔ bekuro me dwirɛ ne, mekuro bɛ dwirɛ, na bɛ bɔ bɛ nye boro bɛpena me ne, benwu me.

Edwein Nu Dwein 3:2

Nzaade, ngodwɔso ngoohyinihyini kuro nu dɔ, wɔ dwaaso ne mmorɔnoɛ nemɔ aso, ngɔɔpena me kurofoɛ bɔ me kra kuro ye ne; mbenane ye, nakoso mannwu ye.

Yesaya 30:19

Amba, maen ne kɔtena Sion wɔ Yerusalem, engosũ ko. Sɛ esũ frɛ ye a, okonwu wɔ anwumvoin paa; ɔte ala a, ɔkɔtɛ wɔ so.

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Amose 5:4

Ofikyɛ bɔ AWURADE kã kyire Yisrael awuro ama ɛhe, “Ɛ́mɔpena me si ate, na ɛmɔkonya ngoa.

Mateo 18:19

“Nahorɛ nu, mekã mekyire ɛmɔ bieku kyɛ, sɛ ɛmɔ nu nyɔ yɛ adwene ko aseɛ ye aso wɔ nikyee biala bɔ bekobisa nwo a, me Baba bɔ ɔwɔ nyameɛso ne kɔyɔ kɔma bɛ.

Mateo 21:22

Na nikyee biala bɔ ɛmɔkobisa ye wɔ mbaeɛbɔlɛ nu, ná ɛmɔde bedi nen, ɛmɔ sa kɔhã ye.”

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Mateo 7:11

Na ɛmɔ po bɔ ɛmɔte bɔnefoɛ ɔ, sɛ ɛmɔse kyɛbɔ ɛmɔma ɛmɔ mma mɔ nningyein paa a, nzaade ɛmɔ Baba bɔ ɔwɔ nyameɛso ne, ɔkɔyɛ sɛɛ bɔ ɔngɔfa nningyein paa ngɔma bɛ bɔ bebisa ye ɔ?

Mateo 7:8

Ofikyɛ ebiala bɔ obisa ne, ye sa ka ye; na bɔ ɔpena ne, onwu ye; yeɛ bɔ ɔbɔ nu ne, bebukye ye.

Marko 11:24

Yiti, mekã mekyire ɛmɔ kyɛ: Nikyee biala bɔ ɛmɔbisa wɔ mbaeɛbɔlɛ nu ne, ɛmɔle beli kyɛ ɛmɔ sa kɔhã ye, na ɔkɔyɛ berɛ kɔma ɛmɔ.

Luka 13:25

Na sɛ awuro ne mene dwɔso to anoa ne anu pɛ a, yeɛ ɛmɔkɔhyɛ ye bo bekogyina ye si ɔ, na ɛmɔkɔbɔ anoa ne anu bɛkɔhã kyɛ, ‘Yɛ Mene, Yɛ Mene, bukye anoa ne ma yɛ.’ Na okobua ɛmɔ kyɛ, ‘Menze nekaa bɔ ɛmɔfi ɔ.’

Luka 18:1

Afei Yesu buli bɛ anyandera he fa hyirele kyɛ, ɔsɛ kyɛ sona bɔ mbaeɛ daa biala, bɔ onni kyɛ ɔma ye abasa nu bu ɔ.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 15:7

Sɛ ɛmɔtena me nu, ná me dwirɛ tena ɛmɔ nu a, ɛmɔkobisa bɔ ɛmɔkuro biala, na ɔkɔyɛ berɛ kɔma ɛmɔ.

Yohane 4:10

Na Yesu buale ye kyɛ, “Sɛ ɛse Nyameɛ akyɛdeɛ ne, ɔne bɔ ɔkã kyire wɔ kyɛ, ‘Ma me nzue ne bie ma nno’ a, ahaa asrɛ ye, ná wama wɔ ngoa nzue.”

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

Romanfoɛ 3:11

sona biala nne berɛ bɔ ole ndeaseɛ ɔ. Ebiala nne berɛ bɔ ɔpena Nyameɛ si atee ɔ.

Hebrifoɛ 11:6

Ebiala bɔ olle gyidie ne, ɔngora nzɔ Nyameɛ nye, ofikyɛ odi kyɛ ebiala bɔ ɔba Nyameɛ berɛ ne onya gyidie kyɛ Nyameɛ wɔ berɛ, na oyira bɛ bɔ bɛ nye aboro bɛpena ye boso ɔ.

Yakobo 5:15

Gyidie mbaeɛ kole yarefoɛ ne ngoa, na Awurade kɔpagya ye; na sɛ wayɔ bɔne a, ɔkɔfa kɔhyɛ ye.

1 Yohane 3:22

Na nikyee biala bɔ yɛbisa ne, ɔfa ma yɛ, ofikyɛ yɛdi ye ahyɛdeɛ so, na yɛyɔ bɔ ɔsɔ ye nye ɔ.