Mateo 7:6 - AHYERƐLƐ KRONGRON

⁶ “Nnɛma ɛmɔfa bɔ ɔte krongron ɔ bɛma ngyea, yeɛ nnɛma ɛmɔto ɛmɔ mbembenanneɛ paa begua mbrako nyunu, ná bamva bɛ gya bandiatia so, ná bambɛ bɛ nwo bangeka ɛmɔ.

Mateo 7:6 Iomraidhean Croise

Anyandera 11:22

Brasua anwonyemene bɔ ɔnze nworɛ ne, ɔte kyɛ sikaa kɔkorɛ kaa bɔ owura prako bonyi anu ɔ.

Anyandera 23:9

Nnɛkã dwirɛ gua kwaseaa so anu, ofikyɛ ɔngɔfa wɔ nworɛ dwirɛ ne ngɔyɛ huu.

Anyandera 26:11

Kyɛbɔ kyea fe a osa kodi ne, sɔ ala yeɛ kwaseaa osa kɔyɔ ngwaseade ɔ.

Anyandera 26:4

Kwaseaa kã ngwaseasɛm a, nnɛtɛ ye so, anyɛ a, wɔ koso ɛkɔyɛ kwaseaa kyɛ ye ala.

Mateo 15:26

Na Yesu buale kyɛ, “Ɔtte mayee kyɛ bɛkɔfa mmaa mɔ b’aleɛ bekogyi bekogua ngyea berɛ ɔ.”

Mateo 24:10

Na afei, ɛhe kɔto mmenia pee sundidua; na bɛkɔyeye bɛ nwo ne bɛ nwo bɛkɔma, ná bapopɔ bɛ nwo ne bɛ nwo.

Mateo 7:5

Nyaatwomniɛ! Di moa ye wɔ nye so mbuna ne koraka, na ɔkɔmaa ekonwu nikyee yé, na ahora aye baka sii bɔ ɔla eliɛma nye so ne.

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.

Filipifoɛ 3:2

Ɛ́mɔnea ɛmɔ nwo yé wɔ ngyea nemɔ nwo; ɛ́mɔnea ɛmɔ nwo yé wɔ adwumayɔlɛfoɛ bɔnefoɛ nemɔ nwo, ɛ́mɔnea ɛmɔ nwo yé wɔ bienzuapɛlɛfoɛ nemɔ ne.

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Hebrifoɛ 6:6

sɛ bedi gyidie ne anwo makyebu a, bekosa bɛkɔsakyera b’adwene ko ɔ; ofikyɛ besa bɛbɔ Nyameɛ Awa ne mmeamudua nu bɛma bɛ nwo, na begua ye nyunu ase wɔ mmenia nu.

2 Petro 2:22

Bɔ wato bɛ ne, ɔte kyɛbɔ nohorɛ anyandera ne kã ne, kyɛ: “Kyea fe a, osa kodi,” yeɛ “Ebia prako a, osa kɔbo ye asaa bɔ ɔla nu ne.”

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.