Mateo 7:26 - AHYERƐLƐ KRONGRON

²⁶ “Na ebiala bɔ ɔte me dwirɛ he na onni so nen, ngɔfa ye ngɔtoto kwaseaa bie bɔ osili ye sua siele anweaa so ɔ nwo.

Mateo 7:26 Iomraidhean Croise

YOB NWOMAA NE 22:16

Wandwu bɛ wue yeɛ ɔpraprale bɛ hɔle maa bewuwuli ɔ, na nzueyilɛ piane bɛ nyinasoɛ hɔle.

Anyandera 14:1

Brasua nworɛniɛ osi ye sua, nakoso brasua kwaseaa de, ɔfa ye sa dwiri ye gua.

Yeremia 8:9

Nworɛfoɛ nyunu kogua ase, ahunundetelɛ kɔtɔ bɛ so, ná wahye bɛ. Tie, AWURADE dwirɛ yeɛ bapo ye e, na nzikyɛ nworɛ yeɛ bɛse ɔ?

Mateo 7:24

“Yiti ebiala bɔ ɔte me dwirɛ he ná odi so nen, ngɔfa ye ngɔtoto nworɛniɛ bie bɔ osili ye sua wɔ nyɔbotaen so ɔ nwo.

Mateo 7:25

Esue piri bie tɔle, na nzue yili, mvrama tuli oofini sua ne, nakoso wammu, ɔnate kyɛ bɛtole ye fapem ne wɔ nyɔbotaen so.

Mateo 7:27

Esue piri bie tɔle, na nzue yili, mvrama tuli oofini sua ne, na obuli, na obuli gyirigorɔɔ.”

Luka 6:49

Nakoso ebiala bɔ otie, ná onni so nen, ɔte kyɛ ebie bɔ osili sua siele aseɛnwo bɔ wamva wanzie fapem so ɔ. Nzue yili obu fale ye bo, na berɛ ne ala obuli, na obuli gyirigorɔɔ!”

Yakobo 2:20

Wɔ bɔ wadwene te kãa ɔ! Ɛpena kyɛ bɛkã bekyire wɔ kyɛ gyidie bɔ nnwumaa nne nu ne ɔte wuruwaa anaa?

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.