Mateo 7:24 - AHYERƐLƐ KRONGRON

²⁴ “Yiti ebiala bɔ ɔte me dwirɛ he ná odi so nen, ngɔfa ye ngɔtoto nworɛniɛ bie bɔ osili ye sua wɔ nyɔbotaen so ɔ nwo.

Mateo 7:24 Iomraidhean Croise

YOB NWOMAA NE 28:28

Na osele kuro sona kyɛ, ‘Tie, nworɛ ole kyɛ ekosuro AWURADE ɔ, yeɛ nimdeɛ ole kyɛ ɛkɔhwe wɔ nwo kofi bɔne nwo ɔ.’ ”

Edwein 111:10

AWURADE surolɛ te nworɛnwunɛ ye bohyɛlɛ; bɛ bɔ bɛyɔ sɔ ne, benya nimdeɛ paa. Odi kyɛ bɛye ye ayɛ afebɔɔ.

Edwein 119:130

Wɔ dwirɛ nu ngyirekyiremuɛ ma kanea; ɔma sona bɔ ye adwene te kãa ɔ nya nimdeɛ.

Edwein 119:99

Me nimdeɛ tra bɛ bɔ bekyire me nikyee amukoraa, ofikyɛ wɔ noa dwirɛ nwo yeɛ medwenedwene ɔ.

Anyandera 10:25

Sɛ mvrama piri otu pɛ nu a, bɔnefoɛ boso mini, nakoso teneneeniɛ de, ɔte nyinasoɛ bɔ otimu berɛ daa ɔ.

Anyandera 10:8

Sona bɔ ɔse nworɛ ne, otie mmeraa dwirɛ, nakoso kwaseaa de, ye dwudwolɛ mbaen mbaen ne fa ye kɔ amaneɛ nu.

Anyandera 12:7

Bɔnefoɛ b’ayieleɛ yie bɛ, na bɛ boso mini, nakoso teneneeniɛ de, ye abusua kogyina.

Anyandera 14:8

Badwemma ye nworɛ ne, ɔmaa ɔdwene bɔ ɔyɔ ɔ nwo, nakoso ngwaseafoɛ bɛ gyiminɛ te nnakannaka.

Mateo 12:50

Ofikyɛ ebiala bɔ ɔkɔyɔ me Baba bɔ ɔwɔ nyameɛso n’apɛdeɛ nen, ye yeɛ ɔte nniɛma bienzua ne nniɛma brasua ne me maame ɔ.”

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Mateo 24:45

“Na nwa koraa ole akoaa nahorɛniɛ ne nworɛniɛ, bɔ ye mene afa ye awuro berɛ ngoaa mɔ wawura ye sa, kyɛ ɔma bɛ aleɛ wɔ mmerɛ bɔ ɔsɛ ɔ nu ɔ?

Mateo 25:2

Bɛ nu nnu te nworɛfoɛ, yeɛ nnu wora bɛte ngwaseafoɛ.

Mateo 25:4

Nakoso nworɛfoɛ nemɔ de, bɛfale ngoo beguale ndowaa nu bɛbokale bɛ nganea nemɔ aso.

Mateo 25:9

Nakoso nworɛfoɛ nemɔ buale kyɛ, ‘Daabi oo, ɔngɔso yɛ ne ɛmɔ; yiti ɛmɔhɔ bɛ bɔ bɛtɔne bie nemɔ dɔ bɛɛtɔ ɛmɔ deɛ.’

Mateo 7:25

Esue piri bie tɔle, na nzue yili, mvrama tuli oofini sua ne, nakoso wammu, ɔnate kyɛ bɛtole ye fapem ne wɔ nyɔbotaen so.

Mateo 7:26

“Na ebiala bɔ ɔte me dwirɛ he na onni so nen, ngɔfa ye ngɔtoto kwaseaa bie bɔ osili ye sua siele anweaa so ɔ nwo.

Luka 11:28

Nakoso osele kyɛ, “Bɛ bɔ bɛte Nyameɛ dwirɛ ne ná bedi so ne mmom yeɛ banya saleɛ ɔ!”

Yohane 13:17

Sɛ ɛmɔse hemɔ, ná ɛmɔyɔ a, ɔte saleɛ ma ɛmɔ.

Yohane 14:15

“Sɛ ɛmɔkuro me dwirɛ a, ɛmɔli m’ahyɛdeɛ so.

Yohane 15:10

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

Yohane 15:14

Sɛ ɛmɔdi m’ahyɛdeɛ so a, ye de ɛmɔte me damvo mɔ.

Romanfoɛ 2:13

Ofikyɛ nna bɛ bɔ bɛse mmeraa ne yeɛ bɛte teneneefoɛ wɔ Nyameɛ nyunu ɔ, na mmom bɛ bɔ bedi mmeraa ne aso yeɛ bekobua bɛ be ɔ.

1 Yohane 2:3

Sɛ yɛdi ye ahyɛdeɛ so a, yeɛ okyire kyɛ yɛse ye ɔ.