Mateo 7:2 - AHYERƐLƐ KRONGRON

² ɔnate kyɛ ndɛen horɛ bɔ ɛmɔkobua ne, ye ala yeɛ bɛkɔfa bekobua ɛmɔ ɔ; na nikye horɛ bɔ ɛmɔkɔfa bekosusu ne, ye ala yeɛ bɛkɔfa bekosusu bɛkɔma ɛmɔ ɔ.

Mateo 7:2 Iomraidhean Croise

2 Samuel 21:5

Na bebuale Nana Dawide kyɛ, “Biaa bɔ ohuhuni yɛ, bɔ ahaa ɔpena kyɛ yɛ boso nua, ná ɔye yɛ fi Yisrael aseɛ so nekaa biala ne,

Edwein 109:17

Ohurole amoenwaa, yiti maa obu osa ye. Né ɔmbena saleɛ mma ye mmango, yiti maa saleɛ ɔbɔ ye.

Ɛksadɔso 21:24

bɔ ɛkɔfa kɔyɛ ebie nye ne, sɔ ala yeɛ bɛkɔyɛ wɔ bie bekotua kerɛ ɔ; bɔ ɛkɔfa kɔyɛ ebie gye ne, sɔ ala yeɛ bɛkɔyɛ wɔ bie bekotua kerɛ ɔ; bɔ ɛkɔfa kɔyɛ ebie sa ne, sɔ ala yeɛ bɛkɔyɛ wɔ bie bekotua kerɛ ɔ; bɔ ɛkɔfa kɔyɛ ebie gya ne, sɔ ala yeɛ bɛkɔyɛ wɔ bie bekotua kerɛ ɔ;

Yesaya 33:1

Sɛkyefoɛ, wɔ yaakɔ, wɔ bɔ wɔ de, bɛssɛkyele wɔ ɔ; wɔ, nnakannakaniɛ, bɔ wɔ de ebiala ɔllakalakale wɔ ɔ! Sɛ enya yie ye sɛkyelɛ a, wɔ koso bɛkɔsɛkye wɔ, yeɛ sɛ eyie wɔ nnakannaka ne a, wɔ koso bɛkɔlakalaka wɔ.

Yeremia 34:17

Yiti AWURADE nwa nyoo: Ɛmɔandie me dwirɛ, na ebiala wamma oliɛma ne obiɛngo bannya bɛ fawɔnwodi. Nzaade AWURADE noa dwirɛ ɛhe: Ɛ́mɔtie, me koso fawɔnwodi he yeɛ mefa mema ɛmɔ ɔ, kyɛ ngɔma ngrandɛ, ewue anwonyerɛ ne ɛhɔen kɔwa ɛmɔ so ɔ. Na ngɔmaa ɛmɔkɔyɛ anwodwiri nikyee wɔ aseɛ so ahennie amukoraa nu.

Yeremia 51:24

“Na ngotua Babilɔn ne Kaldeafoɛ amukoraa bɛ so kerɛ, ɔnate b’amumuyɛɛ amukoraa bɔ bayɔ ye wɔ Sion bɔ ɛmɔ nye tua ne ati, AWURADE noa dwirɛ ɛne.

Obadia 1:15

Ofikyɛ AWURADE kyẽa ne wapingye wɔ maen maen amukoraa bɛ so. Kyɛbɔ ayɔ ne, sɔ ala yeɛ bɛkɔfa bɛkɔyɔ wɔ ɔ; wɔ yɔleɛ kɔbɔ wɔ bɔbɔ wɔ ti so.

Mateo 6:14

“Sɛ ɛmɔfa mmenia mvomsoɛ bɛkyɛ bɛ a, ɛmɔ Baba bɔ ɔwɔ nyameɛso ne koso kɔfa ɛmɔ deɛ kɔhyɛ ɛmɔ.

Marko 4:24

Na osele bɛ kyɛ, “Ɛ́mɔnea yé wɔ bɔ ɛmɔte ɔ nwo. Na asusudeɛ bɔ ɛmɔfa besusu bɛma ne, ye ala yeɛ bɛkɔfa bekosusu bɛkɔma ɛmɔ ɔ, na bɛkɔfa bie bɛkɔboka so bɛkɔma ɛmɔ.

Luka 6:38

Ɛ́mɔfa bɛ́ma, na bɛkɔfa bɛkɔma ɛmɔ; asusudeɛ paa bɔ bamiamia so, bɔ bawoso ye, bɔ wayi wabo so ɔ yeɛ bekohwie bekogua ɛmɔ tena nu ɔ. Ofikyɛ asusudeɛ bɔ ɛmɔfa besusu ne, sɔ asusudeɛ ne ala yeɛ bɛkɔfa bekosusu bɛkɔma ɛmɔ ɔ.”

2 Korintofoɛ 9:6

Ɔsɛ kyɛ ɛmɔnwu ye kyɛ, bɔ odua mmakaammaa kãa bie ne, okobu kãa bie; na bɔ odua pee ne, okobu pee.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

Nyekyire 18:6

Ɛ́mɔtua ye so kerɛ kyɛbɔ otuale ɛmɔ so kerɛ ne, ɛ́mɔtua ye so kerɛ mmɔhoɛ nyɔ, kyɛbɔ ye yɔleɛ te ɔ; kwangoa bɔ nu yeɛ ɔfrafrale ne, ɛ́mɔfra ye mmɔhoɛ nyɔ bɛ́ma ye.

Maenbulɛfoɛ 1:7

Yeɛ Adoni Beseke sele kyɛ, “Ahemvo aburasoo, bɔ mapepɛ bɛ sa kokotire ne bɛ gya kokotire, yeɛ né bɛsesa m’aleɛ bo mboporowa bedi ɔ. Bɔ mayɔ ne yeɛ Nyameɛ atua me so kerɛ ɔ.” Bɛfale ye bɛwale Yerusalem, na berɛ yeɛ owuli ɔ.

Maenbulɛfoɛ 5:27

Sisera nye so buruli ye. Ɔte tɔle. Ɔte tɔle Yaele gya bo kenananana; Yaele gya bo yeɛ ye nye so buruli ye ɔ; ɔte tɔle, nekaa bɔ ye nye so buruli ye ne, berɛ ala yeɛ ɔhale nu ɔ.

1 Samuel 15:33

Na Samuel sele kyɛ, “Kyɛbɔ wɔ ngrandɛ ama mmrasua bafa bɛ sa bafi terɛ ne, sɔ ala yeɛ mmrasua mɔ nu wora, eni kɔfa ye sa kofi terɛ ɔ.” Na Samuel pepɛle Agage nu ahuronzi ahuronzi wɔ AWURADE nyunu wɔ Gilgal.