Mateo 7:14 - AHYERƐLƐ KRONGRON

¹⁴ Anoa bɔ ɔte bɔtɔfee ne atee bɔ ɔte kyenɔnn ne yeɛ ɔkɔ ngoa nu ɔ, na mmenia kaaba bie yeɛ benwu ye ɔ.

Mateo 7:14 Iomraidhean Croise

Edwein 16:11

Wɔ yeɛ ekyire me ngoa atee ɔ. Wɔ nyunu yeɛ nningyein bɔ ɔyɛ ahomeka mu wɔ ɔ, na wɔ sa famaa nu yeɛ anigye wɔ afebɔɔ ɔ.

Anyandera 8:20

Tenenee atimbire so yeɛ mefa ɔ, mefa ndɛenbualɛ turoloo atee so.

Yesaya 30:21

Na sɛ ɛmɔdi makyebu bɛkɔfa famaa anaa bɛen a, wɔ so kɔte edwirɛ bie wɔ wɔ si dɔ kyɛ, “Atee ne ɛhe, ɛ́mɔfa so!”

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Yesaya 57:14

Na bɛkɔhã kyɛ, “Ɛ́mɔyeye atee ne anu! Ɛ́mɔyeye atee ne anu! Ɛ́mɔsiesie atee ne! Sundidua bɔ ɔwɔ me maen atee nu ne, ɛ́mɔye béfi berɛ!”

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Mateo 20:16

(Na Yesu hã toale so kyɛ,) “Yiti bɛ bɔ beli nziɛ ne, bekoli moa, yeɛ bɛ bɔ beli moa ne, bekoli nziɛ.” [Ofikyɛ bafrɛ pee, nakoso kãa bie yeɛ baneanea nu baye bɛ ɔ.]

Mateo 22:14

Ofikyɛ, bafrɛ pee, nakoso kãa bie yeɛ baneanea nu bayɛ bɛ ɔ.”

Mateo 7:13

“Ɛ́mɔwura anoa bɔtɔfee ne anu; ɔnate kyɛ anoa bɔ ɔte piri ɔne atee bɔ ɔte tɛtrɛtɛɛ ne yeɛ ɔkɔ ewue nu ɔ, na bɛ bɔ bewura nu ne bɛsone pee.

Mateo 7:15

“Ɛ́mɔnea ɛmɔ nwo yé wɔ ngondombo ngɔmhyɛlɛfoɛ nwo; bɛfa boaen nwomaa bedwira bɛ nwo bɛba ɛmɔ berɛ, nakoso bɛ nu de, bɛte pataku adifuufoɛ.

Marko 8:34

Afei Yesu frɛle ɛlɔen ne ne ye asuafoɛ nemɔ maa bɛwale ye nwo berɛ, na osele bɛ kyɛ, “Sɛ ebie pena kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Luka 12:32

“Fekue kaaba, nnɛma ɛmɔsuro! Ofikyɛ ɔyɛ ɛmɔ Baba ne fɛ kyɛ ɔkɔfa ahennie ne kɔma ɛmɔ ɔ.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Romanfoɛ 12:2

Nnɛma ɛmɔyɛ ɛmɔ nwo kyɛ wiase he, na mmom ɛ́mɔma ɛmɔ adwene nu foforɛyɛlɛ ne ɔsakyera ɛmɔ, amaa ɔnate so ɛmɔanwu bɔ ɔte Nyameɛ apɛdeɛ ɔ, bɔ ɔte paa, ɔsɔ anyeɛ ná odi mu ɔ.

Romanfoɛ 9:32

Nzu ati ɔ? Ofikyɛ bamva gyidie so bambere tenenee, na mmom bɛfale bɛ nnwumaa bɔ bɛyɔle ɔ so. Yiti besotili wɔ sundiboɔ ne aso,