Mateo 7:13 - AHYERƐLƐ KRONGRON

¹³ “Ɛ́mɔwura anoa bɔtɔfee ne anu; ɔnate kyɛ anoa bɔ ɔte piri ɔne atee bɔ ɔte tɛtrɛtɛɛ ne yeɛ ɔkɔ ewue nu ɔ, na bɛ bɔ bewura nu ne bɛsone pee.

Mateo 7:13 Iomraidhean Croise

Gyenesise 6:12

Nyameɛ neane aseɛ, na onwuni kyɛ wasɛkye, ofikyɛ né mmenia mukoraa ama bɔne ali bɛ ti wɔ aseɛ so.

Gyenesise 6:5

Afei AWURADE nwuni kyɛ kuro sona amumuyɛɛ asone pee wɔ aseɛ ye aso, na nzusuleɛ tɛɛ ngome ayi ye ti anu tɛkyɛ daa.

Anyandera 16:25

Atee bie wɔ berɛ a, ɔte paa wɔ kuro sona nye so, nakoso ye ayieleɛ te ewue atee.

Anyandera 7:27

Ye awuro te ɛborɔ atee, na ɔtorotoro kɔ ewue ye pumbu mɔ nu.

Anyandera 9:6

Nnɛma ɛmɔfa ɛmɔ nwo bɛbɔ ngwaseafoɛ, na ɛmɔkonya ngoa, na ɛ́mɔfa ndeaseɛ atee so.”

Yesaya 1:9

Sɛ Asafo AWURADE anyakyi yɛ mmenia kãa bie ma bannya bɛ ti bannidi nu a, ahaa yayɛ kyɛ Sodom, ahaa yakakyi kyɛ Gomora.

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 3:8

Odi kyɛ ɛmɔyɔ bɔ okyire kyɛ ɛmɔasakyera ɛmɔ adwene amba ɔ.

Mateo 7:14

Anoa bɔ ɔte bɔtɔfee ne atee bɔ ɔte kyenɔnn ne yeɛ ɔkɔ ngoa nu ɔ, na mmenia kaaba bie yeɛ benwu ye ɔ.

Luka 14:33

Na sɔ ala yeɛ ɛmɔ nu biala bɔ ɔnyakyi bɔ ole ye amukoraa berɛ ne, ɔngɔhora ngɔyɛ me suaniɛ ɔ.

Luka 9:33

Na mmerɛ bɔ mmienzua nyɔ nemɔ befi Yesu nwo berɛ bɛkɔ ne, Petro sele Yesu kyɛ, “Yɛ mene, ɔte paa kyɛ yɛtena wa ɔ. Maa yɛbɔ asese nza, wɔ deɛ ko, Mose deɛ ko, yeɛ Elia deɛ ko.” Ofikyɛ né ɔnze bɔ ɔkã ɔ.

Yohane 10:9

Me ole anoa ne; na sɛ ebie fa me so kɔ nu a, bekole ye ngoa; na okoli nu akɔneaba, na okonya nekaa bɔ okodidi ɔ.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Romanfoɛ 9:22

Sɔ ala yeɛ Nyameɛ ayɔ ɔ. Ɔyɛle kyɛ ahaa ɔkɔla ye yaafɛlɛ piri ne ye tumi ali. Nakoso onyane aboterɛ mane bɛ bɔ ɔfɛle bɛ nwo yaa bɔ b’ayieleɛ ole ewue ne.

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

2 Korintofoɛ 6:17

Yiti Awurade nwa nyoo: “Ɛ́mɔfi bɛ nu befite, ná ɛmɔhwe ɛmɔ nwo béfi bɛ nwo; nnɛma ɛmɔfa ɛmɔ nwo bɛkã nikyee bɔ ye nwo nde ɔ, na ngole ɛmɔ.

Galatiafoɛ 5:24

Na bɛ bɔ bɛte Kristo Yesu deɛ ne, babɔ anwoɔnaen ne ne ye akɔnnɔ, ɔne bɔ ɔhyɛ anwoɔnaen ne aso mmeamudua nu.

Filipifoɛ 3:19

Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.

1 Yohane 5:19

Yɛse kyɛ yɛte Nyameɛ deɛ, yeɛ ewiase amukoraa wura bɔnefoɛ ne bo.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 20:15

Na ebiala bɔ bannwu kyɛ bahyerɛ ye dumaa wɔ ngoa nwomaa ne anu ne, begyili ye bɛtole see abura ne anu.

Nyekyire 20:3

na ofindini ye tole aseɛ bo dɔ kumaa kuronguronn ne anu, ɔtole ye nu, na ɔfale nzɔanoɛ tale ye noa, kyɛbɔ ɔkɔyɛ bɔ ɔngɔlakalaka maen maen mɔ ko kɔpem kyɛ afoɛ apee ko ne kɔso ɔ. Nakoso ɛhe asi ne, odi kyɛ bɛyakyi ye mmerɛ kãa bie.