Mateo 7:12 - AHYERƐLƐ KRONGRON

¹² Yiti nikyee biala bɔ ɛmɔpena kyɛ mmenia yɔ ma ɛmɔ ne, ɛmɔ koso ɛ́mɔyɔ sɔ ala bɛ́ma bɛ; ofikyɛ porɛ bɔ mmeraa ne ne ngɔmhyɛlɛfoɛ nemɔ gyi so hɔ ɛne.

Mateo 7:12 Iomraidhean Croise

Hesekiel 18:21

“Nakoso sɛ bɔnefoɛ twe ye nwo fi ye bɔne amukoraa bɔ wayɔ ɔ nwo, ná odi m’ahyɛdeɛ mukoraa so, ná ɔyɔ bɔ ɔte paa ne bɔ ɔtengyɛ a, nahorɛ nu, okonya ngoa, na ongowu.

Lewitikɔso 19:18

Nnɛtɔ wɔ mmenia ne anu biala so wereɛ, yeɛ nnɛfa ebiala nwo dwirɛ sie wɔ ti anu, na mmom kuro ebiɛngo dwirɛ kyɛ wɔ bɔbɔ wɔ nwo: me ole AWURADE.

Mika 6:8

Ao kuro sona, wala bɔ ɔte paa ɔ ali wahyire wɔ, nzikyɛ yeɛ AWURADE pena fi wɔ berɛ ɔ? Bɔ ɔpena ala ole kyɛ ɛkɔyɔ bɔ ɔtengyɛ, ekonwu anwumvoin, ɔne kyɛ ɛne wɔ Nyameɛ bɛkɔnate anwobrɛaseɛ nu ɔ.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 5:17

“Nnɛma ɛmɔsusu kyɛ mmale kyɛ mebaatu Mose mmeraa ne ne ngɔmhyɛlɛfoɛ ngyerɛkyerɛ ne megua. Mamma kyɛ mebaatu megua, na mmom mmale kyɛ mebaasi bɛ pi.

Luka 6:31

Na bɔ ɛmɔkuro kyɛ mmenia bɛfa bɛyɛ ɛmɔ ne, sɔ ala yeɛ ɛ́mɔyɛ bɛ ɔ.

1 Timoteo 1:5

Na kɔkɔbɔlɛ ne, ye botaeɛ ole ɔdɔ bɔ ofi ahone bɔ nu te ɔ nu, tiboa paa ne gyidie kaenn nu.

Yakobo 2:8

Yiti sɛ ɛmɔdi dehyeɛ mmeraa ne aso nahorɛ nu, kyɛbɔ Ahyerɛlɛ ne kã kyɛ, “Kuro ebiɛngo dwirɛ kyɛ wɔ bɔbɔ wɔ nwo” ne a, ye de né ɛmɔayɛ nikye.