Mateo 6:6 - AHYERƐLƐ KRONGRON

⁶ Na wɔ de, sɛ ɛ́bɔ mbaeɛ a, kɔ wɔ sua nu, to w’anoa ne anu, ná bɔ mbaeɛ kyire wɔ Baba bɔ ɔwɔ mvealeɛ nu ne, na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Mateo 6:6 Iomraidhean Croise

2 Ahemvo 4:33

Yiti ɔworole sua nu berɛ, na ɔtole ye nwo ne akwadaa ne anoa nu, na ɔbɔle mbaeɛ hyirele AWURADE.

Edwein 34:15

AWURADE nye wɔ teneneefoɛ so, na ɔyɛ asoɛ tie bɛ sufrɛ.

Anyandera 25:22

ofikyɛ sɛ ɛyɔ sɔ a, né asuso see nzramaa agua ye ti afia, na AWURADE kɔma wɔ ye nwo akatuaa paa.

Yesaya 26:20

Me maen, bra, baawura wɔ pumbu mɔ nu, ná toto wɔ nwo anoa nu; fa wɔ nwo fea kãa kɔpem kyɛ ahonehulɛ ne kɔtɔ nzue nu ɔ.

Yesaya 65:24

Anzana bɛbaasu bɛfrɛ ne po, né mama mmuayɛɛ, na begu so bedwudwo ne po, né matie.

Mateo 14:23

Na oguale ɛlɔen ne ate yiele nen, ye ngome ɔhɔle bokaa bie so kyɛ ɔkwaabɔ mbaeɛ. Na aleɛ dwole nen, né ye ngome yeɛ ɔwɔ berɛ ɔ.

Mateo 6:18

ná mmenia bannwu kyɛ ɛyɛ akɔngyere ɔ; sana wɔ Baba bɔ ɔwɔ mvealeɛ nu ne; na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Mateo 6:4

ama w’adɔeɛyɛlɛ ne ayɛ mvealeɛ nu dwirɛ; na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Yohane 1:48

Na Nataneɛl bisale ye kyɛ, “Nisua yeɛ ɛse me ɔ?” Yesu buale kyɛ “Anzana Filipo baafrɛ wɔ, bɔ né ɛwɔ borɔdoma bakaa ne abo nen, yeɛ nwuni wɔ ɔ.”

Yohane 20:17

Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”

Asomafoɛ 10:30

Kɔneleo buale kyɛ, “Ɛlɛnna ɛhe, kɔyɛ bekye sɔa ala, né mebɔ mbaeɛ wɔ m’awuro wa eyia nnɔnmmiɛnza. Na nwuni bienzua bie bɔ owura ataadeɛ hyɛnn kyɛ ogyi me nyunu,

Asomafoɛ 10:9

Aleɛ hyene, na ɔbɔle kɔyɛ eyia duabien nen, né bɛwɔ atee so bɔ bapingye Yopa ɔ; na sɔ mmerɛ ne, Petro fole sua frɛtɛɛ so anwuro kyɛ ɔkwaabɔ mbaeɛ.

Asomafoɛ 9:40

Na Petro mane bɛ mukoraa befitele, oguale ndwerɛ bɔle mbaeɛ, ɔkakyili ye nye hɔle efuin ne anwo na ɔhane kyɛ, “Tabita, dwɔso!” Ɔtetele ye nye, na onwuni Petro nen, odwɔsole tenane berɛ.

Romanfoɛ 8:5

Ofikyɛ bɛ bɔ bɛwɔ anwoɔnaen nu ne, bɛdwene anwoɔnaen nu nningyein nwo; nakoso bɛ bɔ bɛwɔ Sunzum nu ne de, bɛdwene Sunzum nu nningyein nwo.

Ɛfesofoɛ 3:14

Ɔnate ɛhe ati, mekoto mesrɛ [y’Awurade Yesu Kristo] Baba,