Mateo 6:5 - AHYERƐLƐ KRONGRON

⁵ “Sɛ ɛmɔbɔ mbaeɛ a, nnɛma ɛmɔyɛ kyɛ nyaatwomfoɛ nemɔ; ofikyɛ bɛ de, bekuro kyɛ begyinagyina ndende wɔ nyianu sua nemɔ nu ne mmorɔnoɛ so bɛbɔ mbaeɛ, kyɛbɔ ɔkɔyɛ bɔ mmenia konwu bɛ ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 6:5 Iomraidhean Croise

Edwein 5:2

Tie me sufrɛ, me Hene ne me Nyameɛ, ofikyɛ wɔ yeɛ mebɔ mbaeɛ mekyire wɔ ɔ.

Edwein 55:17

Nɔsoa, ngyerɛmɔ ne eyia, mekã me yealɛ mesu, na okotie me mbaeɛ.

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 16:5

Ebiala bɔ ɔte ahandaen ne, AWURADE kyi ye, nahorɛ nu, ɔngɔfa ye nwo ngoli tɔtorɔtɔɔ.

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Yeremia 29:12

Afei ɛmɔkosu bɛkɔfrɛ me, ɛmɔkɔwa bɛkɔɔbɔ mbaeɛ bekohyire me, na ngotie ɛmɔ.

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Mateo 21:22

Na nikyee biala bɔ ɛmɔkobisa ye wɔ mbaeɛbɔlɛ nu, ná ɛmɔde bedi nen, ɛmɔ sa kɔhã ye.”

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Mateo 23:5

Bɔ bɛyɔ amukoraa te bɔ mmenia konwu bɛ ɔ; ofikyɛ bɛyɛ bɛ ngayeɛ nwomaa ne tɛtrɛtɛɛ, yeɛ bɛyɛ bɛ ndaadeɛ noa bɔ banwo ne ndendenn.

Mateo 23:6

Bekuro mbanyi bia wɔ ɛpoentolɛ bo, ɔne mbanyi bia wɔ nyianu sua mɔ nu,

Mateo 6:1

“Ɛ́mɔnea yé ná ɛmɔanyɔ ɛmɔ tenenee yɔleɛ wɔ mmenia nyunu, kyɛbɔ ɔkɔyɛ bɔ bekonwu ɛmɔ ɔ. Ɔba ye sɔ a, ɛmɔngonya akatuaa biala ngofi ɛmɔ Baba bɔ ɔwɔ nyameɛso ne berɛ.

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 6:2

Yiti sɛ ɛyɔ adɔeɛ a, nnɛbɔ ye nwo dawure, kyɛbɔ nyaatwomfoɛ bɛyɔ ye nyianu sua mɔ nu ne dwaaso, kyɛbɔ mmenia kɔkamvo bɛ ne. Nahorɛ nu, mekã mekyire ɛmɔ kyɛ, bɛ sa ahã b’akatuaa dada.

Mateo 9:38

Yiti ɛ́mɔsrɛ nnɔbaeɛtelɛ Mene ne, ná ɔma adwumayɔlɛfoɛ bɛbra ye nnɔbaeɛtelɛ adwuma ne anu.”

Marko 11:25

Na sɛ ɛmɔdwɔso begyina kyɛ ɛmɔbɔ mbaeɛ, ná sɛ ebie nwo dwirɛ wɔ ɛmɔ ti anu a, ɛ́mɔfa bɛhyɛ ye; amaa ɔnate so ɛmɔ Baba bɔ ɔwɔ nyameɛso ne koso wafa ɛmɔ mvomsoɛ wahyɛ ɛmɔ. [

Marko 12:38

Na Yesu ngyerɛkyerɛ ne anu, osele bɛ kyɛ, “Ɛ́mɔnea ɛmɔ nwo yé wɔ ahyerɛlɛfoɛ nemɔ nwo. Bɛ yeɛ bekuro ndaadeɛ ndendenn wuralɛ bɛnate, ɔne kyɛ mmenia kobisa bɛ ahye wɔ dwaaso ɔ,

Luka 11:43

“Ɛmɔ Farasiifoɛ, ɛmɔ yaakɔ! Ofikyɛ, mbanyi bia yeɛ ɛmɔkuro wɔ nyianu sua mɔ nu ɔ, ɔne kyɛ mmenia kobisa ɛmɔ ahye wɔ dwaaso ɔ.

Luka 18:1

Afei Yesu buli bɛ anyandera he fa hyirele kyɛ, ɔsɛ kyɛ sona bɔ mbaeɛ daa biala, bɔ onni kyɛ ɔma ye abasa nu bu ɔ.

Luka 18:13

“Nakoso ɛtoɔdidelɛniɛ ne de, oogyinane nziɛ nziɛ, na wanguro kyɛ ɔkɔma ye nye so kɔnea nyameɛso po ɔ, na mmom ɔfale ye sa guale ye ahone so hane kyɛ, ‘O Nyameɛ, nde bɔnefoɛ, na nwu me anwumvoin!’

Luka 20:47

bɛ yeɛ bɛbɔ akunafoɛ mmrasua apoo bede bɛ nningyein ɔ, nakoso bɛpati bɛbɔ mbaeɛ tendenn bekyire. Na bɛ yeɛ bekobua bɛ foɛ piri paa ɔ.”

Luka 6:24

“Nakoso ɛmɔ bɔ ɛmɔanya ɛmɔ nwo de, ɛmɔ yaakɔ! Ofikyɛ ɛmɔanya ɛmɔ aworakyekyerɛ dada!

Yohane 16:24

Na ɔbaadwu ɛnɛ ye, ɛmɔnnya bebbisale nikyee biala wɔ me dumaa nu. Ɛ́mɔbisa, na ɛmɔ sa kɔhã ye, amaa ɔnate so ɛmɔ anigye ne wali mu.”

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

1 Tɛsalonikafoɛ 5:17

nnɛma ɛmɔyakyi mbaeɛbɔlɛ le!

Yakobo 4:6

Nakoso adom bɔ ɔfa ma ne, ɔsone pee. Na ye sɔ ati yeɛ Ahyerɛlɛ ne kã kyɛ, “Nyameɛ nye sa anwomasoɛfoɛ, na ɔdo anwobrɛaseɛfoɛ.”