Mateo 6:4 - AHYERƐLƐ KRONGRON

⁴ ama w’adɔeɛyɛlɛ ne ayɛ mvealeɛ nu dwirɛ; na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Mateo 6:4 Iomraidhean Croise

Edwein 139:12

amba, awosii po ɔnyɛ alesaleɛ mma wɔ; kɔngɔen ta hyireinn kyɛ eyia, ofikyɛ awosii te kyɛ kanea ma wɔ.

Edwein 17:3

Sɛ ɛneanea m’ahone nu, ná ɛpɛnzɛpɛnzɛ me ti anu dwirɛ nu kɔngɔen, ná eso me nea a, engonwu bɔne biala wɔ me nu; mayɛ m’adwene kyɛ mengɔfa me noa mengɔhã edwirɛ bɔ ɔte bɔne ɔ.

Edwein 44:21

aso ahaa Nyameɛ ongonwu ye anaa? Ofikyɛ ye yeɛ ɔse sona ti anu mvealeɛ dwirɛ ɔ.

Anyandera 25:22

ofikyɛ sɛ ɛyɔ sɔ a, né asuso see nzramaa agua ye ti afia, na AWURADE kɔma wɔ ye nwo akatuaa paa.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Yeremia 23:24

Aso ebie kɔhora kɔfea wɔ mvealeɛ nu bɔ mengonwu ye ɔ? AWURADE noa dwirɛ ɛne. Aso menyi nyameɛso ne aseɛ so tɛkyɛ anaa? AWURADE noa dwirɛ ɛne.

Mateo 10:42

Na ebiala bɔ ɔkɔma mmaa mmaa hemɔ anu ko nzue frɔlɔɔ kwangoa ko, ɔnate kyɛ onwu ye kyɛ ɔte suaniɛ ne ati nen, nahorɛ nu mekã mekyire ɛmɔ kyɛ, ye akatuaa ngɔbɔ ye.”

Mateo 6:18

ná mmenia bannwu kyɛ ɛyɛ akɔngyere ɔ; sana wɔ Baba bɔ ɔwɔ mvealeɛ nu ne; na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Mateo 6:3

Na wɔ de, sɛ ɛyɔ adɔeɛ a, nnɛma wɔ sa bɛen nwu bɔ wɔ sa famaa yɔ ɔ,

Mateo 6:6

Na wɔ de, sɛ ɛ́bɔ mbaeɛ a, kɔ wɔ sua nu, to w’anoa ne anu, ná bɔ mbaeɛ kyire wɔ Baba bɔ ɔwɔ mvealeɛ nu ne, na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Luka 14:14

na ekonya saleɛ; ofikyɛ bɛ de, bɛngɔhora bie yɔ ma wɔ ngɔfa ngosi ye gya nu. Na teneneefoɛ edwɔsolɛ ne anu yeɛ wɔ sa kɔhã ye nwo akatuaa ɔ.”

Luka 8:17

“Ofikyɛ, nikyee biala nne mvealeɛ nu bɔ bɛngɔla ye ali ɔ; anaakyɛ nikyee biala nne berɛ bɔ wafea bɔ bengonwu ye, bɔ ye nwo ngɔla so ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.