Mateo 6:31 - AHYERƐLƐ KRONGRON

³¹ “Yiti nnɛmaa ɛmɔdwenedwene bɛkã kyɛ, ‘Nzikyɛ yeɛ yɛkoli ɔ, anaa nzikyɛ yeɛ yɛkɔno ɔ, anaa nzikyɛ yeɛ yɛkɔhera ɔ.

Mateo 6:31 Iomraidhean Croise

2 Aberɛso Dwirɛ 25:9

Yeɛ Amasia bisale Nyameɛ sona ne kyɛ, “Na ɛdwetɛ talɛnde ɛyaa ko bɔ mafa mama Yisraelfoɛ koɛhonɛfoɛ ne, yɛyɛ ye sɛ?” Nyameɛ sona ne buale ye kyɛ, “AWURADE kɔhora kɔma wɔ bɔ ɔbo sɔ ɔ.”

Edwein 111:5

Bɛ bɔ besuro ye ne, ɔma bɛ aleɛ, na ye nye wɔ ye apam so daa.

Edwein 37:3

De AWURADE di, na yɔ bɔ ɔte paa ɔ; amaa ɔnate so anya aseɛ ne aso atena, ná wɔ nwo atɔ wɔ.

Edwein 55:22

Fa w’adesoa to AWURADE so, na ɔkɔsɔ wɔ nu; ɔngɔnea ngɔma teneneeniɛ ngofi ase.

Mateo 15:33

Na asuafoɛ nemɔ bisale ye kyɛ, “Nisua yeɛ yɛkonya aleɛ wɔ ɛserɛ ye aso wa, bɔ ɔkɔso mmenia wora he di ɔ?”

Mateo 4:4

Nakoso obuale kyɛ, “Bahyerɛ kyɛ, ‘Nna paanoo ngome so yeɛ sona nate nya ngoa ɔ, na mmom ɔnate edwirɛ biala bɔ ofi Nyameɛ noa ba ɔ so.’ ”

Mateo 6:25

“Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaakyɛ nzu yeɛ ɛmɔkɔno ɔ, anaakyɛ ɛmɔ nipadua nwo, kyɛ nzu yeɛ ɛmɔkɔhera ɔ. Aso ngoa nwo nhia ndra aleɛ? Aso nipadua nwo nhia ndra ɛtena anaa?

Mateo 6:27

Ɛmɔ nu beni yeɛ ɔkɔhora kɔfa adwenedwene so kɔfa ɛlɛho po kɔtoa ye ngoa so ɔ?

Luka 10:41

Na Awurade buale ye kyɛ, “Maata, Maata, ɛdwenedwene, na ɛha wɔ nwo wɔ nningyein pee nwo;

Luka 12:11

“Sɛ bɛfa ɛmɔ bɛkɔ nyianu sua mɔ nu, ndɛenbualɛfoɛ ne mbanyi nyunu a, nnɛma ɛmɔdwenedwene kyɛbɔ ɛmɔkosi bɛkɔye ɛmɔ noa nwo, anaa bɔ ɛmɔkɔhã ɔ nwo;

Luka 12:22

Afei Yesu sele ye asuafoɛ nemɔ kyɛ, “Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaa ɛmɔ nipadua nwo, kyɛ nzu yeɛ ɛmɔkɔhera ɔ.

Luka 12:29

Sɔ ala yeɛ nnɛma ɛmɔpena bɔ ɛmɔkoli ɔ, anaa bɔ ɛmɔkɔno ɔ; yeɛ nnɛmɔmaa ɔyɛ ɛmɔ so adwenedwene.

Filipifoɛ 4:6

Nnɛmɔma nikye fee ha ɛmɔ; na mmom nikyee biala nu, ɛ́mɔfa mbaeɛbɔlɛ ne ngotosrɛ ne asennaa bɛ́fa bɔ ohia ɛmɔ ɔ bɛ́to Nyameɛ nyunu.

1 Petro 5:7

Ɛ́mɔfa ɛmɔ dadwene amukoraa begua ye so, ofikyɛ ɔdwene ɛmɔ nwo.