Mateo 6:23 - AHYERƐLƐ KRONGRON

²³ Nakoso sɛ wɔ nye te wusiwusi a, wɔ nipadua ne amukoraa kɔyɛ awosii. Yiti sɛ kanea bɔ ɔwɔ wɔ nu ne te awosii a, né ye awosii ne te kabii paa!

Mateo 6:23 Iomraidhean Croise

Anyandera 26:12

Yeɛ anwu sona bɔ obu ye nwo kyɛ ye de ɔse nworɛ ɔ? Sɔ sona ne, anyelasoɛ wɔ berɛ ma ngwaseafoɛ tra ye.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Yeremia 4:22

Ofikyɛ me maen te mmenia ngwaseafoɛ, bɛnze me; bɛte mmaa bɔ bagyimi, bɔ belle nimdeɛ koraa ɔ. Babe wɔ bɔne yɔlɛ nu, nakoso nikye paa de, bɛnze ye yɔ.

Mateo 20:15

Nikyee bɔ me bɔbɔ me deɛ ahɔ ne, asoɛ nnne ye nwo ate kyɛ mefa meyɔ bɔ mekuro anaa? Anaakyɛ, nde paa ti yeɛ wɔ nye aboro ye?’

Mateo 6:22

“Anyeɛ te nipadua kanea. Yiti sɛ wɔ nye nwu nikyee yé a, wɔ nipadua ne amukoraa kɔyɛ hyireinn.

Marko 7:22

anyeboroborolɛ, amumuyɛɛ, nnakannaka, ahohwibra, akɔnnɔ tɛɛ, musue dwirɛ, ahandaen ne ngwaseasɛm fi ba ɔ.

Luka 11:34

Wɔ nye te nipadua ne kanea. Yiti sɛ wɔ nye nwu nikyee yé a, wɔ nipadua ne amukoraa te hyireinn; nakoso sɛ wɔ nye te wusiwusi a, wɔ nipadua ne amukoraa koso te awosii.

Luka 8:10

Na obuale kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ, nakoso mmenia ngaa ne de, bafa bama bɛ anyandera nu, amaa ɔnate so banwu ye, nakoso bannwu nu, ná bate, nakoso bande ye bo.”

Romanfoɛ 1:22

Bɛdwenene kyɛ bɛse nworɛ, nakoso bɛte ngwaseafoɛ.

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

Ɛfesofoɛ 4:18

Bɛ de, awosii akata bɛ ndeaseɛ so, na ɔnate ndeaseɛ bɔ belle bie, ná bayɛ asoserɛ ne ati, ngoa bɔ Nyameɛ fa ma ne wabɔ bɛ.

Ɛfesofoɛ 5:8

ofikyɛ daa ne, né ɛmɔte awosii, nakoso kekesaala ye de, ɛmɔte kanea wɔ Awurade nu. Ɛ́mɔbɔ ɛmɔ bra kyɛ kanea mma,

1 Yohane 2:11

Nakoso ebiala bɔ ɔpɔ oliɛma ne te awosii nu, ɔnate awosii nu, na ɔnze nekaa bɔ ɔkɔ ɔ, ofikyɛ awosii ne ama ye nye asi.