Mateo 6:22 - AHYERƐLƐ KRONGRON

²² “Anyeɛ te nipadua kanea. Yiti sɛ wɔ nye nwu nikyee yé a, wɔ nipadua ne amukoraa kɔyɛ hyireinn.

Mateo 6:22 Iomraidhean Croise

Yesaya 5:20

Bɛ yaakɔ! Bɛ bɔ bɛkã kyɛ bɔne te paa, ɔne kyɛ paa te bɔne ɔ; bɛ bɔ bɛfa awosii bɛyɛ kanea, ná bafa kanea bayɛ awosii ɔ; bɛ bɔ bɛnwa nikyee weewee te menemene, ná nikyee menemene koso yɛ wee ɔ!

Mateo 5:15

Sɔ ala yeɛ bɛnzɔ kanea ná bafa bawura ɛkorɛ bo ɔ; na mmom bɛfa besie kanea bakaa so, amaa wata wama ebiala bɔ ɔwɔ awuro berɛ anwu ase.

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

Ɛfesofoɛ 6:5

Ngoaa mɔ, ɛ́mɔye ɛmɔ ahone nu bɛ́fa esuronyi ne anwowosolɛ bɛ́yɛ sotie bɛ́ma ɛmɔ anwoɔnan nu meneɛ mɔ, kyɛbɔ ɛmɔyɔ bɛma Kristo ne;

Kolosefoɛ 3:22

Ngoaa mɔ, ɛ́mɔyɛ sotie bɛ́ma ɛmɔ anwoɔnaen nu meneɛ mɔ wɔ nikyee biala nu. Nnɛma ɛmɔyɔ ye bɛ nye so mbaen, kyɛ ɛmɔyɔ ma sona kamvo ɛmɔ ɔ, na mmom ɛ́mɔfia ɛmɔ kunu bɛyɔ ye kyɛ mmenia bɔ besuro Awurade ɔ.