Mateo 6:20 - AHYERƐLƐ KRONGRON

²⁰ Na mmom ɛ́mɔboaboa ɛmɔ agyapadeɛ noa bésie nyameɛso, nekaa bɔ mvrɔlɔ nni, ná onni naakye, ná awuefoɛ mmubu ngɔ nu ngonwua ɔ.

Mateo 6:20 Iomraidhean Croise

Yesaya 33:6

Ɔkɔyɛ wɔ mmerɛ so nyinasoɛ pindinn, ɔte ngoalelɛ, nworɛ ne nimdeɛ mmorosoɛ, na AWURADE surolɛ yeɛ ɔte ye agyapadeɛ ɔ.

Mateo 19:21

Na Yesu sele ye kyɛ, “Sɛ ekuro kyɛ ɛyɛ pɛpɛɛpɛ a, ye de kɔ, ná kɔtɔne w’anwonyadeɛ, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Mateo 6:19

“Nnɛma ɛmɔboaboa agyapadeɛ noa bɛma bɛ nwo wɔ aseɛ ye aso, nekaa bɔ mvrɔlɔ di ná odi naakye, ná awuefoɛ bubu kɔ nu bekowua ne.

Marko 10:21

Yeɛ Yesu neane ye haa, na ohurole ye dwirɛ, na osele ye kyɛ, “Waha wɔ nikyee ko: Kɔ ná kɔtɔne bɔ ele ye amukoraa, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Luka 12:33

Ɛ́mɔtɔne bɔ ɛmɔle ye ɔ ná ɛ́mɔfa bɛ́yɛ adɔeɛ; ɛ́mɔyɔ sikaa bɔtɔ mɔ bɔ bɛnyɛ daa ɔ bɛfa, ɔne agyapadeɛ bɔ benyie le ɔ wɔ nyameɛso, nekaa bɔ awuefoɛ bɛmma berɛ, ná mvrɔlɔ koso benni ɔ.

Luka 18:22

Na Yesu tele sɔ dwirɛ nen, osele ye kyɛ, “Waha wɔ nikyee ko: Tɔne bɔ ele ye amukoraa, ná kyɛ sikaa ne ma ehiafoɛ, na ekonya agyapadeɛ wɔ nyameɛso; na afei bra baali me si.”

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

1 Timoteo 6:19

ná bɛ́fa bɛ́to fapem paa besie berɛ bɛma bɛ nwo kyẽa bie; amaa ɔnate so bɛ sa ahã daa ngoa ne.

Hebrifoɛ 10:34

Ofikyɛ ɛmɔnwuni bɛ bɔ begua kuku nu anwumvoin, na mmerɛ bɔ bɛfene ɛmɔ nningyein bɛfale ne, ɛmɔle anigye bɛpenene so, ofikyɛ ɛmɔse kyɛ ɛmɔle nningyein paa bɔ ɔtra so wɔ nyameɛso afebɔɔ.

Hebrifoɛ 11:26

Na onwuni kyɛ sɛ ɔnate Kristo ti begua wɔ nyunu ase a, ye nwo le mvasoɛ tra kyɛ ekonya Misraim anwonyadeɛ ɔ, ofikyɛ né ye nye la kyẽa bie akatuaa so.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

1 Petro 1:4

maa yanya agyapadeɛ bɔ ɔmborɔ, bɔ ngekalewa nne ye nwo, bɔ ɔmbɛ nu ngɔ, bɔ bafa basie nyameɛso bama ɛmɔ

1 Petro 5:4

Na sɛ Mmoaenneafoɛ panyi ne ɔye ye nwo ali a, ɛmɔkonya animnyam abotire bɔ ɔnzɛkye koraa ne.

Nyekyire 2:9

Mese w’amaneɛnwunɛ ne wɔ hiaa, (nakoso anya wɔ nwo), yeɛ mese bɛ bɔ bɛnwa bɛte Yudafoɛ nakoso bɛtte Yudafoɛ ne, ná mmom bɛte Satan nyianu sua ne, bɛ musue dwirɛ kekanɛ ne.